hósdagur 27. august 2020síða 50

18 Farsóttin broytti ikki veruleikan - Eftirspurningurin eftir liðugt pakkaðum vørum hevur verið sera stórur, nú matstovur og hotell hava verið stongd undir farsóttini. Smidleikin í okkara longu virðisketu hevur givið okkum ágóða, sum ger okkum før fyri skjótt at tillaga okkum eftir skiftandi marknaðarumstøðum, sigur Regin Jacobsen, stjóri í Bakkafrost-samtakinum R akstrarúrslitið hjá Bakkafrost-samtak­ inum fyri annan ársfjórðing í 2020 var 181,9 miljónir krónur. Samlaða tøkan av laksi var 20.900 tons í kruvdari vekt, harav 12.900 tons vórðu tikin í Før­ oyum og 7.900 tons í Skotlandi. Hin 8. oktober í 2019 keypti Bakkafrost meginpartin av The Scottish Salmon Company (SSC), og frá hesum degi at rokna er SSC partur av Bakkafrost-samtakinum. Tí eru roknskapartølini frá SSC frá hesum degi tikin við í saml­aða roknskapin hjá Bakkafrost-samtakinum. Hyggja vit eftir samlaðu tøkuni hjá Bakkafrost-sam­ takinum í fyrra hálvári í ár, var hon 38.813 tons í kruvdari vekt í mun til 26.316 tons í fyrra hálvári í fjør. Av hesum vórðu 23.608 tons tikin í Føroyum í mun til 26.316 tons fyrra hálvár í fjør - og 15.205 tons vórðu tikin í Skotlandi. Bakkafrost vísir á, at tilsamans 5,7 miljónir smolt vórðu sett út í øðrum ársfjórðingi í ár, 2,9 miljónir í Føroyum og 2,8 miljónir í Skotlandi. Samanlagt í fyrra hálvári í ár hev­ur samtakið sett út 9,1 miljónir smolt, 5,2 miljónir í Før­oyum og 3,9 miljónir í Skotlandi. Starvsfólkini ikki rakt Regin Jacobsen, stjóri, sigur soleiðis um gongdina hjá Bakka­frost-samtakinum higartil í ár: - Fyrra hálvár 2020 hevur verið nógv ávirkað av far­sótt­ ini, sum hevur reikað kring heimin. Fíggjarliga avkastið er sjálvsagt nógv ávirkað av umstøðunum á markaðinum. Um­framt hetta hava hægri flutningskostnaðir og broytt gjald­oyraviðurskifti eisini ávirkað fíggjarliga skeiva vegin. Men, hóast umstøðurnar hava verið truplari, so fegnast stjór­in um, at felagið hevur havt positiv úrslit fyri allar geir­ar, bæði í liðugvøruframleiðsluni, á Havsbrún, sum eis­ini er partur av samtakinum og í alingini á sjónum í Før­oyum og Skotlandi. - Vit fegnast eisini um, at okkara starvsfólk ikki hava verið rakt av farsóttini og framhaldandi at kunnu veita eina sunna og heilsugóða vøru til viðskiftapartarnar. Skjótar tillagingar Regin Jacobsen er serstakliga væl nøgdur við góða úrslitið í liðug­vøruframleiðslugeiranum, sum í farna ársfjórðingi hevur havt størri framleiðslumongd enn nakrantíð áður. Hann vísir á, at eftirspurningurin eftir liðugt pakkaðum vørum frá handilsketum hevur verið sera stórur, nú mat­ stov­ur og hotell hava verið stongd undir farsóttini. - Vit hava av sonnum havt ágóða av smidleikanum í okk­ara longu virðisketu, sum ger okkum før fyri skjótt at til­laga okkum eftir skiftandi marknaðarumstøðum, sigur stjór­in. Broytingar geva úrslit Á Bakkafrosti vita tey eisini at siga, at tey nú hava sæð fyrstu tekinini um, at tær broytingar, sum gjørdar eru í ali­virkseminum í Skotlandi, eru farnar at geva úrslit, og í Før­oyum síggjast eisini úrslit av mongu og stóru íløg­un­ um, sum her eru gjørdar. - Smoltstøðin á Strond er liðug og framleiðir nú ein stór­an part av smoltinum, okkum tørvar. Alsamt veksandi miðal­støddin á smoltinum fer at gagna aligeiranum hjá okk­um munandi framyvir. Í Skotlandi hevur Bakkafrost eisini tikið týdningarmikil stig fyri at veksa um støddina á smoltinum við at seta í verk munandi útbygging av smoltdeildini. Regin Jacobsen fegnast eisini um, at biogassverkið Förka á Skarðshjalla er tikið í nýtslu og nú fer undir fram­ leiðslu av grønari orku. - Hettar hjálpir okkum ávegis at røkka avbjóðandi mál­inum at hava minkað Co2-útlátið niður í eina helvt í 2030, leggur stjórin aftrat. Óvissa - men góð útlit Á Bakkafrosti vænta tey, at korona-farsóttin fer at hava av­bóðingar við sær á altjóða laksamarknaðinum. - Ilt er at meta, hvussu leingi, og í hvussu stóran mun hetta fer at ávirka marknaðin. Vit meta tó, at útlitini eru góð, tí farsóttin hevur ikki broytt veruleikan, at heiminum fram­yvir tørvar veksandi mongd av heilsugóðum og burð­ ar­dyggum mati, sum laksur jú er, sigur stjórin, Regin Jacob­sen. Uppí søguna um Bakkafrost, nú fyrra hálvár 2020 er runnið, hoyrir eisini, at nevndin í fyritøkuni áður hevur gjørt av at útseta avgerðina um útlutan av vinningsbýti fyri 2019 til hin 25. august í ár, tá hálvársroknskapurin varð lagdur fram. Hetta er orsakað av óvissuni, ið stendst at korona- farsóttini. Nú hevur nevndin so staðfest, at óvissan framhaldandi er høg, og tískil verður einki vinningsbýti útgoldið fyri 2019. TEKSTUR VILMUND JACOBSEN Regin Jacobsen, stjóri í Bakkafrost-samtakinum