týsdagur 21. juli 2020síða 10

juli 10 Ólavsøkan 2020 SUM AT BYGGJA EIN FALLSKÝGGJA, MEÐAN TÚ DETTUR Kabarettleikararnir sleppa í ár at taka sær av løttum á ólavsøku, tí koronutilmælini hava havt við sær, at ólavsøkukabarettin verður í ár bandað undan ólavsøku og síðani send í sjónvarpinum. Tað hevur verið ein avbjóðing at fáa nýggja konseptið at hanga saman, men við dugnaligum leikarum og starvsfólki í Kringvarpinum er hetta eydnast, sigur Andrias Høgenni, leikstjóri Steinar Patursson V enjingarnar til ólav­søku­ kabarettina koyra í fullari ferð, tá vit koma fram­við at vitja í sjónleikarahúsinum. Og talan verður um eian øðrvísi kaba­rett í ár. Koronutilmælini loyva ikki kabarett fyri fullum sali, og tí hava fyrireikararnir skipað fyri, at kabarettin verður sýnd fyri 40 áskoð­ arum undan ólavsøku, har Kring­ varpið eisini er til staðar og film­ar kabarettina, soleiðis at hon kann sendast í sjónvarpinum á ólav­søku. Kend manning Yvirhøvur er manningin í kabar­ ettini tann sama sum í fjør. Elias Magn­ussen er komin aftrat leikara­ toym­inum, og Franklin Symphor Hen­riksen hevur tikið við sum fram­ leiðslu­stjóri. Og nú støðan við koronu er, sum hon er, er tað ein fyrimunur, at hend­ an manningin stóð fyri kabar­ett­ini í fjør, heldur Andrias Høgenni, leik­ stjóri. – Í fjør var fyrstu ferð, at vit skuldu spæla sjónleik saman, og tað var fyrstu ferð, at eg skuldi leik­ stjórna sjónleik. Tað er ein heilt onn­ ur prosess, enn tað at gera film. Hóast vit vóru øgiliga nøgd við úrslitið, so vóru nakrar barnasjúkur, sum vit nú hava fingið burtur. – Tað, at vit arbeiddu saman í fjør, hevur gjørt tað, at vit yvirhøvur klára at yvirskoða at gera eina kabarett und­ir hesum serligu umstøðunum. Tað hevur heldur ikki verið bara sum at siga tað at snikka til nýtt kon­ sept til kabarettina. – Tað følist at sindur sum at vera lop­in úr einum flogfari fyri síðani at skula byggja ein fallskýggja, meðan vit detta móti jørðini. So tað hevur verið fantastiskt at fingið Franklin og onn­ur dugnalig fólk aftrat. Tað ger tað, at mann følir seg tryggan, hóast mann er í einari melduródn av stress. Nýggjan framleiðslustjóra Franklin Symphor Henriksen er í ár kom­in aftrat sum framleiðslustjóri. Frakl­in Henriksen, sum er skjótt-út­ búgv­in filmsfotografur, hevur roynd­ ir innan films-, sjónvarps- og teater­ fram­leiðslu, og tær royndirnar koma væl við, nú ein nýggjur leistur skal leggj­ast fyri kabarettina í ár. Ein stórur partur av áskoðara­ skarð­anum er skiftur út við mynda­ tól, og nógv fyrireiking skal til, fyri at teir áskoðarar, sum hóast alt sleppa inn í salin, fáa eitt gott upp­liv­ilsi, sam­stundis sum tøknin hjá Kring­ varp­inum eisini fær pláss til sítt. Franklin Henriksen ivast kort­ini ikki í, at kabarettin fer at eydn­ast væl. Kringvarpsfólkini eru dugna­ lig, umframt at talan er um vand­ar sjón­leikarar, sigur Frankl­in Henrik­ sen, sum væntar, at fram­førsl­ur og upp­tøkur fara at ganga væl, hóast tað hev­ur verið ein avbjóðing at fáa alt at hanga saman. Árið hevur verið meira enn korona Um tað er nakað, ið hevur sett dám á samfelagið síðan seinastu kabarett, er tað sjálvsagt korona, og av tí sama kunnu áskoðararnir sjálvandi vænta sær onkra koronusketch, sigur Andrias Høgenni. Farna árið hevur tó havt meira enn koronu at bjóða uppá, og ríkiligt er av tilfari at taka av. – Vit hava tikið tilfar úr øllum árin­um. So skjótt, tú hyggur longur aft­ur enn at fólk hava sitið heima, og barna­garðar og annað var stongt, so er rætti­liga nógv hent, sigur Andrias Høg­enni og nevnir nýtt løgting og lands­stýri. Tað er eisini týdningarmikið at taka tilfar úr øllum árinum, tí satiran hev­ur til endamáls at útstilla teir absurd­itetirnar, ið eru í samfelagnum, og at geva eina felags endurloysn fyri farna árið, heldur Andrias Høgenni. – Ein kabarett kann verða ein formur fyri bólkaterapi, har vit sam­an royna at taka saman um árið, sum er farið. Onkuntíð er tað gott at kunna seta punktum til árið við látri og einum priki, so upp á tann mát­ an vóni eg, at kabarettin kann verða val­id­erandi. Leikarar halda frí Kabarettin verður sýnd og filmað 21. juli, og síðan verður hon víst í sjón­varpinum á ólavsøkuni sjálvari. Hetta merkir samstundis eisini, at øll fólk­ini handan kabarettina fyri eina ferð skyld eru leys av kabarettini á ólav­søku. – Tað verður løgið, men tað verð­ur spennandi. Tað merkir, at vit sleppa at njóta ólavsøkuna, sigur Andri­as Høgenni, sum sjálvur kortini er noyddur at fara til Danmarkar und­an ólavsøkuni í sambandi við eina filmsverkætlan. – Tað er vanligt á ólavsøku, at tey, sum eru við í kabarettini, sleppa ikki at ballast ígjøgnum, tí tey eru so stressað. Í ár sleppa vit at njóta ólav­søkuna, sigur Andrias Høgenni, leik­stjóri. Tað følist at sindur sum at vera lopin úr einum flogfari fyri síðani at skula byggja ein fallskýggja, meðan vit detta móti jørðini Ein kabarett kann verða ein formur fyri bólkaterapi, har vit saman royna at taka saman um árið, sum er farið