hósdagur 13. august 2020síða 39

FRÍGGJADAGUR 14. AUGUST 2020 SOSIALURIN 61 39 tapi­num á útivølli, har Barry Town tapti 0-4. Á heimavølli fekk Barry Town javnleik 0-0. Gavin Chesterfield heldur, at Barry Town høvdu gjørt sítt heimaarbeiðið, og vóru væl fyri­ reikaðir, men høvdu ov nógva virðing fyri mótstøðuliðnum. Gavin Chesterfield sigur seg vera ivaleysan í, at liðið hevur lært av tí sum hendi móti Clifton­ville í fjør. Gavin Chesterfield heldur, at liðið hevur eitt sindur fleiri royndir nú teir skulu møta NSÍ, og hvussu liðið skal gera til ein stóran dyst, og tað verður av­ gerandi, heldur Gavin Chest­er­ field. NSÍ tapti mikukvøldið 2-1 móti Víkingi. Jesper F. Christjansen, nýggi danski mið­ vall­arin hjá NSÍ, iðrar seg um fyri­reikingardysturin spældi so illa av, men nú kann NSÍ seta øll segl til dystin hóskvøldið. B36-St Joseph’s Hósdagin klokkan 16.30 Victoria Stadium, Gibraltar Dómari: Jasmin Sabotic (Luksemborg) 20. august skal B36 spæla á úti­ vølli í Europa League undan­ kapp­ingini. B36 hevur góð minnir tá tað kemur til Europa League dystir móti St. Joseph úr GIbraltar, ið B36 skal spæla ímóti aftur nú. Fyrri dysturin 28. juni í 2018, ið var leiktur á ovara vølli í Gundadali endaði við javnleiki 1-1. Seinni dysturin endaði eisini við javnleiki 1-1, og so mátti longd leiktíð og brotssparks­kapping til. B36 vann eftir hetta ein minni­ligan samanlagdan 2-1 sigur á OFK Titograd úr Monte­ negro við 0-0 javnleiki í Gunda­ dali og einum 2-1 sigri á útivølli. Eftir hetta bleiv talan um tvær stórar upplivingar móti Besiktas, ið vann 2-0 í Gundadali og 6-0 í Istanbul, men summarið stendur sum eitt framúr gott minnið í søguni hjá B36. Stóra avbjóðingin hjá B36 er at liðið í løtuni er hart av koronu. Týskvøldið boðaði felagið frá, at ein persónur í leiðarabólkinum hevur fingið staðfest koronu. Allir spælararnir hava síðani latið seg testa eina ferð afturat, og allar royndirnar vóru nega­ tivar. B36 hevur ráðført seg við Fótbóltssambandið, lands­ læknan og Elmar Ósa, lækna. Í dag hevur felagið fingið at vita, at spælararnir og restin av hópi­num ikki skal í sóttarhald. Lands­læknin metti ikki, at smittaði persónurin hevur verið í slíkum sambandi við hópin, at hann kann hava smittað nakran. Formaður í B36, Magni Mourit­sen, sigur við Kringvarpið at St Joseph’s hevur gjørt nógv burturúr at fáa dystin avlýstan, og tykjast hava í sinni at sleppa víðari uttan at spæla. Hetta verður av ongum, sum støðan er í løtuni. Glentoran-HB Hósdagin klokkan 19.00 The Oval, Belfast Dómari: Lukas Fähndrich (Sveis) HB og Jens Berthel Askou hava eina stóra uppgávu fyri framm­ an. HB skal í Belfast spæla móti Glentoran. Dysturin verður spældur á The Oval, har før­ oyska U21-landsliðið í 2011 tapti 4-0 móti Norðurírlandi, eftir at hava spælt málleysan javnleik í Gundadali tríggjar mánaðir frammanundan. Føroysk feløg hava eitt kom­ pleks, tá tað kemur til Evropa- fótbólt. Sjey ferðir hava føroysk lið møtt norðurírskum