hósdagur 9. juli 2020síða 32

FRÍGGJADAGUR 10. JULI 2020 SOSIALURIN 54 32 NØVN Havnarmaðurin Poul Johan Djurhuus sjeyti 22. juni steig ein kendur havnarmaður, Poul Johan Djurhuus, um sjeyti ára gáttina. Poul Johan er einkarsonur Hervør ættað úr Húsavík í Sandoynni og Andrew føddur og uppvaksin innan Glyvur í Eysturoynni. Mong ár eru liðin síðani Andrew flutti inn í æviga bústað sín. At Poul Johan hevur røtur av bygd, hevur evnað hann til ein fjølbroyttan og vitandi mann við brennandi áhuga í bygdarlívinum og spennandi upplivingum úr fjalli í fjøru, umframt alt tað fjølbroytta og slóðbrótandi, sum høvuðsstaðurin, Havnin, stóð fyri í hansara uppvøkstri. Hann hevur mangan greitt frá góðu summ­arløtunum, ið hann hevði í spæli og leiki suðuri í Húsavík og innan Glyvur, hagar hann ferðaðist í barnaárunum, sam­an við foreldrunum, sum ongantíð gloymdu røtur og bygdarfólk, men ynsktu at sonurin skuldi kenna ættaruppruna sín og bygdarmentanina. Tórshavn, tú Føroyalands miðstøða var, tingstaður øld eftir øld. Ólavs kongs minni í 900 ár higar dró oyggjalands fjøld. Her Føroya søga er rist í hvønn klett, her Føroya mansevni góð sett hava spor sítt í gøtur og tún, traðkaðu fólkinum slóð. Soleiðis yrkir Poul F. Joensen um høvuðs­ stað okkara, Havnina, ið eisini gjørdist barndómsborgin hjá Poul Johan. Hóast hann hevur búð á bygd í rættiliga mong ár, fyrst í Vatnsoyrum og síðani á Glyvrum, hevur havnarmaðurin Poul Johan Djurhuus ongantíð gloymt sína barndómsháborg, Havnina, men altíð borið Havnini sannan alsk alt sítt lív, til dagin í dag. Uppvaksin í J. Nolsøesgøtu, úti í Grøn­ landi, sum var nýggjur býarpartur í Havn­ ini í 1950-unum – fann hann sær har hollar leikbrøður og vinmenn. Poul Johan hevur mangan greitt frá hugnaliga um­ hvørvinum úti í Grønlandi, frá grannum og spælibrøðrum, ið hann hevur havt samband við frá góðu barndómsárunum. Mamman Hervør, býr framvegis í heiminum úti í Grønlandi. Blaðungur fór Poul Johan í handilslæru hjá partafelagnum Valdemar Lützen í Vágsbotni, har sum Miðlahúsið nú er. Júst lærutíðin hjá Pf. Valdemar Lütz­en gjørdist ein venjingarskúli hjá føðing­ar­ dags­barninum, bæði at fara væl um, vera góður og vinarligur við fólk og hava áhuga fyri teirra viðurskiftum. Hetta gjørd­ist virðismikil lærdómur í samband við trú­ boð­araverkið, ið gjørdist lívsverk hansara. Andaliga heimabeitið hjá Poul Johan var samkoman í Ebenezer. Húsið er í dag karmur um samkomulívið í Berøa-sam­ komuni á Gyvrum, tí gamli Ebenezer varð fluttur úr Havn og inn á Glyvrar í 1963. Trúarálit hansara á Jesus Kristus framdi virkisfýsni, sum hevur eyðkent lív hansara. Longu sum smádrongur at hava barnamøti fyri grannabørnum í barndómsheiminum og 14 ára gamal var hann longu at síggja á talarapallinum í Ebenezer. Stutt eftir byrjaðu hann, Zacharis Hammer og aðrir, sunnudagsskúla á Hvítanesi. Liðugur við handilslæruna fór hann – 20 ára gamal - á Moorlands bíbliuskúla í Suðuronglandi í 2 ár. Hann fekk hann enn holl­ari kunnleika til bíbliulæru og enska málið, ið er komið honum væl við sum bíbliu­lærari og tolkur. Eftir at hava verið ferðandi sølumaður hjá handilsfyritøkuni Farodane, kendi Poul Johan at stundin var komin at fara í heiltíðartrúboðaraverk, sum hann alla tíðina hevði kent seg kallaðan til. Poul Johan giftist við Else, ættað úr Keyp­mannahavn, sum var einkja eftir Bryn­ leif Hansen, ið var ein av teimum, ið fórust í flogvanlukkuni í Mikinesi 26. september 1970. Í Else fekk hann eina