hósdagur 20. august 2020síða 31

FRÍGGJADAGUR 21. AUGUST 2020 SOSIALURIN 62 31 myndugleikarnir royna sítt besta at steðga dystinum at blíva spæld­ur. Vit gleðast um, at vit hava fingið enn ein møguleika at spæla dystin fríggjadagin. Vit vóna at dysturin verður spældur í andanum av Fair Play og verður avgjørdur á vøllinum. Slovan Bratislava roynir tá at samla ein hóp upp í minsta lagi 13 mans til dystin, men 1. liðs­hópurin er framvegis eftir í Føroyum og Ivan Kmotrík jr hevur eina ætlan um at fáa spælarar úr sóttarhaldinum. - Vit hava hildið reglugerðina hjá UEFA. Vit hava fylgt henni neyvt og vit hava 18 spælarar í Før­oyum, sum hava fingið nega­ tivan test tvær ferðir upp í slag. Tí fara vit nú aftur at royna at fáa teir úr sóttarhaldinum, so teir kunnu spæla fríggjakvøldið, sigur Ivan Kmotrík. Ongin av teimum 18 spælar­ un­um ,ella nakar frá venjara- ella hjápartoyminum kunnu verða hjástaddir til dystin, ella verða saman við nýggja hópinum. - Hetta er ein óvanliga kompli­ serað og avbjóðandi støða fyri okkum, og sanniliga eisini fyri viðhaldsfólkini. Komandi 24 tímarnir fara vit at gera alt fyri at halda fast í møguleikanum at spæla dystin, og kunna spæla um at koma víðar. Eg vænti at vit fáa sukse saman og at vit fara at klára tað, sigur formaðurin í Slovan Bratislava, Ivan Kmotrík at enda við heimasíðuna. Fútin sigur nei! Hóast tann umstríddi Ivan Kmotrík jr, ið ikki hevur eitt skikki­ligt umdømi um tú lesur á netinum, brúkti stór orð og royndi at dálka føroyskar myndug­leikarnar, so segði fútin bara nei. Tað staðfesti fútin, Michael Bol­sen, fyri Kringvarpinum í tíð­indunum í mikukvøldið. - Sóttarhald er tvær vikur og tað er tvær vikur, og soleðis er tað fyri øll. Eisini tey, sum ferðast hertil. Tað er soleiðis vit hava valt at gjørt tað. Onnur lond velja at gera tað øðrvísi, men soleiðis eru reglugerðirnar í Føroyum, sigur Michael Bolsen, fúti. Gaini: Vit kunnu missa alt trúvirði Shahin Gaini, serlækni í In­fek­ tións­medisin, gav eisini sína mein­ing til kennar viðvíkjandi máli­num um Slovan Bratislava og koronusmittuni. - Um slovakar, sum nú sita í sóttarhaldi á Hotel Brandan, verða loystur úr sóttarhaldi í Før­oyum, tí ein test nummar trý er negativ áðrenn 14 dagars sóttar­hald er av, missa vit alt trúvirði millum teir túsund før­oy­ingarnir, sum eru settir í 14 daga sóttarhald, og sum ikki sleppa úr sóttarhaldi, tí teir hava nega­tivan test. Eg vóni tað enn eru føroyskir myndugleikar og far­sóttarnevndin, sum ráða í Før­oyum, og ikki UEFA, FSF, KÍ ella slovakiska liðið, skrivaði Shahin Gaini. Mikkjal: Hugstoytt og respektleyst Venjarin hjá KÍ heldur lítið um atburðin hjá Slovan Bratislava og virkandi formanninum, Ivan Kmotrík jr. - Eg haldi, at tað er hugstoytt, at teir koma her úr Slovakia og royna at spæla eitt skitið spæl. Bæði við at royna at koma runda­num reglurnar, við at leggja trýst á og við at leggja før­oysku myndugleikarnir und­ ir at gera støðuna hjá teimum so torføra sum gjørligt. Tað er týðiligt, at teir ikki virða leiðreglurnar í Føroyum, og tað er respektleyst og hoyrir ongastaðni heima av einum felagi sum Slovan Bratislava, sigur Mikkjal Thomassen við portal.fo. Hann sigur víðari í samrøðu við portalin, at hann Slovan Brati­slava framvegis kann koma við einum sterkum liði. Slovan hevur fyri vana, at skifta allar ellivu spælararnar, tá teir spæla ávísar dystir og teir bestu skulu hvíla til tær størru uppgávurnar. Her verður víst á, at Slovan Brati­slava eisini hevur eitt lið í næst­bestu deildini, eins og vit kenna úr Føroyum. Tað búgva áleið líka nógv fólk í Slovakia sum í Danmark, so talan kann verða um eitt lið, ið hevur áleið ítóttar­ligt støðið, sum vit síggja í næstbestu deildini í Danmark. Hann harmast eisini um, at føroysku myndugleikarnir eru komnir undir slíkt trýst og ákærir. Slovan er eitt stórfelag Tað er eitt stórfelag í bæði slovak­iskari og kekko­slovak­ iskari søgu. Størsta bragdið í søgu­ni hjá Slovan Bratislava varð tá teir 21. mai í 1969 á Sankt Jacob leikvøllinum í Basel í Sveis vunnu 3-2 á FC Barcelona í Europa Cup finaluni fyri steypa­ vinnarar. Fram til 1993 var Slovan Bratislava ofta í oddinum í kekko­slovakisku