hósdagur 6. august 2020síða 30

FRÍGGJADAGUR 7. AUGUST 2020 SOSIALURIN 60 30 JÓANNES HANSEN/TRÓNDUR ARGE Tað ber ikki til at koma uttan um stóran munin millu fimm tey stóru og fimm tey lítlu. ÍF hevur bjóðað Víkingi av, men enn er talan um topp-fimm við HB, KÍ, B36, NSÍ og Víkingi, meðan ÍF hoyrir til botn- fimm saman við EB/Streymi, TB, AB og Skála. Tað rætta er nokk at deila upp í tríggjar partar, har tað eru fýra stór, fýra lítil og so Víking og ÍF. Umfarið sunnudagin vísti aftur eina greiða mynd av, at nøkur feløg eru væl sterkari enn hini. KÍ vann greiðan 6-0 sigur á Skála, sum hevði Sorin Anghel við róðrið fyri fyrstu ferð. Her var 3-0 longu aftaná 17 minuttir. Í Sarpugerði var 5-0 til Víking í hálvleikinum móti EB/Streymi. Tí var øll vónin hjá botn-fimm løgd á fuglfirðingar til seinasta dystin sunnudagin, men sjálvt við toppskjúttanum, Uros Stojanov, á vøllinum allar 90 minuttirnar hevði ÍF einki nevni­ vert skot á mál. AB og TB hava spælt samanlagt 29 dystir í ár. Bara eina ferð er annað av liðunum farið av vøll­in­ um við sigri. Tað var TB, sum vann á Skála. Tey hava skotið 18 mál í part. Tað er 0,6 mál per dyst miðal. Tí kom heldur einki mál, tá liðini hittust á Argjum. Sorin Anghel fekk øgiligan elddóp Tað var ein øgilig fyrsta roynd hjá Sorin Anghel sum Skálavenjari. Tá ið dómarin bríkslaði fyri síðstu ferð, vísti talvan 0-6. Longu tá ið 17 minuttir vóru farnir, var støðan 3-0, og so var spurningurin bara, hvussu stórur KÍ sigurin fór at verða. Odmar Færø, Heini Vatnsdal og Deni Pavlovic vóru í verjuni, og við fimm monnum á miðvøllinum átti KÍ so nógv, at tað varð ikki meiri enn heilt fáar støður í KÍ brotsteiginum. Tað var klassamunur mest sum alla tíðina. Kropsliga styrkin hjá klaksvíkingum var minst eina deild hægri, enn hon var hjá skálamonnum, og so nyttaði tað so lítið, at Skála eigur fleiri spælarar, sum eru góðir við bóltinum og vita, hvussu tað eigur at vera. Trý tey fyrstu málini skoraðu væl uppløgdu Jóannes og Jóannes. Bjartalíð átti tey tey fyrstu, og tað triðja skoraði Jóannes K. Danielsen, sum í dag var kantur í vinstru. Hann var spældur leysur mitt fyri og innanfyri verjuna, sum royndi at seta rangstøðufellu, og so pløkkaði fyrrverandi álopsspælarin bóltin upp í málhornið. KÍ skifti onkrar av lykla­spæl­ ar­unum út, og seinnapartin av seinna hálvleiki skoraðu tríggir ymiskur spælarar – Deni Pavlovic, Páll A. Klettskarð og Jonn Jo­ hanne­sen. Patrik Johannesen var sera eyðsýndur. Hann var ikki millum málskjúttarnar, men hann átti næstsíðsta fót á í fýra málum. Trivaligi sigurin ber við sær, at KÍ í løtuni er fremsti avbjóðarin hjá HB, og at Skála í løtuni er besta boðið upp á niðurflytara. Annarhvør víkingur skoraði Tað var tennisúrslit í Sarpugerði, tá ið Víkingur av álvara spílaði seg út og vann 6-0 á EB/Streymi, sum ikki vísti seg frá bestu útgávuni. Tað kendist sum um, at sigurin á Skála í ólasvsøkuumfarinum framvegis kendist so søtur, at ikki nóg stórt fokus ikki var á avrik­ inum sunnudagin. - Hetta var ikki gott, og hetta var áminning á okkum allar um, at tað er neyðugt at arbeiða nógv og væl alla tíðina, um vit skulu fáa nakað burturúr. Tað gjørdu vit ikki ídag. Eg havi fleiri ferðir áður sagt, at vit vinna saman, og at vit tapa