hósdagur 10. september 2020síða 4

FRÍGGJADAGUR 11. SEPTEMBER 2020 SOSIALURIN 65 4 EG FARI ALTÍÐ AT VERA FØROYINGUR PERSÓNSØGA Páll Arge: Páll Arge var í nógv ár ein, sum flestu føroyingar kendu. Men í 1998 flutti náttarlívskongurin í Havn av landinum og hevur verið lítið heima og vitja aftur. Men Páll, sum er í Føroyum í hesum døgum, sigur, at hann fer altíð at kenna seg sum føroying TERJI NIELSEN TERJI@SOSIALURIN.FO C lub 20, Discoteque Dall­ as, Ársins Songrødd og konsertir við eitt nú Toto, Suede, Uriah Heep, Kim Larsen og Smokie. Felags­ navnið fyri øll tey áðurnevndu var havnarmaðurin Páll Arge, sum stóð á odda fyri hesum støðum og tiltøkum. Men fyri gott og væl 22 árum síðani flutti Páll Arge av landinum og hevur verið lítið at sæð her heima síðani. Føroyar vóru ov lítlar Nú Páll Arge er í Føroyum, hava vit hitt hann til eitt prát at forvitnast um, hvat hann fæst við í dag og um tíðina, áðrenn hann fór av land­inum. - Í dag havi eg eina krógv í Asser­bo í Norðursjællandi í Danmark. Vit hava eina matstovu og gera eisini nógvan mat út av húsinum til alt Norðursjælland. Hetta hev­ur vundið rættiliga nógv upp­á seg undir corona. Vit hava form­elt havt stongt, men hava tó selt út av húsinum, og í hesum tíð­ar­skeiði hava vit selt meiri út av hús­inum, enn hvat vit vanliga selja í matstovuni, so vit hava ikki merkt nakað stórvegis til corona fíggjarliga, sigur Páll Arge. Hann greiðir frá, at hann í dag nógv títtari vitjar her í Føroyum, enn hann plagdi at gera. - Eg eri oftari í Føroyum nú. Elsta dótturin býr í Føroyum, og so havi eg eina gamla mammu, sum er einsamøll og býr í Svínáum. Tí eri eg oftari, enn eg plagdi at vera, sigur hann. Men hví fór Páll Arge av land­ inum á sínni? - Eg valdi at fara niður beint fyri ólavsøku í 1998. Tað var eitt sindur knappliga, men tað vóru fleiri faktorarar, ið spældu. Eg hevði rættiliga nógv at fara niður til, og eg hevði ofta hugsað, at Før­ oyar vóru ov lítlar til mín. Mínar ambitiónir rukku út um oyggj­ arnar, sigur Páll Arge. Hevði hugsað um matstovuvirksemi Páll og táverandi kona hansara høvdu, áðrenn tey fluttu niður, hugsað um at fara undir okkurt slag av matstovuvirksemi, tá ið tey komu til Danmarkar. - Men tá eg var á veg av land­ in­um, bleiv eg uppringdur av eini damu, sum hevði eina kro í Fugle­ bjerg, og sum spurdi, um eg vildi yvirtaka krónna. Hendan krógvin skuldi yvirtakast 1. August, so vit máttu gera skjótt av. Vit skundaðu okkum tí avstað við Norrønu um­ vegis Bergen, men á vegnum til Dan­markar blivu vit uppringd og fingu at vita, at hon hevði selt krónna. Men eg hevði framvegis hug til at fara undir okkurt tílíkt virksemi, og so fann eg Asserbo Kro í Berlingaranum og keypti hana, greiðir Páll Arge frá. Hann hevði so ta krónna í nøk­ ur ár, men so bankaði á dyrnar hjá honum. - Tað var eitt stórt byggifirma, sum ein dagin bankaði uppá, tí teir gjarna vildu brúka grundina, sum krógvin stóð á, til at byggja ein stóran Fakta handil, og eg tók av til­boðnum frá teimum, sigur Páll Arge. Men Páll treivst væl í leik­lut­ inum sum vertur á eini krógv, og hann hevði tí hug at halda fram í hesi vinnu. - Um somu tíð var eitt stað nær­heindis krónni, sum kallaðist Munkestuen – ein gomul mat­ stova. Hann, sum hevði tað staðið, hevði fleiri ferðir spurt meg, um eg hevði hug at reka tað eisini, men eg hevði sagt nei. Men nú eg seldi krónna, vendi eg aftur til hansara og yvirtók tað staðið, sum nú eitur Asserbo Kro, og sum eg havi havt í 15 ár nú, sigur Páll Arge. Sami lívsstílur At fara úr náttarlívinum í Havn og til matstovuvirksemi í Danmark var sum so ikki tað heilt stóra skifti hjá Páll Arge. - Lívsstílurin við hesum virk­ sem­inum er nokk so líkur tí lívs­ stíli, ið eg hevði í Føroyum við nátt­arlívsvirksemi og konsert­ fyriskipan. Tað er mest at gera um kvøldarnar og í vikuskiftinum, og tað var tað sama í Føroyum, greiðir hann frá. Men gamli náttarlívskongurin í Havn hevur ikki heilt slept alt samband við gamla starvsøki hjá sær. - Eg havi eisini fyriskipað okkurt tiltak í Danmark, og navnið Farcon, sum vit brúktu í Føroyum, er til enn. Vit brúka tað í Danmark til at skipa fyri konsertferðum kring Europa, sigur Páll Arge. Í Føroyum skipaði Páll Arge fyri óteljandi konsertum, og tað var longu á heilt ungum árum, at hann fór undir slíkt virksemi. - Fyrsta konsertin, sum eg skip­aði fyri, var í 1977. Tað árið skip­aðu vit fyri konsertum við Mabel, Sir Henry og Sebastian. Eg var ikki fyltur 18 ár, so mamma mátti standa fyri meg í felagn­um. Seinni stovnaði eg Plátu­barr­ ina, og saman við mínum góða vini Martin Mouritsen hevði eg Disco­teque Dallas og diskoteks­ klubb­an. Eg var eisini dj í Queen, sum eitt diskotek kallaðist í Niels Fin­sensgøta, greiðir Páll Arge frá. Men tað var serliga undir navn­ inum Farcon, at virksemið hjá Páll Arge bleiv kent. - Farcon bleiv stovnað í 1984, og tað var tá, at vit fingu Suede til Føroya, sum var eitt stórt navn at fáa hagar. Undir navninum Far­con skipaðu vit fyri øllum teim­um stóru konsertunum, ið vóru í Føroyum í bæði áttati- og nítiárunum. Tað vóru nøvn sum Suede, Uriah Heep, Smokie, Status Quo og Toto, ið vit fingu hend­an­ vegin, sigur hann. Um somu tíð hevði Páll Arge eis­ ini sett á stovn ein handil, ið hevði navnið Plátubarrin. Talan var um ein handil, ið seldi ymiskt innan ljóð, men sum eisini fekst við eitt nú útleigan av videofilmum. - Plátubarrin bleiv so stór og hevði seks deildir í Føroyum um­framt eina í Danmark. Hetta Eg hevði ofta hugsað, at Føroyar vóru ov lítlar til mín. Mínar ambitiónir rukku út um oyggjarnar