hósdagur 10. september 2020síða 45

SEPTEMBER 2020 LÝSINGARBLAÐ FRÁ MIÐLAHÚSINUM HONDBÓLTUR 2020/21 21 THW Kiel sigur landsliðsvenjarin, og nevnir fleiri onnur nøvn. Tað er greitt at hann kennir Kekkia væl longu nú. Tað er eisini toyminum at takka. - Bæði Dia (Midjord, hjálparvenjari, blm.) og Dejan (Lacok, málverjuvenjari, blm.) hava gjørt eitt sera gott arbeiði við at kanna Kekkia, sigur Sonni Larsen, høvuðsvenjari. Tveir dystir upp á eina viku Kappingin er løgd soleiðis, at liðini hittast tvær ferðir innan eina viku hvørja ferð, og tað hóvar bara landsliðsvenjaranum væl. - Tað verður stuttligt. Eg vænti at tað verður gott fyri okkum, og at vit kanska læra meira enn hini. -Vit royndu tað sama ímóti Ukraina í fjør, og tá lærdu vit sera nógv, sigur Sonni Larsen. Hann minnist aftur á, at Føroyar taptu 30- 19 í Kiev og tríggjar dagar seinni var tað um reppið, at Føroyar fingu minst eitt stig, tá ið tað gjørdist til 27-26 ósigur, eftir eitt nógv betri avrik í seinna dystinum. - Eg síggi enn tann dystin fyri mær. Tað var ein ”top-performance” frá dreingjunum, tekur venjarin til, og leggur afturat, at bert nakrar fáar støður skuldu eydnast betri. - So høvdu vit verið har, brosar landsliðsvenjarin. Ukraina enn einaferð 27-26 ósigurin ímóti Ukraina var triði dysturin, sum Føroyar spældu ímóti Ukraina síðani Sonni Larsen tók við sum venjari. Og tilvildin vildi, at Føroyar enn einaferð endaðu í bólki við Ukraina. - Sjálvandi hevði tað verið deiligt at endiliga vunnið á teimum, sigur Sonni Larsen, áðrenn hann ger greitt, at tað er alt ov tíðliga at meta um líkindi av teimum dystunum. Føroyar spæla ímóti Ukraina 10. mars á heima­vølli og 13. mars á útivølli, áðrenn bólka­ spælið endar ímóti Russlandi 28. apríl og 2. mai. - Har kann so nógv henda áðrenn tað. Fáa vit eitt nú bara tveir skaðar, kann tað hava avger­ andi broyting á liðnum hjá okkum. Eg eri spentur at síggja hvussu vit síggja út tá, men tað er ikki fyrr enn um eitt hálvt ár, so vit hugsa ikki um tað fyrr enn aftaná dystirnar ímóti Kekkia. Fleiri yrkisleikarar á landsliðnum Til hesa undankapping ræður landsliðsvenjarin yvir upp aftur fleiri leikarum, ið spæla uttan­ lands og á sáttmálum, og tað er ein stórur styrkur, greiðir venjarin frá. - Tað er avgerandi fyri næsta stigið í menningini av landsliðnum, sigur lands­liðs­venj­ arin. - Fáa vit ikki hesar yrkisleikarar, koma vit ikki víð­ari við teimum stóru málunum. - Men tað merkir ikki, at leikarar uttan sátt­ málar ikki kunnu gera mun. Tí tað kunnu teir sanniliga, ger Sonni Larsen greitt. Gekk væl í Luksemborg Í januar farna vetur eydnaðist tað at vinna fyrsta HM-dystin í mannaminni, tá ið tað eydnaðist at basa Luksemborg. Dagin fyri var tað endað við enn einum tepr­ um 27-26. Hesaferð ímóti Slovakia. - Vit vildu at vit vunnu tann dystin. Vit spældu ein góðan hondbóltsdyst, fingu røttu møgu­leikarnar, men royndirnar hjá Slovakia gjørdu munin. Men landsliðsvenjarin lítur eisini aftur á kapp­ingina í Luksemborg við góðum minnum. - Tað var tað besta skjótálopsspælið vit hava megnað. Vit skora seks skjótálop ímóti Litava, átta ímóti Slovakia og tíggju ímóti Luksemborg, sig­ur venjarin. - Tað er altjóða støði og er púra á hædd við tey tølini, sum eitt nú Danmark og Spania hava, tá ið tey vinna HM og EM. Men støði skal framvegis hækkast, sigur lands­liðsvenjarin. - Tað, at tað endiliga eydnaðist at vinna ein undankappingardyst við sigrinum ímóti Luksem­ borg, prógvar at vit kunnu vera við og vinna á hes­um støði. - Tað gjørdi eina stigið í Montenegro eisini. Vit vísa eisini okkum sjálvum at vit eru við á altjóða støði. At vit kunnu vinna dystirnar, og ikki bara vinna nøkur skifti í dystunum, tekur Sonni Larsen til. At prógva okkum á altjóða støði er størsta málið - Enn eru vit har, at vit seta okkum ikki so ítøkilig mál um úrslit. Vit seta nøkur ítøkilig lutmál um avrikini. Millum annað at vit skulu eydnast í verjuni, og at vit skulu bjarga so og so nógvar bóltar í hvørjum dysti. - Men í veruleikanum er okkara størsta mál, at halda fram við at prógva, at vit hoyra til á hesum støði. Tað er her vit hoyra heima, og vit skulu eisini vera her næstu ferð, ger Sonni Larsen greitt. UNDANKAPPING TIL EM 2022 – STIG 2: Liðini eru býtt í átta bólkar. Tvey tey fremstu í hvørjum bólki og fýra teir bestu tríðararnir í bólkaspælinum spæla seg beinleiðis í EM-endaspælið í Ungarn og Slovakia. SKRÁ: 4. november 2020: Føroyar – Kekkia 8. november 2020: Kekkia – Føroyar 10. mars 2021: Ukraina – Føroyar 13. mars 2021: Føroyar - Ukraina 28. apríl 2021: Russland – Føroyar 2. mai 2021: Føroyar – Russland