týsdagur 21. juli 2020síða 48

juli 48 Ólavsøkan 2020 Vilmund Jacobsen Tað er trupult hjá løgregluni at siga, hvussu ólavsøkan í ár verður øðr­vísi enn onnur ár, nú fá almenn til­tøk verða í høvuðsstaðnum ólav­søku­ dag­ar­nar í ár. Kristina Christiansen, økisleiðari hjá løgregluni, vísir á, at tey til ólavsøkuna í ár verða mannað á sama hátt, sum tey annars høvdu verið, um alt var sum vanligt. - Vaktirnar verða tær somu, sum tær plaga at vera á ólavsøku, og í tali verður manningin eisini hin sama. Vit siga ongantíð, hvussu nógv fólk eru á vakt, og tað gera vit sjálvandi heldur ikki hesaferð, sigur hon brosandi. Økisleiðarin heldur tað vera trupult at siga frammanundan, hvussu fólk fara at halda ólavsøku í ár - um tey kanska í størri mun fara at halda til heima við hús, saman í granna­løgum ella saman við vinum og kenn­ingum annars. - Vit fara ivaleyst at síggja ymiskar ólav­søkur í ár, heldur hon fyri. Kristina Christiansen heldur, at eins og á ólavsøku annars, fer veðrið eisini í ár at hava sína ávirkan á, hvussu fólk fara at halda okkara tjóðar­hátíð. - Tað ljóðar, at fleiri grannaløg fara at skipa fyri avmarkaðum til­tøkum ymsastaðni kring um í høvuðs­stað­ num, men vit kunnu vænta, at fólk eisini í ávísan mun fara at ganga oman og niðan eftir Áarvegnum, sum van­ligt er á ólavsøku, heldur hon. Neyðug atlit Men, kann tað gerast ein trupulleiki á ólavsøku, um fólk eru í býnum, og tað fer at regna? - Alt kann hugsast, og um so verður, kann tað sjálvsagt henda, at fleiri fara at trokast inn á matstøð og skeinkistøð, soleiðis at her verður trong­ligt. Men, tað vita vit heldur einki um enn. Hinvegin er tað ikki vist, heldur Kristina Christiansen fyri, at tað verður neyðugt við regni fyri, at fólk skulu søkja inn á mat-og skeinkistøð í Havn á ólavsøku. - Tað er okkara vón, at øll taka neyðug atlit, og at bæði gestir og vert­ir í høvuðsstaðnum á ólavsøku ikki gloyma almennu tilmælini, nú korona-smittan framvegis hongur yvir okkum. Kristina Christiansen heldur, at tað eisini kann fáa eina ávirkan á ólav­ søkuna, hvussu tað fer at síggja út við smittu í Føroyum til ta tíð. - Sjálvsagt vóna vit øll, at vit ikki fáa fleiri tilburðir her heima, men í løtuni veit eingin, hvussu verður. Eg kann hugsa mær, at fólk skjótt kunnu aftra seg við at fara út í mannamúgvur, men heldur gerast meira ansin, um vit fáa nýggjar korona-tilburðir. Avmarkað skrúðgonga Fyri setanina ólavsøkuaftan hevur verið siðvenja, at stór skrúðgonga við ítróttarfeløgunum, reiðfólkum og býráðslimum gongur úr kom­munu­ skúla­garðinum og oman á Vaglið, men í ár verður skrúðgongan nógv av­markað í tali av luttakarum. Kristina Christiansen vísir á, at Steinatún verður ikki stongt fyri ferðslu á ólavsøku í ár, undantikið ta løtuna, tá skrúðgongan kemur om­ an gjøgnum býin og fer tvørtur um Steina­tún. Tá verður eingin gjøgn­um­ koyr­ing í einar tíggju minuttir ella so. - Nú einki tivoli og eingir sølubásar verða á Skálatrøð á ólavsøku í ár, verður eisini møguligt hjá bilførarum at parkera bilarnar har. Hon vísir á, at tá løgtingslimir, lands­stýrisfólk, prestar og embætisfólk koma niðan úr Havnar kirkju eftir gudstænastuna ólavsøkudag, og kórsangur verður á Tinghúsvøllinum fyri setanina av Føroya løgtingi, verð­ ur kórið nógv minni, enn tað plagar at vera. - Hesaferð verður tað bara Havnarkórið, sum fer at syngja og ikki stóra Ólavsøkukórið, leggur hon aftrat. Heima við hús Kristina Christiansen heldur fyri, at hóast ólavsøkan í ár verður øðrvísi enn onnur ár, er kortini ikki vist, at tað verður minni hjá løgregluni at gera. Men, kunnu vit kanska vænta, at tað verður meira húsaófriður, nú hugsandi er, at ein partur av ólav­ søkuni í størri mun verður hildin í granna­løgum og heima við hús? - Tað vóna vit sjálvsagt ikki. Onkur fullur maður kann detta inn her ella har, sum náttin gongur, og so er spurningurin, hvat kann spyrjast burtur úr tí. Men, nú skulu vit heldur ikki frammanundan síggja trøll á al­ ljós­um degi. Tað kann jú saktans verða, at alt spælir væl av, og hví skuldi tað ikki tað, heldur økisleiðarin, Kristina Christiansen, fyri. LØGREGLAN VERÐUR TIL ARBEIÐIS SUM VANLIGT - Hóast ólavsøkan í ár verður øðrvísi enn onnur ár, er kortini ikki vist, at tað verður minni hjá løgregluni at gera. Vit verða til arbeiðis við somu manning og vaktum, sum eina vanliga ólavsøku, sigur Kristina Christiansen, økisleiðari hjá løgregluni - Tað er okkara vón, at øll taka neyðug atlit, og at bæði gestir og vertir á ólavsøku ikki gloyma almennu tilmælini, nú korona-smittan framvegis hongur yvir okkum, sigur Kristina Christiansen, økisleiðari