hósdagur 10. september 2020síða 50

SEPTEMBER 2020 26 LÝSINGARBLAÐ FRÁ MIÐLAHÚSINUM KVINNUR HONDBÓLTUR 2019/20 Neistin Margit W. Fríðmundsdóttir Mona Poulsen Rúna J. Larsen Stina Madsen Anna H. Clementsen Frida H. Jacobsen Hervør Niclasen Gunnrið Poulsen Marjun F. Danberg Sólbjørt Høj Ingunn Kristina Persson Petra A. Larsen Rakul Vang Katrina Mortansdóttir Brynja Høj Barbara N. Johannesen Hjørdis Viðstein Hanna D. Hansen Frágongd: Maja Dragoljubovic, Birita Ingolfsdóttir, Fríða á Dunga, Gunnfríð P. Nólsoy, Ana Blagojevic. Neistin: Nógvar ungar og nakrar royndar U-18-liðið hjá Neistanum verður væl umboðað í SMS- deildini í ár, men nakrir Føroyameistarar eru við enn Mest vinnandi liðið í føroyskum hondbólti hevur havt ein gull-turk, síðani greipuna í 2016. Neistin hevur lagt nógv fyri at byggja upp hesi fýra árini, men mest sum á hvørjum ári hevur útskiftingin verið stór, har profilar annaðhvørt eru givnar, farnar at royna seg uttanlands, ella farnar at lesa. Skulu finna nógv mál aftur Ùtskiftingin í ár verður eisini ein avbjóðing. Ein av bestu málverjum í landinum seinastu árini, Maja Dragoljubovic, takkar fyri seg í Neistanum. Tað gera kviku veingirnir, Fríða á Dunga (39 mál í fjør) og Gunnfríð Nólsoy (54 mál) eisini, eins og bakkurin, Birita Ingolfsdóttir (32 mál) Styrkurin er innanhýsis, har væl verður lagt afturat frá ungdómsliðnum. Onkur styrkur er eisini í mun til kappingar­ byrj­an í fjør, tí í ár vera Føroyameistararnir frá 2016, Marjun F. Danberg og Brynja Høj við frá byrjan. Tær traðkaðu til, tá ið væl var komið inn í kappingarárið í fjør, og vístu beinanvegin dygdir tá ið tær vardu saman í miðverjuni. Serliga Marjun F. Danberg var eisini farin at taka av í álopinum, júst sum kappingarárið brátt endaði. Seinasti dysturin var ímóti VÍF, har Marjun skoraði 11 mál í framúr útisigri á VÍF. Tað bar boð um eitt sterkt neistalið áðrenn hálvfinalurnar, ið vóru av ongum. Neistin byggir upp við teimum ungu Eins og hini liðini, má Neistin kortini byrja av nýggjum, og lyklaorðini eru tey somu aftur í ár. - Vit hava fingið nógvar við frá U18-liðnum, og tær skulu spælast inn, sigur Brynja Høj. Sterki strikuleikarin greiðir frá, at hon hevur vant við í summar, so hon er í betri formi, enn tá ið hon byrjaði seint seinasta vetur. Uppaftur yngri í ár - Tá var tað eitt ungt lið, sum ikki hevði nógvar royndir, og í ár er tað bara enn yngri, har minst tríggjar úr byrjanaruppstillingini eru farnar, sigur Brynja Høj, ið kann væntast at fáa ein høvuðs­ leiklut í miðverjuni. Verjan er lykilin - Lyklilin til at kappingarárið skal eydnast, er ein sterk verja. Tað er tað altíð í Neistanum. Og so skulu vit fanga nakrar bóltar, og renna fleiri skjótálop. Vit fingu ikki ordiliga gongd í tað í fjør sigur strikuleikarin. Í skipaða álopinum eru eisini somu avbjóð­ ing­ar sum í fjør. - Vit hava ikki nógvar skjúttar. So har skulu vit hava fleiri at taka av, sigur Brynja,´og leggur aft­urat: - Tá ið tað so er sagt, so hava vit nógvar ung­ ar, raskar og skjótar leikarar, sum eru sera gjøgn­ um­brotssterkar. Og tað er er greitt okkara sterka síða í álopinum. Toppskjúttin og annar málverjin vera verandi Í fjør dúvaði Neista-álopið eisini nógv upp á gjøgnumbrot, har serliga Ingunn Kristina Pers­ son eydnaðist væl. Hon var greiður toppskjútti á liðnum, og skoraði triðflest mál í allari deildini. Hon er ein av profilunum, ið verður verandi í ár, eins og landsliðsmálverjin, Margit Weihe Fríð­ mundsdóttir, sum mundi hava eitt tað besta avrikið av øllum leikarum farna kappingarár, tá ið hon helt Kyndli niðri á bert 12 málum í óhoyrdum 19-12 sigri í januarmánað. Kári heldur fram Í ár hevur tað verið stór útskifting á venj­ara­ bonk­unum kring landið, men í mun til hini trý liðini, sum vóru í oddinum í fjør, varðveitir Neistin venjarin. Tað er framvegis Kári Horn, ið tók við fyri hálv­um øðrum ári síðani, sum stendur við ábyrgd­ini. - Tað er frálíkt at hava sama venjara. Hann kennir okkum væl, og veit hvat vit skulu arbeiða við. Vit kunnu fara beint í gongd, og tað haldi eg vera ein stórur fyrimunur, staðfestir Brynja, ið torir at seta sær stór mál: - Vit vilja í minsta lagið í topp-3, og so hevði tað verið stuttligt við minst einum gullmerki, sigur Brynja Høj. Neistin Kvinnur: Føroyameistaraheiti: 41 (1943, 1946, 1948, 1952, 1953, 1954, 1955, 1956, 1957, 1959, 1966, 1967, 1969, 1970, 1971, 1972, 1973, 1974, 1976, 1978, 1979, 1980, 1982, 1983, 1984, 1985, 1986, 1987, 1988, 1989, 1990, 1992, 1994, 1995, 1996, 1997, 2011, 2012, 2013, 2015, 2016) Steypasigrar: 14 (1987, 1988, 1989, 1990, 1992, 1994, 1995, 1996, 1997, 1998, 2006, 2013, 2015, 2016) Toppskjúttar kappingarárið 2019/2020 Ingunn Kristina Persson, 101 mál Gunnfríð P. Nólsoy, 54 mál Fríða á Dunga, 39 mál