hósdagur 6. august 2020síða 27

FRÍGGJADAGUR 7. AUGUST 2020 SOSIALURIN 60 27 TAEKWONDO HEVÐI FORKUNNUGA VITJAN Taekwondo: Tveir íðkarar úr heimselituni hava vitjað í Føroyum síðstu vikuna, her teir hava vant við føroyskum íðkarum og hava givið Høgna Kunoy Dávasyni dygga sparring í fyrireikingunum til HM í oktober. PÆTUR ALBINUS Føroyskt taekwondo hevur síðstu vikuna havt forkunnuga vitjan av tveimum íðkarum, ið eru á høgum støði í taekwondo-heiminum. Tal­ an er um teir báðar 19 ára gamla danska Otto Herlev og 24 ára gamla meksikanska Daniel Perez. Otto er hóast unga ald­ur­in trífaldur danskur og norð­ur­ lendskur meistari fyri vaks­in. Hann er úttikin til OL-undna­ kapp­ingar í ár og hevur eitt nú vunnið á heimsins nummar 13. Daniel Perez hevur verið á meksik­anska landsliðnum, men er í løtuni undir lesnaði í Danmark, har hann íðkar við felagnum á Nørrebro. Samstarv Tað er júst umvegis sambondini við felagið á Nørrebro, at sam­ starvið ímillum føroyskt taek­ wondo og teir báðar er komið í lag. Mathias Gabrielsen, sum er føroyskur landsliðsvenjari og nú býr her, hevur verið í felagnum á Nørrebro, og hevur fingið teir báðar higar. Sambandið ímillum felagið á Nørrebro og føroyingar hevur altíð verið gott, og tað kemst ikki minst av at høvuðsvenjarin har, Steen Tiedjen, sum er viðurkendur og hevur verið altjóða venjari í 30 ár, hevur ein serligan tokka til før­ oyingar. Hann heldur, at taekwondo í Føroyum er ein sólskinssøga. - Tað er ótrúliga imponerandi, at føroyingar hava ment seg so skjótt og væl undir slíkum um­ støð­um. Teir mugu ferðast langt til kappingar, kunnu bara venja ímóti sínum egnu og hava fyrstu árini havt ein blaðungan venjara. Tað er gott, at Mathias er komin at hjálpa, og vit eru mong, ið vilja vera partur av hesari sólskinssøguni, sigur Steen Tiedjen. Í føroyskum taekwondo eru tey errin av rósandi orðunum frá einum somikið viðurkendum venj­ara sum Steen Tiedjen. Til HM Otto Herlev og Daniel Perez vóru her í eina viku - frá farna mikudegi til í gjár. Teir vandu tvær ferðir tveir tímar um dagin saman við dyst­arliðnum hjá Hwarang Før­ oyum í Søldarfirði, og føroyski taek­wondo-snillingurin, Høgni Kun­oy Dávason, slapp til skiftis at venja ímóti teimum báðum. Hetta er munagóð sparring hjá Høgna, sum hóast avmarkaðar møguleikar her heima stendur seg væl uttanlands, og hevur gott av at fáa øðrvísi og stinnari sparring enn hann er vanur við. Útlendsku íðkararnir fingu eis­ini sæð seg um í Føroyum. Eitt nú vóru teir til fótbóltsdyst, á ólavsøku, á floti og vóru til konsert hjá Eivør Pálsdóttir á Tinghellu. - Ein magisk løta, søgdu teir báðir um upplivingina. Vegna korona-smittuna er tað sum hjá so mongum øðrum ógreitt hvussu restin av árinum sær út hjá taekwondo í Føroyum, men tey herja á og menna seg óført meðan tey bíða eftir svari upp á um HM kann verða hildið sum ætlað í Sofia í Bulgaria í oktobur, har Høgni Kunoy Dávason skal luttaka. ÍTRÓTTUR