hósdagur 27. august 2020síða 49

Stjórin vísir á, at Vónin tryggjar alarunum, at teirra veitingar við nótum, fortoyningurm, togum, ketum, sjeklum, akkerum og øðr­um eru haldbarar til tær umstøður og umhvørvi, har fe­løgini hava sítt virksemi. - Vit hava nevniliga eitt forrit - aquasim - sum ger tað møguligt at simulera og rokna út, hvussu sterkur út­bún­ að­urin í hvørjum einstøkum føri skal vera. Tað er ikki nóg mikið at gita, men vit og tey, vit arbeiða fyri, mugu vita, hvat krevst av styrki í ymiskum økjum og umstøðum, sigur hann og vísir á, at her verður arbeitt eftir ávísum stand­ardum, ið Vónin sum veitari og føroyska alivinnan sum framleiðari av laksi skulu liva upp til. Hjalmar Petersen sigur, at øll vøra, sum Vónin selur til alivinnuna, er sertifisera í høgum klassa, sum hann tek­ ur til. - Tað krevst, at alt er hágóðska, leggur hann aftrat. Framleiðsla í Litava Í nøkur ár læt Vónin alinótirnar gera í ávikavist Kina og India, men síðan 2014 hevur felagið havt sítt egna trol-og nótavirki í Litava, og tað er her, at nótirnar til føroysku alivinnuna - og alivinnu í øðrum londum - verða framleiddar. - Vónin hevur eitt stórt virki í Litava á umleið 10.000 fermetrar, og her starvast 200 fólk hjá okkum. Her verða nótirnar framleiddar til føroysku alivinnuna. Aðra útgerð, sum vit veita alivinnuni, sum eitt nú tog, ketur, sjeklar, akker og annað, keypa vit frá øðrum veitarum, sum vit sam­starva við. Hjalmar Petersen sigur, at umframt at vera veitari til føroysku alivinnuna, er Vónin eisini veitari til alivinnu í øðr­um londum. - Taka vit allan umsetningin hjá Vónini, vil eg meta, at alivinnan stendur fyri umleið einum triðingi, leggur hann aftrat. Nýtt við Norðskála Vónin hevur alt sítt nótavirksemi við Norðskála, har felagið nú eisini hevur bygt ein nýggjan bygning. - Vit hava húsast í umleið 1500 fermetrum í gamla ele­mentvirkinum, og nú fáa vit so 1500 fermetrar aftrat í nýggja bygninginum, sum vit alment fara at taka í nýtslu um miðjan september. Stjórin í Vónini vísir á, at arbeiðsumstøðurnar við Norð­skála nú verða nógv betri enn áður, og við einari nýggj­ari vaskimaskinu til nótir aftrat, sum vit hava keypt frá Nomatek, umframt nógv størri gólvplássi, verður kap­ asiteturin eisini munandi størri. - So hvørt, sum nótirnar eru vorðnar størri og fleiri í tali, mugu vit eisini at veksa um okkara kapasitet og effektivitet. Í nýggju høllini fáa vit fýra nýggjar og góðar arbeiðsbanar aftr­at. Nýggja vaskimaskinan er 60 rúmmetrar, meðan tær báð­ar verandi eru ávikavist 30 og 40 rúmmetrar. Hetta merk­ir, at kapasiteturin verður munandi størri enn áður, sig­ur stjórin. Sera tolnir alarar Hjalmar Petersen ásannar, at arbeiðsumstøðurnar við Norðskála hava verið truplar, meðan bygt hevur verið, og hann dylur ikki fyri, at hetta í ávísan mun hevur gingið út yvir tænastuna til alivinnuna. - Alarar hava verið sera tolnir, meðan hetta hevur verið eitt byggipláss. Arbeiðið byrjaði í januar í 2019 og er eitt sindur seinkað, nú korona hevur herjað. Men, nú bygn­ ing­urin stendur klárur at taka í nýtslu, og kapasit­eturin er størri enn nakrantíð, fara vit sjálvsagt at gera okkara besta til tess at veita alivinnuni allar bestu tænastu, sigur Hjalm­ar Petersen, stjóri á Vónini. TEKSTUR VILMUND JACOBSEN MYND VÓNIN Við nýggja bygninginum húsast Vónin nú á tilsamans 3000 fermetrum við Norðskála, og tað er her, at alinótirnar verða vaskaðar og umvældar 17 Reportasja