hósdagur 24. september 2020síða 22

FRÍGGJADAGUR 25. SEPTEMBER 2020 SOSIALURIN 67 22 men sum eru farin aðrastaðni - kanska heim til familju, sigur Regin Winther Poulsen og legg­ ur aftrat, at tað kunnu tey, tí neyðugt er við fjararbeiði. – Vit kunnu ikki møtast. Al Jazeera hevur stongt - eingin slepp­ur inn. Hóast Regin Winther Poulsen ikki hevur møtt starvs­feløg­ unum hjá sær, hevur hann kort­ ini havt nógvar redaktións­fund­ ir við teimum umvegis netið, og kenslan er, at hann kennir tey longu væl. Fatan­in er, at tey eru ímøti­kom­andi, blíð og hart­ arbeiðandi fólk. – Men annars er tað undarligt. Tá tú ert á einum arbeiðsplássi, hevur tú kaffipausur og gert small-talk. Og tann parturin er nú nógv minni. Arbeiðið hjá okkum er annars tað sama, og vit gera tað sama, sum vit ann­ ars høvdu gjørt. Korona ávirkaði í New York Koronustøðan í New York hevur stund­um verið heilt álvarsom, og í eitt tíðarskeið var New York miðdepil fyri koronusmittuni í USA. Tað merktist í býnum, at fólk vóru bangin, og býurin var merktur av panikki, sigur Regin Winther Poulsen, sum ikki slapp at taka lut á vanligu ovurstóru próv­handini á Columbia í summar, tí hon varð avlýst. – Eingin visti, hvat tey kundu, og hvat tey ikki kundu. Mat­stovur og alt stongdi, men nú er tað soleiðis, at tú kanst sita uttanfyri og eta. Nú er tað frægari, og nú sleppa matstovur og drekkistøð eisini at selja rús­ drekka til klokkan 11 á kvøldi, sigur Regin Winther Poulsen og ger greitt, at býurin nú kann slettis ikki samanberast við býin, sum hann flutti til í fjør. – Vit halda enn frástøðu, og vit heilsa við albogunum. Tað er undar­ligt og strævið - troyttandi at tað er so leingi. Men tað er heilt nógv frægari nú. Fólk vóru ræðuliga bangin í mei, sigur Regin Winther Poulsen og for­ telur, at hann hevur eina vin­ konu í New York, sum so at siga sat fyri seg sjálva í einum kamari í 60 dagar, tá harðast herjaði á. Lærdi arabiskt í Jordan Áðrenn Regin Winther Poulsen fór undir lesnað á Columbia, var hann í Íslandi, har hann las søgu, og í Jordan, har hann lærdi seg ara­b­iskt. Undir lesnaðinum í Íslandi hevði Regin Winther Poul­ sen valt sær okkurt fak í Mið­eystur­søgu, og hetta sam­pakk­aði væl við áhuga hansara fyri nationalismu og nationalstatinum, tí national­ stat­ir­nir í Miðeystri eru mun­ andi yngri enn teir, ið vit hava um okkara leiðir, og teir eru eisini mentir á annan hátt. Og tað var undir lesnaðinum í Íslandi, at tað kom upp á talu bæði at fara til Miðeystur og til USA at lesa. Magnus Bern­ hards­son, sum var professari hjá Regini Winther Poulsen, skjeyt upp, at hann fór til USA at lesa journalistikk, og hann skjeyt eisini upp, at Regin fyrst fór til Miðeystur at læra seg arabiskt og royna at búgva í økinum, nú hann hevði áhuga fyri tí. – Eg vildi læra málið, og eg vildi longu tá royna meg við journalistikki á einum inter­ nationalum platformi. Og eg visti tá, at eg mátti gera nøkur ting fyri at sleppa inn á Columbia. Eg hevði forvitni, og eg vildi royna tað. Endin varð, at Regin Winther Poulsen flutti til Amman í Jordan, har hann las arabiskt í tvey semester, og har hann annars búði í eitt ár. Søkti bert inn á Columbia Tað er ikki ein og hvør, sum kann erpa sær at hava lisið á Colum­bia School of Journalism. Colum­ bia University telist mill­um tey átta sokallaðu Ivy League universitetini í USA, sum aftur teljast millum tey