liðum í Champions League og Europa League dystum. Og allar sjey ferð­ir­nar eru norðurírsku liðini komin sigrandi frá upp­ gerðunum, ofta aftaná javnar og spennandi uppgerðir. Í 2012 spældi Linfield FC móti B36 í Champions League undan­kappingini. Báðir dystir­ nir endaðu við javnleiki 0-0. Linfield vann seg víðari aftaná brotssparkskapping í Gundadali frammanfyri 1.900 áskoðarum. Brotssparkstapið sveið djúpt hjá B36, ið var tað betra liðið teir fyrstu 90 minuttirnar á ovara vølli í Gundadali. Í 2013 vann Linfield 2-0 á ÍF á Tórs­vølli og 3-0 á Windsor Park í undankappingini til Europa League. Hetta var ta tiltiknu ferð­ina nakrir spælarar hjá ÍF fóru í feriu. Í 2014 vann Linfield 2-1 á B36 á Tórsvølli í Europa League undankappingini. B36 megnaði javnleik 1-1 á WIndsor Park, men Lin­field vann samanlagt 3-2. Í 2015 vann Linfield 2-0 á NSÍ á Windsor Park, men tapti 3-4 móti NSÍ á Svangaskarði, og slapp víðari í Europa League undankappingini við einum saml­aðum 5-4 sigri. 2019 var eitt satt skaðaár í so máta. HB spældi javnleik 2-2 móti Linfield á heimavølli, og hevði møguleikar til at vinna ein sannførandi heimasigur. Niðri í Belfast tapti HB tepurt 0-1. Táverandi høvuðsvenjarin hjá HB, Heimir Guðjónsson duldi ikki, at júst hetta tapið var kanska hansara størsta vónbrot tey bæði árini hann vandi HB í 2018 og í 2019. B36 og NSÍ tóku heldur ikki av móti norðurírskum liðum í fjør. NSÍ tapti 0-2 á úti­vølli móti Ballymena United. Runa­ víkingar høvdu mál­møgu­leik­ arnar til at koppa Ballymena í returdystinum, men tað end­aði við einum 0-0 javnleiki á Svanga­ skarði. B36 fekk snøgt sagt einki burtur­úr móti Crusaders. B36 tapti 0-2 á útivølli og tapti 2-3 á heimavølli, og vann sostatt ikki Før­oyum nakað stig í fjør. Síðani 2012 hava tey før­ oysku felagsliðini bygt upp eitt norðurírskt kompleks, ið kenn­ ist mongum ein stór marra. Nú møtir eitt hitt sterkasta HB-liðið nakrantíð við einum tí mest markanta høvuðs­venj­ar­ an­um nakrantíð, Jens Berthel Askou norðurírska liðnum, Glen­toran sum ikki hevur kapp­ ast í evropeiskum fótbólti síðani summarið í 2015. Sjey ferðir hava føroysk felagslið tapt samanlagt móti norðurírskum liðum í evropeiskum kappingum. Vón­ andi eydnast tað Jens Bert­hel Askou saman við sín­um monn­ um at bróta tað norður­írska kompleksið. Sum tað stendur at lesa í greinini um dystin millum HB og AB, so kunnu tey í HB fegnast um at Delphin Tshiembe, Adrian Justinussen og Tróndur Jen­sen allir komu á vøllin eftir skaða­ steðg, tá HB vann 11-0 á AB. TRONDUR@SOSIALURIN.FO CHAMPIONS LEAGUE 1. UMFAR: MIKUDAGIN 19. AUGUST KÍ-SLOVAN BRATISLAVA (19.00) BEINLEIÐIS Á FM1 CHAMPIONS LEAGUE 2. UMFAR: YOUNG BOYS – KÍ/SLOVAN BRATISLAVA EUROPA LEAGUE UNDANUMFAR: HÓSDAGIN 20. AUGUST B36-ST JOSEPH’S (16.30) NSÍ-BARRY TOWN UNITED (18.00) BEINLEIÐIS Á FM1 GLENTORAN-HB (19.00) EUROPA LEAGUE 2. UMFAR: B36/ST JOSEPH’S - LEVADIA TALLINN ABERDEEN – NSÍ/BARRY TOWN UNITED MOTHERWELL – HB/GLENTORIAN