hósdagur 27. august 2020síða 6

FRÍGGJADAGUR 28. AUGUST 2020 SOSIALURIN 63 6 Suðuroyingar hava havt nógv vitjan í summar Smyril hevur ført so nógv ferðafólk um Suðuroyarfjørð sum ongantíð áður ÁKI BERTHOLDSEN F yrr í ár vórðu føroyingar bidnir um at ferðast í egnum landi, tí kor­ona gjørdi tað ov vandamikið at ferðast uttanlands. Og tað er nógv, sum bendir á, at fólk hava tikið tað til sín – og í øllum førum eru tað rættiliga nógv fólk, sum hava ferðast til Suðuroyar í summar. Tað hevur eisini javnan verið at hoyrt, at Smyril hevur verið so fullur av fólki og bilum, at øll eru ikki sloppin við. Og nú Strandferðslan hevur gjørt støðuna upp, er tað lætt at skilja hví, tí Smyril hevur nevniliga ongantið siglt við so nógvum ferðafólki, og so nógv bilum, sum í juli í ár. Tølini vísa nevniliga at í juli í ár ferðaðust heili 35.756 ferðafólk um Suðuroyar fjørð við Smyrli og bilarnir vóru heili 12.973 í tali. Hetta er nógv meiri enn Smyril førdi í juli mánað í fjør, tí tá ferðaðust 29.889 ferðafólk við Smyrli og samstundis førdi hann 11.012 bilar um Suðuroyarfjørð í juli í fjør. Annars hevur ferðafólkatalið við Smyrli ligið um 30.000 ferðafólk í juli mánað, ofta eitt sindur minni enn tað. Hinvegin hevur gongdin verið tann beint øvugta við Teistanum, sum førdi 19.924 ferðafólk, og 7.041 bilar um Skop­un­ arfjørð í juli mánað. Tað er væl minni enn í juli í fjør, tá ið ferðafólkatalið var 25.870 fólk  og bilatalið var 6.311 bilar. Tað sama ger seg eisini galdandi á nógv­ um øðrum rutum hjá Strandferðsluni, bæði til Nólsoyar og til Kalsoyar, at ferða­ fólkatalið í juli í ár hevur verið væl minni enn tað var í juli í fjør. Afturímóti var tað rættiliga slakt við ferðafólki í mars og apríl, tí tá varð mælt fólki frá at ferðast fyri at tálma smittu­ spjaðingini. Í mai fóru fólk  so aftur so spaku­liga at ferðast og síðani hevur tað  bara vundið upp á seg. Almennir stovnar sløsa við KT-trygd A lt ov nógvir almennir stovnar hava ikki síni KT-trygd­arvið­ur­skifti í lagi.Tað sig­ur  Lands­ grann­skoðanin, sum hevur latið løg­ tings­grannskoðarunum frágreiðing um KT-trygd­arstøðuna hjá stovnum lands­ins. – At KT landsins umsitur KT-økið merkir ikki, at stjórnarráð og stovn­ ar kunnu siga ábyrgdina frá sær. Stovnarnir hava fulla ábyrgd av dát­ unum, tey arbeiða við. Tað tykist ikki sum at tann boðskapurin er grundfest vitan hjá stovnsleiðslunum, sigur Landsgrannskoðanin.  Landsgrannskoðanin heldur, at spurningur kann setast við, um allir landsins stovnar eru førir fyri at um­ sita sínar dátur, og um avvarandi aðalráðini tí kunnu hava álit á, at KT- tilfeingið hjá landinum er í tryggum hondum.  Niðurstøðan hjá Lands­grann­skoð­ an­ini er tann sama sum í 2014. Tað er,  at støðan á KT- trygdarøkinum ikki er nøktandi.