bestu í heimi­ num. Regin Winther Poulsen hevði tó sett sær fyri at royna at sleppa inn á Columbia, og hann sókti held­ur ikki aðrastaðni. – Eg søkti bara eitt universitet, og tað var Columbia. Teirra journalistútbúgving er góð, og tað er ein kendur journalistskúli. Tað er tann fyrsti Ivy League skúlin, sum hevði journalistikk sum grein yvirhøvur. – Tað er ein ótrúliga traditións­ríkur skúli, og har vit húsast eitur Pulitzer Hall, sig­ur Regin Winther Poulsen og greið­ir frá, at tað er Joseph Pulit­zer, ið hevur fíggjað húsið, sum eisini er karmur um Pulitzer virðislønirnar, sum eru tignaðarligu journlista­virðis­løn­ irnar, ið verða latnar á hvørjum ári. Regin Winther Poulsen sigur, at hann roknaði í grundini ikki við, at hann fór at sleppa inn á skúlan, men tað eydnaðist kort­ ini. – Tað hevur verið eitt hart ár upp á nógvar mátar, men eitt fantastiskt ár. Í byrjanini var eg øgiliga nervøsur og spentur. Lesnað­urin var sum at fáa nevan í gronina. 100 til 200 síður um dag­in, ofta meira. Og eg hevði eitt valfak, har vit fingu eina til tvær bøkur um vikuna at lesa. Aftrat hesum skuldu næm­ ing­ar­nir arbeiða við ritgerðini við síðuna av. Regin Winther Poul­sen gjørdi av at skriva um veðurlagsbroytingar við fokus á makrelfiskiskapi, og í tí sam­ bandi var hann eisini eitt skifti í Norra, har hann gjørdi samrøður og savnaði tilfar til ritgerðina. Av tí at lesnaðurin var so harð­ur, komu tey í flokkinum at ken­na hvønn annan væl heilt skjótt. – Aftaná tríggjar ella fýra vikur føldu vit, at vit høvdu kent hvønn annan í fleiri ár. Tú fekst fantastisk vinfólk og tøtt vinfólk. Tað var eitt øgiligt um­ skifti og ein øgilig uppliving. Men tað var ein broytandi og spenn­andi uppliving, og tú menn­ist nógv undir so stórum pressi, sigur Regin Winther Poul­sen. Fyrireika seg til valstríð Regin Winther Poulsen hevur nú búð á Manhattan í New York í meira enn eitt ár, og í New York merkist, at samfelagið fyrireikar seg til val. Og tað er ikki hissini væl, ið stendur fyri dur­um. Amerikanska politiska lands­ lagið og samfelagið yvirhøvur er uttan iva meira tvíbýtt, enn tað hevur verið í eitt mannaminni, og talan verður um eitt søguligt val, metir Regin Winther Poul­ sen. – Eg haldi ikki, at eg taki munn­in ov fullan, um eg sigi, at hetta er eitt søguligt val. Ikki bara orsakað av virusinum, men eisini orsakað av Black Lives Matter mótmælunum. Eisini tí at USA hevur ikki verið so tvíbýtt, sum tað er nú, í eitt mannaminni ella tvey, sigur Regin Winther Poulsen og vísir á, at her er talan ikki bert um git­ingar, men kanningar vísa, at sam­felagið er óvanliga tvíbýtt. – Fólk identifisera seg við flokk, og tað er geografiskt upp­býtt, soleiðis at summi øki hoyra til ein flokk, meðan onnur hoyra til ein annan. Og tað skapar ein destruktivan tóna í politikkinum, sigur Reg­ in Winther Poulsen um harða retorikkin mill­um demo­krat­ar­ nar og republi­kan­arar. – Tað verður bara meira og meira tvíbýtt, nærri vit koma valinum, og retorikkurin verður harðari og harðari. Manhattan er totalt demokratiskt, so akkurát her er eingin ivi um, at Joe Biden fer at vinna. Men mann merkir á fólki, at hetta er eitt týdningarmikið val, sigur Reg­in Winther Poulsen. Men tað er heilt nógv frægari nú. Fólk vóru ræðuliga bangin í mei Tað verður bara meira og meira tvíbýtt, nærri vit koma valinum, og retorikkurin verður harðari og harðari