fótbóltsliguni. Átta ferðir vann Slovan Brati­ slava kekkoslovakiska meistara­ heitið, og tíggju ferðir endaðu teir á øðrum plássi. So seint sum í 1992 gjørdust teir kekko­ slovakiskir meistarar. Fimm ferðir vann Slovan Brati­slava kekko­slovakisku steypa­kapp­ ing­ina. Í 1993 loysti Slovakia frá Kekkia, og Slovan Bratislava fekk æruna at gerast fyrsti slovakiski meistarin í mansfótbólti aftaná loys­ingina frá Kekkia. Slovan Bratislava hevur vunn­ið slovakiska meistara­ heitið 14 ferðir, og teir hava vunn­ið slovakisku steypa­kapp­ ingina heilar 16 ferðir. Áðrenn 1993 høvdu slovakar sína egnu steypakapping, men høvdu ikki sína egnu landskapping. Ein skipan sum minti um hana í Wales í gomlum døgum, har Wales ikki hevði sína egnu landskapping, men kortini hevði The Welsh Cup. So talan verður um tvey søgurík lið, ið møttast í undankappingini í Champions League kappingini við Djúpu­ mýru í Klaksvík 20. august. Farna kappingarár vann Slovan Bratislava seg í bólka­ spælið í Europa League. Har kom Slovan Bratislava í bólk saman við Wolverhampton, Braga og Besiktas. Slovan Bratislava tapti 0-1 og 1-2 móti Wolverhampton, vann 4-2 og tapti 1-2 móti Besiktas, og spældi javnleik 2-2 og tapti 2-4 móti Braga. Slovan Bratislava endaði á einum triðja plássi í bólki K í Europa League. Næstseinast Slovan Brati­ slava vann seg í Europa League bólkaspælið var kappingarárið 2011-2012, tá tað eydnaðist at fáa ein flottan 0-0 javnleik móti Paris Saint Germain, men annars tapti Slovan Bratislava hinar fimm dystirnar í bólkinum. Tað nærmasta Slovan Brati­ slava er komið bólka­spælinum í Champions League var kapp­ ingarárið 2014-2015. Tá møti Slovan Bratislava hvítarussiska liðnum, BATE Borisov í tveimum Play Off dystum um rættin at vinna seg í bólkaspælið. Slovan Brati­slava tapti uppgerðina saman­lagt 1-4. Bíða eftir eykaliðnum Tá hendan greinin er skrivað verður bíðað eftir at flúgvarin úr Bratislava við eykaliðnum skal lenda. Nógv bendir á, at hetta er bara fyrsti kapittul í eini søgu, sum kann fevna um bæði tveir og tríggjar kapittlar, alt eftir hvat hendir komandi tveir dagarnar. Er aftur korona í hópinum hjá Slovan, vinnur KÍ og fær 2,8 milliónir krónur, ella klárar Slovan Bratislava at samla ein hóp, ið er kappingarførur við KÍ. Alt hetta fáa vit svar upp á kom­andi dagarnar. Føroyskur fót­bóltur er aftur í altjóða miðl­ um, og aftur eru tað serligar um­ støður, ið gera seg galdandi. TRONDUR@SOSIALURIN.FO CHAMPIONS LEAGUE 1. UMFAR: FRÍGGJADAGIN 19. AUGUST KÍ-SLOVAN BRATISLAVA (19.00) BEINLEIÐIS Á FM1 CHAMPIONS LEAGUE 2. UMFAR: YOUNG BOYS – KÍ/SLOVAN BRATISLAVA FAKTA: KÍ-SLOVAN BRATISLAVA (BEINLEIÐIS Á FM1) FRÍGGJADAGIN KLOKKAN 17.00 VIÐ DJÚPUMÝRAR, KLAKSVÍK DÓMARI: KRISTOFFER HAGENES (NORRA) Champions League radio úr Klaksvík F ríggjadagin verður ein søguligur dagur í Klaksvík, tá KÍ á fyrsta sinni skal spæla evropesiska dyst við Djúpu­mýrar. Fyrstu fyrstu ferð í 20 ár skal KÍ spæla í Champions League og mót­ støðu­liðið er Slovan Brati­ slava úr Slovakia. FM1 verður á staðnum og fer at senda beinleiðis frá dystinum. Byrjað verður longu klokkan 13 við einum ser­ligum Fótbóltspanelið um KÍ. Her verður millum annað ein samrøða við Mikkjal K. Thomassen, um týdningin av at KÍ spælir sínar evro­ pesisku heimadystir í Klaks­ vík, hvussu KÍ ætlar at takla Slovan Bratislava og hvørjar vónir hann hevur til upp­ gerðina. Gestir í sendingin verða mill­um annað borgarstjórin í Klaksvík, Jógvan Skorheim, for­maðurin í KÍ, Tummas Ler­vig og fyrrverandi spæl­ ar­ar­nir Olgar Danielsen, sum hevur eina heilt serliga søgu í evropesiskum høpi, Jan Andreasen og Rógvi Jacob­ sen, sum á hvør sín hátt hava nógv at fortelja um. Jan Andrea­sen er pápi Jákupi Andrea­sen, sum verður lið­ skipari í søguliga dystinum fríggja­dagin. Eftir tíðindini klokkan 15 verða gestirnir Teitur Joen­ sen, viðmerkjari til dystin, og Jákup Ósá, ítróttarskrivari hjá Norðlýsinum og eigari av fótbóltsheimasíðuni, bolt. fo. Her verður farið í fleiri smálutir í dystinum. Frá klokkan 16.30 verður sent beinleiðis frá vøllinum. Dyst­ urin byrjar klokkan 17. Eftir dystin verða reaktiónir og ein lítil Champions League 3. Hálvleikur.