hósdagur 17. september 2020síða 28

FRÍGGJADAGUR 18. SEPTEMBER 2020 SOSIALURIN 66 28 RØRDUR OG STOLTUR VENJARI -Eg eri glaður vegna felagið, sum fær nakar góðar pengar, men ikki minst tí vit hava skrivað søgu. Tað krevur nakað og hesir menninir eru longu við at blíva legendur. Tað kemur tú ikki sovandi ella snakkandi til. Tá skalt tú verða harður, skrappur, arbeiða hart og hava dirvið. Hetta er fantastikst fyri allar og eg knekkaði líka í byrjanini av samrøðuni, og tað gjørdi eg eisini tá vit fegnaðust saman, tí hetta er so stórt og eg var absolut rørdur, sigur Jákup á Borg TRÓNDUR ARGE – TÓRSVØLLUR -Eg eri ófatiliga stoltur, og nú er aftur galið við røddini, letur úr Jákupi á Borg. Venjarin, ið ongantíð megnaði at vinna seg víðari sum spælari, hevur nú skrivað søgu saman við B36, ið er fyrsta liðið, ið hevur spælt seg víðari tríggjar ferðir upp á eitt ár. Kenslurnar eru at fáa eyga á. Dysturin er júst liðugur og eftir 120 minuttir av dramatikki, har B36 hevði alt, men misti tað á gólvið, fyri síðani at vinna alt innaftur í allar seinastu løtu. Tvær ferðir er B36 úti av Evropa. Í longduleiktíðini er vanliga leiktíðini farin, áðenn eitt seinasta neyðspark endar við, at Stefan Radosavljevic smekkar bóltin í nettakið til 2-2 og víðari til brotssparkskapping. Eisini í brotssparkskappingini er B36 á veg út. Málskjúttin og kanska mest eyðsýnti spælarin hjá B36, Michal Przybylski, er tann einasti sum hevur brent, tá Dean Ebbe bara skal skora upp á sítt brotsspark, fyri at senda The New Saints víðari. Í málinum velur Rói Mørk Hentze rætt og gevur B36 enn eina lívlinju. Tað endar við, at ungi málverjin endurtekur bragdi og sendir B36 í 3. umfar í Europa League og B36 í søgu­ bøkurnar. Skulu tora at droyma Undan dystinum er boðskapurin tann sami, sum tá B36 møtti Levadia Tallinn úr Estlandi í 1. umfari í undankappingini. Spæl­ararnir skulu tora at droyma størt, sjálvt um styrkin á mótstøðuni er eitt sindur ókent, tí liðini ikki hava spælt regluliga í síni heimligu kapping vegna korona. - Vit hava roynt fyrr at spæla móti bretskum liðnum, tá tey bara hava spælt nakrar venj­ ingar­dystir. Vit hava spælt móti Linfield, Crusaders og The New Saints. Tey eru altíð væl fyri og tað liggur í teirra natúru at spæla við nógvari orku og høgum tempo, segði Jákup á Borg undan dystinum og legði afturat: - Vit skulu tora at droyma okkum víðari og vit skulu verða til staðar til hendan dystin, tí í morgin er ov seint. Vit vita hvat liggur í hesum spælarum. Tað hava vit sæð í Evropa fyrr og móti eitt nú KÍ í ár. Tað krevur tó, at vit halda avtalur og tey smá tingini rigga. Vit fara at fáa ilt í dag og tað fer at pína, men vit skulu tora at droyma okkum víðari, sigur Jákup á Borg. Í mun til dramatiska sigurin á Levadia Tallinn komu Benjamin Heine­sen og Ragnar Samuelsen inn frá byrjan, meðan Stefan Radosavljevic sat uttanfyri og Bjarni Petersen er skaddur. B36 best ein tíma Heimaliðið legði best fyri og tað í ein tíma var B36 omaná. Leikliga var yvirvágin ikki so stór, men tá tað kom til málmøguleikar er B36 greitt