saman. Tað snýr seg um liðavrikið. Í dag var tað ikki gott, og vit løgdu allir til saman rygg til stórt tap. Um vit skulu finna nakað positivt, so skal tað vera, at tað eydnaðist at fáa verjuna at rigga betri eftir steðgin, tá ið bara eitt mál fór ígjøgnum, sigur EB/ Streyma venjarin Jákup Martin Joensen. Tað sást, at Víkingur av álvara hevði rist ólavsøkutapið av sær. Eyðun Klakstein gav trimum av ungu monnunum møguleikan frá fyrsta bríksli, meðan eitt nú Vukasin Tomic og Lukasz Ciesle­ wicz vóru á beinkinum. Svongdin á liðnum hjá Vík­ingi var stór. Frá fyrsta bríksli vóru heimamenninir ágangandi. Mótstøðumenninir fingu ikki frið, og í álopspartinum gjørdu vík­ingarnir skjótt av og vístu stórt hug­flog. Ikki minst ung­linga­spæl­ arin Gaza David Turi. - Vit eru sera væl nøgdir við avrikið ídag. Vit vita, at tá ið allir avrika í felag tað, sum vit eru mentir, so verður tað gott, og soleiðis var tað í dag, sig­ur víkinga­veteranurin Sølvi Vatn­ hamar. Hann setti hol á, tá ið eitt korter var farið. Finnur Justinussen átti uppleggið, og átta minuttir seinni átti Søvli Vatnhamar uppleggið, tá ið yngri beiggin, Gunnar, økti til 2-0. Víkingur skoraði trý mál aftrat undan steðginum, og talan var um tríggjar ymiskar málskjúttar. Finnur Justinussen økti til 3-0 eftir innlegg frá Ara Olsen, og Finnur Justinussen átti uppleggið, tá ið Jákup Johansen økti til 4-0. Ein minutt undan steðginum økti Ari Olsen til 5-0. Eftir steðgin var ferðin ikki heilt tann sama hjá Víkingi. Sætta málið skoraði mið­ verjin Noah Mneney, tá ið ein tími var farin. Hann var harvið sætti málskjúttin. Hóskvøldið fær Víkingur vitjan av toppliðnum HB. Einki mál á Argjum Tað endaði málleyst, tá ið AB sunnukvøldið hevði vitjan av TB. Líkindini vóru ikki góð. Tað var eitt frískt lot, og tað regnaði illa. Hugburðurin var góður, og tað varð nógv lagt fyri í mongu nær­ dystunum. Tað var ikki so nógv av skipaðum samanspæli, men tað vóru nógvar spentar støður, og tað var eisini fleiri ferðir tætt við, at mál vóru skorað. - Eg eri ikki nøgdur við álops­ spælið, tí vit sjuskaðu í skjótum mótálopum, og vit megnaðu ikki at vinna úrtøku, tá ið vit høvdu góðar møguleikar, sigur TB venjarin Michael Winter, og hann leggur aftrat: - Eg eri nøgdur við verjuspælið. Eftir at vit taptu stórt á ólavsøku, var tað týdningarmikið, at vit megnaðu at halda teimum frá at skjóta mál. AB miðvallarin Rógvi Poul­ sen er ikki nøgdur við, at tað ikki eydnaðist honum og liðfeløg­un­ um at vinna: - Líkindini vóru vánalig, og tað var viðhvørt torført at lesa bóltin av, men tá ið tikið verður saman um, so kunnu vit ikki vera nøgdir við ikki at vinna fulla úrtøku ímóti ein­um av kappingarneytunum í botninum, sigur Rógvi Poulsen. Argjamenn vóru uttan Tóka á Lofti, og Jasper van Der Heyden mátti av vøllinum tíðliga í dyst­ inum. Tað setti síni spor á álops­ spælið hjá AB. Argjamenn fáa vitjan av Skála næstu ferð, meðan ÍTRÓTTUR Samanum 14. umfar: Betri deildin 14. umfar: KÍ og Víkingur spældu tennis móti Skála og EB/Streymi, meðan B36 vann sannførandi á ÍF. Samanlagt vunnu tey stóru 14-0 á teimum lítlu í teimum trimum dystunum millum topp-fimm og botn-fimm GJÓGVIN KOM GJÓGVIN KOM TIL TIL SJÓNDAR SUNNUDAGIN SJÓNDAR SUNNUDAGIN Tvey tennis-úrslit: