týsdagur 21. juli 2020síða 49

juli 49 Ólavsøkan 2020 Fólkaheilsuráðið arbeiðir við verkætlanini ABC fyri sálarliga heilsu, ið hevur trý boð, sum kunnu styrkja tína sálarligu heilsu, um tú roynir at fylgja teimum. Sálarlig heilsa snýr seg um trivnað og at virka væl í gerandisdegnum, um tað, ið gevur lívinum innihald, gleði og virði, og ikki minst ger lívið vert at liva. Sálarlig heilsa hevur eins stóran týdning sum tín likamliga heilsa. Tí er umráðandi at røkta og fremja sálarligu heilsuna. Ver virkin, ver saman og ver hugbundin – við ABC fyri sálarliga heilsu. Lat okkum í felag taka stig til at fremja okkara sálarligu heilsu, tí sálarliga heilsu skapa vit í felag! A) VER VIRKIN Fólk, ið eru virkin likamliga, sosialt, sálarliga og andaliga, hava betri sálarliga heilsu enn tey, ið ikki eru virkin á hesum økjum. Tá vit eru virkin, føla vit størri gleði og klára betur at handfara vanligar avbjóðingar í gerandis- degnum. Tú kanst vera virkin á sera ymiskan hátt og á ymiskum støði. Tú kanst ganga ein túr, sparka fótbólt, fara upp á gólv, práta við grannan, syngja í kóri, vera í bindiklubbi, lesa eina bók, telva, ella fara til gudstænastu. B) VER SAMAN Tað hevur stóran týdning fyri okkara sálarligu heilsu, at vit hava góð sosial sambond við familju, vinir og onnur, tí tað gevur okkum eina kenslu av at vera partur av einum felags skapi. Okkara samleiki og sjálvskensla verður stimbrað, tá vit eru partur av ymiskum felags skapi, ið kann vera stórir ella smáir bólkar. Tú kanst vera saman, tá tú ert partur av ella byrjar ein matklubba, bók klubba, tónleikabólk, ella gongur til leir við øðrum. C) VER HUGBUNDIN At vera hugbundin sipar til at vera uppií onkrum og vera sera hugtikin av onkrum, ið gevur eina kenslu av meining og endamáli við lívinum. Tú kanst arbeiða sum sjálvboðin, megna eina avbjóðing (ið ber til at náa), ella at hjálpa øðrum við onkrum. Tá tú gert eitt hvørt, tú ert errin av, styrkir tú títt sjálvs álit og sjálvs virði. Tú kanst baka eina góða kaku, umvæla eina leiku, hjálpa granna num, ella klára teg væl í tínum starvi. HVAT ER ABC FYRI SÁLARLIGA HEILSU? FYRI SÁLARLIGA HEILSU www.folkaheilsa.fo