hósdagur 3. september 2020síða 39

FRÍGGJADAGUR 4. SEPTEMBER 2020 SOSIALURIN 64 39 TRÓNDUR ARGE T að er brádliga langtsíðani, at Víkingur hevði takið á fótbóltsføroyum. Í 2017 vann felagið sítt annað meistaraheitið upp í slag. Í stóran mun við lokalum og loyalum spælarum. Víkingur hevur síðani felagsliðið bleiv til í 2009, verið ein felag, sum hevur staðið seg væl í mun til fólkagrundarlag. Ein av høvðusorsøkunum er, at felagið hevur verið væl rikið og spælararnir hava verið lokalir, loyalir og ikki minst drúgvir. Við fimm Løgmanssteypum, tveimum FM-steypum og fleiri avbera góðum avrikum í Evropa, var Víkingur felagið, sum fleiri leitaðu til, fyri at síggja hvussu tú skalt reka eitt felag. Víkingur hevur eisini verið lýst sum ein familjifelag, sum nærumhvørvið stendur væl samanum. Nógv broytt í Víkingi Tann seinasti parturin stendur við. Víkingur stendur nærumhvørvinum nær, men ítróttarliga er felagið farið av sporinum í mun til undanfarnu árini. Fimm tey fyrstu árini fekk Jógvan Martin Olsen álit at byggja nýggja felagið upp. Hetta gjørdi hann væl og núverandi fótbóltsmennarin hjá Fótbóltssambandinum, verður mangan nevndur, tá tiltongdin til Víking og FM-heitini verður lýst. Í 2013 tók Sigfríður S. Clementsen við og sat við róðið til endan av 2015. Millum størstu avrikini var Evropa-summarið í 2103, tá Víkingur kom víðari tvær ferðir. Í 2106 kom Sámal Erik Hentze til og fekk gjørt Víking til meistarar í 2016 og 2017. Í 2018 bleiv Maurice Ross settur sum venjarin, ið skuldi byrja eitt ættarliðsskiftið í Víkingi, men tað bleiv bara til 13 dystir, so fekk hann sekkin. Brandur Jacobsen, formaður, og leiðslan í Víkingi vildi ikki gera viðmerkingar til málið. Sigfríður S. Clementsen bleiv settur aftur, men hetta er ein av meiri misjøvnu tíðarskeiðnum í søguni hjá felagnum, har leiðslan ikki við leingja. Seinasta triðingin av kappingarárinum skuldu teir ungu spælast inn, men tað endaði í mótvindi. Liðið vann ongan dyst og fáir av teimum ungu spælarunum eru við í dag. í fjør var Sámal Erik Hentze venjari, men í ár kom so Eyðun Klakstein til. Eftir ein misjavna byrjan hevur Víkingur fótað sær við trimum sigrum á útivølli upp í slag. Liðið hevur bara tapt móti trimum teimum fremstu í øðrum triðingi. Spælarar sum Arnbjørn Svensson, Ingi Jonhardsson, Noah Mneney, Elias Lervig og Bergur Gregersen hava allir fingið spælitíð, men leiðslan metir ikki tað er nokk av spælitíð. Tí verður Eyðun Klakstein koyrdur fyrrapartin. Sum skilst, kom hetta púra óvart á allar partar uttan leiðsluna í felagnum. Ikki fleiri viðmerkingar V í k i n g u r s k r i va r í tíðindaskrivinum, at felagið ikki ger fleiri viðmerkingar til málið. Hetta er ikki ókent fyri Víkingi, tá teir hava koyrt ein venjara. Tað verður skrivað í tíðindaskrivinum, at "Leiðslan í felagnum ynskir nú, at tað skal meira ferð á hesa tilgongd, har ungir leikarar fáa størri leiklut á besta liði felagsins." So er spurningurin hvussu hetta skal skiljast, tá leiðslan hevur verið partur av eini tilgongd, sum hevur heintað fleiri spælarar til útifrá? Eitt nú gjørt tvey ára sáttmála við Vukasin Tomic, sum er mest útskeldaði maður í Sarpugerði í nýggjari tíð. Brandur Jacobsen og leiðslan í Víkingi eiga nógv rós uppborið fyri gott arbeiði, og drúgva tænastu, men tað sømur seg ikki at gúppa ein venjara úr einum so stórum sessi og bara siga, at tú ikki hevur fleiri viðmerkingar. Fótbóltur er ikki sum vanligt vinnulív. Fótbóltur er partvís undirhald og tað er sjon fyri søgn við koronastøðuni, at fótbóltur er einki uttan áskoðarar og áhuga. Tí skyldar Víkingur, at koma við eini frágreiðing! Jóan Petur er ein spennandi venjari At leiðslan smekkar við hurðini merkir ikki, at avgerðin at seta Jóan Petur Poulsen er skeiv. Hann er ein væl lýddur venjari, sum hevur gjørt tað avbera flott við næstbesta liðnum hjá Víkingi. Hann er óvia ein tann evnaríkasti venjari í føroyskum fótbólti í løtuni. - Seinnu árini hevur eitt ættarliðsskifti verið ávegis í Víkingi. Leiðslan í felagnum ynskir nú, at tað skal meira ferð á hesa tilgongd, har ungir leikarar fáa størri leiklut á besta liði felagsins. Vit hava í dag gjørt avtalu við Jóhan Petur Poulsen, um at gerast høvuðsvenjari hjá Víkingi, og harvið ganga á odda fyri tí tilgongd, sum vit nú fara undir. Hóast ungur og ongar royndir sum venjari í bestu deildini, so er Jóhan Petur eitt vælkent andlit í okkara felagi, har hann í skjótt 6 ár hevur verið venjari hjá okkara fyrstudeildarliði. Haraftrat hevur hann seinastu tíðina eisini virkað sum høvuðsungdómsvenjari í felagnum. Vit ynskja Jóhan Peturi bestu eydnu við høvuðsvenjarastarvinum, skrivar Víkingur. Hetta er fyrstu ferð, at Jóan Petur Poulsen kemur at standa á odda fyri einum liðið í Betri deildini. TRONDUR@SOSIALURIN.FO Víkingur hevur aftur skift venjara. Hesa ferð er Eyðun Klakstein koyrdur eftir tríggjar sigrar upp í slag. Orsøkin er at teir yngru ikki sleppa framat, sigur Víkingur. Nýggjur venjari er Jóan Petur Poulsen, sum hevur verið høvðusungdómsvnjeari og verið venjari hjá næstbesta liðnum Betri deildin menn: EYÐUN HEVUR FINGIÐ SEKKIN EYÐUN HEVUR FINGIÐ SEKKIN – JÓAN PETUR TEKUR VIÐ – JÓAN PETUR TEKUR VIÐ Betri deildin menn støðan # LIÐ D V J T MF MÍ MM STIG 1 HB 17 15 1 1 52 12 40 46 2 KÍ 17 13 2 2 55 17 38 41 3 B36 16 12 1 3 49 20 29 37 4 NSÍ 17 11 2 4 30 12 18 35 5 Víkingur 18 10 2 6 36 26 10 32 6 ÍF 18 6 2 10 20 36 -16 20 7 EB/S 18 6 1 11 14 37 -23 19 8 TB 18 2 4 12 11 27 -16 10 9 AB 18 0 7 11 12 52 -40 7 10 SKÁLA 17 0 2 15 9 49 -40 2