hósdagur 3. september 2020síða 38

FRÍGGJADAGUR 4. SEPTEMBER 2020 SOSIALURIN 64 38 TRÓNDUR ARGE - TÓRSVØLLUR M ikudagin klokkan 11.45 hevði føroyska A-landsliðið hjá monnum tið­inda­ fund undan Nations League lands­dystinum móti Malta. Høvðus­málið á skránni var at kunn­gera nýggjan liðskipara á lands­liðnum. Håkan Ericson og Hallur Hansson søgdu nøkur orð á enskum, sum er krav til fram­ leiðsluna hjá UEFA. Síðani var farið at tosað um valið av Halli Hansson sum liðskipara. -Fyrst og fremst, so er talan um ein dugnaligan fót­bólts­ spælara, sum eg vænti kem­ur at verða ein partur av lands­ lið­num í framtíðini. Hann er í gerandisdagnum partur av ein­um ítróttarligum sterkum um­hvørvi. Hann hevur havt eitt gott kappingarár við AC Horsens bæði sum lið og sum spælari. Hann spælir nógv og er áhaldandi. Tað er eisini imponerandi, at hann er lið­ skipari í einum donskum super­ liga­felagi, sigur Håkan Ericson, lands­liðsvenjari og leggur afturat: -Tað lítla eg kenni til Hall Hansson, so er hann ein jørð­ bundin persónur, sum er róligur og ósjálvsøkin. Hann hugsar um hini og at spjaða orku og tryggleika. Tað er soleiðis eg vil hava ein liðskipara at virka. Eg havi sjálvandi tosa við nógv fólk og leiðarabólkurin hevur eisini verið ein partur av hesum. Øll er samd um, at Hallur er okkara besta boð upp á ein liðskipara, sigur Håkan Ericson Hallur: Ein stór uppgáva Nýggi liðskiparin hjá lands­lið­ num spældi sín fyrsta A-lands­ dyst fyri Føroyar í 2012, og hevur farnu átta árini spælt 46 dystir og skorað 4 mál. -Eg takki fyrst og fremst fyri møgu­leikan. Eg rodni næstan, so nógv eg verið róstur. Hetta hevur verið ein spurningur, sum vit sjálvandi hava hugsað um, eftir at Alti Gregersen gavst. Eg havi ikki hugsað so nógv um at tað skuldi verða akkurát eg, men tú hugsar ikki tvær ferðir, tá tú fær eitt slíkt tilboð, sigur Hallur Hansson og leggur afturat: -Eg føli at eg við teimum roynd­unum, sum eg havi frá yrkis­leiðini higartil og at eg eri liðskipari í AC Horsens, eri væl brynjaður til uppgávuna. Í Horsens hevur tað ikki altíð verið líka lætt, tí vit hava onkuntíð verið í kreppu, men vit hava rokkið málinum alíkavæl. Tað havi eg lært nógv av, sigur Hall­ur Hansson. Hann tekur við eftir Atla Greger­sen og undan honum Fróða Benjaminsen. Tveir spæl­ ar­ar, sum hava sett sín stóra dám á føroyskan fótbólt. -Eg var ein ungur frustreraður spælari, sum rann runt og sparka hinar, men eg havi lært nógv frá góðum monnum sum Fróða og Atla. Eg taki hetta sum eitt herðaklapp, men hetta er eisini ein stór uppgáva. Eg gleði meg til hetta og síggi fram til sleppa at hjálpa teimum ungu spælarunum. Eg føli at eg havi nakað at geva teimum. Eg vil gjarna verða liðskipari á tí mest suksefulla landsliðnum nakrantíð. Tað fari eg at gera alt fyri at røkka, sigur Hallur Hans­ son. Føroyska landsliðið skal hós­kvøldið 3. septembur, eftir prent­start, spæla móti Malta á Tórs­vølli. Sunnudagin verður spælt í Andorra. TRONDUR@SOSIALURIN.FO Á tíðindafundi á Tórsvølli mikudagin bleiv Hallur Hansson kunngjørdur sum nýggjur liðskipari á A-landsliðnum. Hann tekur við eftir Atla Gregersen, sum gavst í fjør. - Eg taki hetta sum eitt herðaklapp, men hetta er eisini ein stór uppgáva, sigur Hallur Hansson Nýggjur liðskipari: HALLUR HANSSON ER HALLUR HANSSON ER NÝGGJUR LIÐSKIPARI NÝGGJUR LIÐSKIPARI Á Á FØROYSKA LANDSLIÐNUM FØROYSKA LANDSLIÐNUM