omaná. Miðskeiðis í fyrra hálvleiki er Sebastian Pingel leysur í høgru, men mál­ vejrin bjargar. Tað eru aðrar vanda­miklar støður, men tað er mál­leyst í hálvleikinum. B36 kemur ótrúliga væl frá byrjan í seinna hálvleiki. Longu aftaná tveir minuttir skor­ar Michal Przybylski, eftir saman­ spæl við Sebastian Pingel stutt uttanfyri brotsteigin. - Eg fái bóltin í aðru atløgu frá Pingel og havi ryggin móti múri­num. Eg trekki til vinstra beini og skjóti, og málverjin fer hin­vegin, greiðir Michal Przy­bylski frá. Løtuna eftir hevur B36 enn fleiri álop og trýstur gestirnar í botn, men tað verður við tað eina málið. Hannes Agnarsson kemur inn fyri Árna Frederiksberg og b36 fer at spæla meiri upp á skjót­álop. B36 missur takið Gestirnir skifta út og millum innskiftararnar er Adrian Ciesle­ wicz, sum er uppvaksin í Vági og hevur spælt eitt stutt skifti í B36. Tað skal tó vísa seg, at verða ein annar innskiftari, ið fær javnvág á máltalvuna. Leo Smith verður eftir einfalt samanspæl púra leysur í brotsteiginum og skorar. Rói M. Hentze fær hondina á, men tað er ikki nokk. Í longdu leiktíðini gongur tað galið, tá Rói M. Hentze verður órógvaðu, tá hann skal upp eftir ein­um innleggi. Bólturin endar fyri føturnar á Dean Ebbe, sum skorar til 2-1 í 112. minutti. B36 ger ein B36 Teir hava gjørt tað fyrr. Tvær ferð­ir móti HB í kappingini um Løgmanssteypið. Móti St Joseph’s í Europa League í 2018, og seinast móti Levadia Tallinn. Í næstan allar seinasta sparkinum í dystinum endar bólturin fyri føtur­nar á innskifta Stefani Rado­sav­ljevic, sum smekkar bóltin í nettakið til 2-2. -Eg var við gott mót, tá vit komu til longdu leiktíðina, tí eg veit hvat hesir mennirnir eru gjørdir av. Vit eru ikki úti fyrr enn vit eru úti. Vit hava verið vanda­miklir upp á deyðbóltar allan dystin, so eg trúði upp á tað, sigur Jákup á Borg. Í brotssparkskappingini skora Sonni Ragnar Nattestad, Alex Mellemgaard og Benjamin Heine­sen, áðrenn Michal Przy­ byl­ski rakar tvørstongina. Stefan Radosavljevic helt lív í vón­ini við fimta sparkinum og so bjargaði Rói M. Hentze. Fyrst eina ferð, og eftir at Sebastian Pingel skoraði til 5-4 í brotssparkskappingin, so bjargaði hann einum av týdn­ ing­armiklastu brots­spørk­un­um í søguni hjá felagnum. -Eg hugsaði ikki so nógv um, at vit fóru út um eg ikki bjargaði, men tað er ótrúliga lekkurt at bjarga einum avgerandi brots­ sparki og allir koma rennandi móti tær við fullari ferð, sigur Rói M. Hentze. B36 er víðari til 3. undanumfar í Europa og við tí hevur B36 skriv­að føroyska fótbóltssøgu, um­framt at vunnið felagnum 2,1 millión krónur. TRONDUR@SOSIALURIN.FO Enn eina ferð hevur B36 við Jákup á Borg á odda framt eitt bragd í evropesiskum fótbólti. Tað var dramatikkur fyri allar pengarnar, tá B36 vann eftir brotssparkskapping móti The New Saints og skrivaði føroyska fótbóltssøgu sum fyrsta felagið, ið megnar at spæla seg víðari tríggjar ferðir upp á eitt ár Fótbóltur Dysturin hesa vikuna... Europa League: B36 OG JÁKUP Á BORG B36 OG JÁKUP Á BORG ERU KONGAR Í EVROPA ERU KONGAR Í EVROPA