hósdagur 17. september 2020síða 8

FRÍGGJADAGUR 18. SEPTEMBER 2020 SOSIALURIN 66 8 høllin stóð tóm. Hetta metti List­ GraFo vera eina virðiliga loysn. Høllin er stór og rúmlig, og eingin annar var í høllini frammanundan, so hana kundu tey hava fyri seg sjálvi. Stutt eftir varð farið undir at flyta amboð og maskinur úr evn­ ingsstovuni í fimleikahøllina. Nakrir mánaðir gingu, men einki hendi í málinum, og tí gjørdi ListGraFo av at fregnast eftir tíð­ indum. Svarið frá kommununi í januar í 2019 var, at tey fáa aftur bjóðað ovaru høllina. Kommunan segði orsøkina vera vantandi bruna­trygd í hallunum báðum, vil List­GraFo vera við. ListGraFo helt lítið um tíð­ ind­ini, tí nú hevði felagið fingið bjóðað høllina í neðra, og har vildu tey vera. Evningsstovan aftur upp á talu Tveir mánaðar seinni kom brádliga aftur vend í málinum. ListGraFo vil vera við, at Sigurð Ólason Vang, mentamálaleiðari í Tórshavnar kommunu, lovaði ListGraFo inn aftur í evninggstovna, tá Skúl­in á Fløtum varð liðugur, og skúla­ flokkurin, sum húsast í hølunum, flytir niðan í nýggja skúlan. – Tað var aftur ein ástaðar­fund­ ur. Bara eg og Kári Svensson vóru frá okkum í ListGraFo, og Sigurð Ólason Vang var einsamallur fyri komm­ununa. "Nú sær tað soleiðis út, at tit fáa skúlastovuna, tá Skúl­ in á Fløtum er liðugur." segði hann. Og glað vóru vit, sigur Jóna Ras­ mussen. Longu mánaðin eftir var aftur galið. Nú ljóðaðu boðini, at talan hevði verið um eina misskiljing, og at tað kundi møguliga koma upp á talu, at tað varð skotið upp fyri politisku skipanini, at List­Gra­Fo skuldi aftur sleppa inn í evnings­ stovuna. Hetta varð av ongum, og sam­ bært ListGraFo visti eingin til nakað tilmæli. Í heila tikið fýlast umboðini hjá ListGraFo á, at tá ListGraFo hevur verið á fundi við kommununa, hevur ongantíð verið nøkur fund­ arskrá. Somuleiðis hevur felagið ong­antíð fingið nakað fundar­ referat, og tey ivast í, um nakar frá kommununi yvirhøvur hevur ført referat. – Hevur tú einki fundarreferat, so eksisterar ListGraFo ikki, av­tal­ ur eksistera ikki, og sáttmálar eks­ istera ikki, sigur ListGraFo. Maskinurnar goymdar burtur Í august í 2019 skuldi niðara høll­ in í Finsen renoverast, og mask­ inurnar og amboðini hjá List­ GraFo, sum høvdu staðið í høll­ini, vórðu flutt í eina bingju. Stóra pressan varð flutt í goymslu á Hjalla, og bingjan við hin­um trimum pressunum og øll­um hinum lutunum stendur onkra­ staðni á bingjuplássinum í Kolla­firði. Tíverri vórðu fleiri lutir burtur undir flytingini, og ListGraFo veit ikki at siga, hvørj­ um standi pressurnar og lutirnir í bingj­uni eru í. Í apríl mánaða árið eftir varð ListGraFo bjóðað út at hyggja eftir einum hølum á Argja skúla. Við teimum er Gunnvør Balle, og tosað verður um tey lyftini, ið komm­unan hevur gjørt um inni­ vist í Finsen. Sambært ListGraFo vil Gunnvør Balle tá vera við, at teimum varð ongantíð lovað nið­ aru høllina í Finsen, og tað er held­ ur ikki fest á skjal nakrastaðni. Vit hava roynt at funnið eina loysn T alan er um eitt sam­an­ sett mál, og tað skulu tvey til dansa tango. Gunnvør Balle, forkvinna í mentamálanevndini í Tórshavnar kommunu, vísir á, at kommunan hevur gjørt tað, hon var ment, at finna teimum í ListGraFo innivist. – Hetta er komplekst, og tað hevur tikið langa tíð. Tað er rætt. Tað eru vit kedd av, men tað eru fleiri partar í hesum, og tey eiga eisini ein part sjálvi, tá tey ikki hava verið við upp á fleiri av loysnunum, sigur Gunnvør Balle um ListGraFo. – Vit hava verið í øgiliga drúgvum samráðingum við tey í skjótt fýra ár, har vit hava roynt at víst á ymisk høli, men tey hava sæð seg føst í júst hatta hølið, sigur Gunnvør Balle og sipar til gomlu evningsstovuna. – Vit hava roynt at greitt teimum frá, at tað er ikki fyrr enn at ein samtykt fyriliggur í einari nevnd, at tú hevur rætt til nakað. Og tað hevur tað ikki verið í okkara tíð. Málið strekkir seg út yvir fleiri kommunuvalskeið, og tí hevur sitandi samgonga ikki verið partur av málinum allatíð. Í mun til leigusáttmálan um evningsstovuna sigur Gunnvør Balle, at avtalan varð samtykt í nevndunum báðum, men hon var ongantíð undirskrivað. Bráðfeingistørvur var á skúlastovum, og tí mátti 3. flokkur í skúlanum á Fløtum inn í evningsstovuna - fram um ListGraFo. – Hetta er eitt keðiligt mál, tí her eru so nógvar og drúgvar samráðingar. Tey í ListGraFo eru bara ein av kanska 10 ymiskum feløgum, sum vit samráðast við í senn. Tað er ein stór høliskabala, sum vit hava havt við at gera seinastu fýra árini. Tá vit komu burtur frá evningsstovuni, bjóðaðu vit teimum ovaru høllina í Finsen. Tey vóru ikki á einum máli um hølini, og summi fólk, sum vit hava tosað við, hava verið samd við onkrum av loysnunum, meðan onnur hava ikki, sigur Gunnvør Balle. – Í summar ella í vár bjóðaðu vit teimum høli úti á Argjum, tú skúlabørnini fara úr skúlanum. Og summi vóru sera væl nøgd við tað, men tað vrakaðu tey eisini. Nú eru vit aftur í samráðing um Gula skúla, har vit á fíggjarnevndarfundi hava samtykt at royna at fara í dialog um at bjóða teimum Gula skúla saman við einum øðrum felagsskapi. Og har veit eg, at tey hava verið øgiliga positiv um tað. Og tí skilji eg ikki, at tá vit eru í samráðing um nýggj høli, sum eg skilji á lagnum, at tey eru kanska eru samd um, hví tey rógva afturá, og hví hetta verður evni til eina grein. Stóra pressan varð flutt í goymslu á Hjalla, og bingjan við hinum trimum pressunum og øllum hinum lutunum stendur onkrastaðni á bingjuplássinum í Kollafirði