hósdagur 10. september 2020síða 46

SEPTEMBER 2020 22 LÝSINGARBLAÐ FRÁ MIÐLAHÚSINUM KVINNUR HONDBÓLTUR 2019/20 Kyndil Alda av Skarði Jovana Stranjanac Barbara Hammer Sólja B Poulsen Beinta Lindberg Hansen Karin S Midjord Ásleyg Súnadóttir Beinta Bárðadóttir Natasja Hammer Bára K Hansen Bjarta Johansen Anja Eliasen Turið Arge Súna K Hansen Ró Nielsen Stefanie Lausen Bjørt Krossteig Halla S Midjord Dragan Brljevic, venjari Jórun S Ludvig, hjálpavenjari Tilgongd: Turið Arge (eftir barnsburð) Halla S. Midjord (eftir barnsburð) Bjarta Johansen (Úr Vendsyssel og eftir barnsburð) Ró Nielsen (úr VÍF) Súna K. Hansen (úr EH Aalborg) Kroatiskt verjuspæl og svenskt álopsspæl í Kyndli Stórir profilar eru til reiðar aftur í Kyndli – Bæði á vøllinum og á beinkinum Tað var við Kyndli á odda í serstakliga tættari kapping um fremsta plássið í SMS-kappingini, tá ið kappingarárið brátt endaði í vár. Kyndil hevði langt síðani tryggjað sær plássið í hálvfinalunum saman við Neistanum, VÍF og H71, og nú snúði tað seg um at vinna fyrimunin av fremsta plássi. Hini liðini tevjaðu kortini møguleikarnar ímóti oddaliðnum, ið segði farvæl við Turið Arge Samuelsen vegna barnsburð tíðliga í kapping­ ar­árinum. Hon náddi at skora 65 mál í níggju dystum. Tað skakaði ikki Kyndil fyri fyrst, men tá ið Súna Krossteig Hansen fór at dragast við skaða í februar og mars-mánað, gjørdist tyngri, og hini fóru at nærkast á stigatalvuni. Og kappingarneytarnir mundu eisini anda lættari um komandi kappingarár, tá ið tað frætt­ ist, at Súna K. Hansen fór at royna seg í Dan­ mark. Profilar aftur á vøllinum Men tíggju dagar fyri kappingarbyrjan broyttust ætlanirnar, og bakkurin við kvika fótskiftinum fór at venja í Kyndli aftur. Afturat henni eru Turið Arge og Halla Skylv Midjord við aftur eftir barns­burð, eins og Bjarta O. Johansen er tað – sum eisini hevur spælt í Danmark seinastu kappingarárini. Og so er Ró Nielsen komin úr VÍF. Ungi høgri vongurin var ein av stóru atvoldunum til, at VÍF basti Kyndli í hálvfinalunum í Faxe Kondi-kappingini í fjør. Professionellur venjari Tær leggjast afturat eitt nú Báru Krossteig Han­sen, ið er bjartskygd um kappingarárið fyri framm­an. - Vit vænta eitt gott kappingarár, har nógv lið bjóða hvørjum øðrum av. So vit eru spentar, sigur spælskiparin, ið hevur nýggjan venjara hetta kappingarárið. Kroatiski Dragan Brljevic tekur við. Hann hevur drúgvar royndir úr svenskum topp­hond­ bólti, har hann er kosin ársins venjari fleiri ferðir. - Hann er øgiliga professionellur. Tað er stutt­ligt at koma til venjing. Hann leggur stóran dent á smálutirnar, sigur Bára og heldur fram: - Hann hugsar um menning. Altso hann hugs­ ar ikki bara um at nú skulu vit vinna næsta dyst, men heldur at um eitt ár skulu vit verða so og so nógv betri til hesi tingini, greiðir spælskiparin hjá Kyndli frá. Korona órógvaði nakað Men fyrireikingarnar á vøllinum hava verið órógv­aðar nakað. Kyndil var rakt av koronu í summ­ar. - Helmingurin av liðnum, umframt venjarin, sat í sóttarhaldi, sigur Bára og heldur fram: - Vit hava brúkt meginparturin av uppstart­ in­um við at venja úti og renna á Tórsbreyt, tí vit sloppu ikki inn í høllina. - Vit hava ongan venjingardyst spælt, og eg kendi væl, at orkan var góð, men at okkum vant­ aðu dystarvenjing í stórsteypadystinum - Men tað kemur, tekur Bára til. Dystin vann Kyndil eisini 28-26 á H71 eftir longda leiktíð. Drúgvar FM-royndir Stórsteypadysturin um Lions-bikarið, vísti eisini áskoðarum tann Kyndilshópin, ið er komin sam­ an til hetta kappingarárið. - Sum nú er, haldi eg at hópurin sær øgiliga spennandi út, og venjarin fær brúkt førleikarnar hjá øllum, sigur Bára, ið eisini fegnast um at Súna og hinar eru við aftur. - Vit fáa nógvar leikarar aftur, sum hava roynd­ir av at vinna alt, og vit hava eisini fingið Jórun Ludvig til hjálparvenjara – Hon kemur eisini við teimum royndunum, greiðir Bára K. Hansen frá. Verja kroatiskt og leypa svenskt á Í stórsteypadystinum sást eisini ein rættiliga høg og ágangandi verja frá Kyndli. - Tað verður ikki síðstu ferð, vissar Bára um. Dragan sigur at honum dámar væl kroatiskan verjuhondbólt og svenskan álopshondbólt. - Vit hava roynt høgar 3-2-1 verjur fyrr, sigur Bára, og vísir til Føroyameistaraárini í 2014 og 2017, áðrenn hon leggur afturat, at tað skal sjálvandi venjast nógv fyri at fáa skipanina at rigga til fulnar. Tað skal fyrst og fremst røkka til hálv­fin­ al­urnar, greiðir fleirfaldi Føroyameistarin frá, og leggur afturat at nú skal Kyndil vinna tey gull­merkini, sum liðið ikki fekk, tá ið Korona steðgaði farna kappingarári. Kyndil kvinnur Føroyameistaraheiti: 8 (1964, 1975, 1981, 1998, 1999, 2014, 2017, 2019) Steypasigrar: 4 (2000, 2014, 2017, 2019) Toppskjúttar kappingarárið 2019/2020 Súna Krossteig Hansen, 75 mál Natasja Hammer, 72 mál Bára Krossteig Hansen, 68 mál