dygdarkonu, ið hevur verið honum ein dyggur stuðul. Hó­ ast blaðungur, tók hann ábyrgd av henni og teim fýra børnunum, sum Else hevði við sær inn í hjúnalagið: Billy, Filip, Anitu og Miriam. Saman fingu Else og Poul Johan børnini Andrew og Hervør. Poul Johan var 15 ára gamal, tá ið leiðir okk­ara bóru saman. Hetta var í 1965 tá Birgit og eg, nýgift hjún, kallaðu ungfólk sam­an til bíbliutímar heima hjá okkum á Sól­teigi 4. Hesar løtur gjørdust til lívlangt vina­lag okkara millum. Ikki einans vinalag, men eitt signað gróðrar- og ávakstrargott sam­arbeiði í andaligu tænastuni. Poul Johan, Else og vit bæði hava havt so mangt gott saman, ikki minst saman við samverkamonnum okkara í ár so mong: Hjørleif Vang, Páll á Lakjuni, Jógvan Páll Sevdal og Osmundi Justinussen. Ótald eru tey møti, fundarøðir, bíbliu­ skúla­skeið, traktatferðir og bíbliuskeið, ið vit samverkamenn hava skipað fyri og havt saman ið Poul Johan, bæði burturi og heima. Nøkur dømi: Fundarøðin hjá Luis Palau í ítróttarhøllini í Havn í 1988. Sjónvarpsundarøðirnar hjá Billy Gra­ ham úr Essen í Týskalandi og Puerto Rico í 1990-unum, sum vóru sjónvarpaðar til Føroya. Vitjanin hjá amerikanska evangelistinum Franklin Graham í ítróttarhøllini í Havn fyri fáum árum síðani. Stóra kristiliga stevnan umboð á Norr­ ønu 1987, har umleið 400 fólk vóru saman eitt vikuskifti til bíbliutímar og annað virk­ semi. Poul Jóhan tolkaði Luis Palau tá ið hann vitjaði í Føroyum 1988, og saman við Zacharias Zachariassen tolkaði hann Billy Graham á hesum fundarrøðum. Poul Johan var eisini tolkur hjá navn­ frama Richard Wurmbrand, úr Rumenia, sum í 14 ár hevði sitið fongslaður undir kommunistiska stýrinum í heimlandinum, vegna trúgv sína á Kristus. * Else og Poul Johan hava saman tænt í verk­inum sum avloysarar í Kristnastovu nøkur ár. Tey hava havt avloysaraábyrgd í samband við kristiliga verkið í Malta í Hirtshals til stóra gleði fyri útisetar okkara, ið komu har og eisini vitjanir teirra á Ríkis­ sjúkrahúsinum tá tey vóru í tænastu í Kristnastovu. Poul Johan hevur í mong ár fyriskipað bíbliuferðir við Norrønu, ið hava verið sera væl umtóktar. Einki er at taka seg aftur í at siga, at Poul Johan er ein av okkara allarbestu røð­ar­um, evangelistum og undirvísarum í orði Guds. Andaligi akurin her á landi hevði verið mikið fátækari uttan Poul Johan Djur­huus. Mong við mær takka Gudi fyri henda mann, ið er so er trúfastur í kalli sínum, trúfastur móti orði Guds og ein av ítarstu evangel­ isku stríðsmonnum okkara, ið fult og heilt lítur á innblásta og æviga orð Guds, og sum ótroyttiliga virkar fyri at svikaleysa, trú­festa og sanna orð Guds verður handað víð­ari til komandi ættarliðið í Føroyum. Poul Johan er eyðkendur av einum góð­ um og kærleiksfullum andaligum lyndi, ið ger, at tað altíð er fjálgt og stimbrandi at vera saman við honum. Síðani stovnanina av kristni­boðs­felag­ skap­inum ”Atlantic Mission”, hevur Poul Johan verið ein av nevndarlimunum og verið við á mongum av ferðunum, sum Atl­ ant­ic Mission hevur gjørt til granna­tjóð­ir okk­ara og í Føroyum síðani stovn­an­ina í 2011.  Ver heilsaður, holli og trúfasti vinur. Harr­in gevi tær mong góð ár enn í signaða verki tínum, saman við Else. Takk fyri títt trúfesti og óvíkjandi vinskap síðani ung­ dóms­árini og trúfast samverk í tænastu frels­arans og boðskapinum um hann, sum frelsara heimsins. Mátti gleðin í Harr­anum framvegis veri styrki tykkara. (Filippibrævið 4,4) Svenning av Lofti