hósdagur 24. september 2020síða 21

FRÍGGJADAGUR 25. SEPTEMBER 2020 SOSIALURIN 67 21 fyri avloysarum, tí vanligu journalist­ar­nir skuldu taka sær av valdekninginum. Men so kom korona. – Tað gingu tvær vikur, so fóru útlitini frá, at øll fingu ar­beiði, til vit fingu at vita, at tað nokk fór at ganga nakað av tíð, áðrenn nógv okkara fingu arbeiði, sigur Regin Winther Poul­sen. Starvsstevnan helt fram sum ein netstevna, og næm­ing­ar­ nir høvdu, sum vera man, ikki tær stóru vónirnar. Or­sakað av óvissuni kring koronu­ farsóttina, høvdu so at siga allar redaktiónirnar eitt so­ kallað "hiring freeze" - forboð frá leiðsluni fyri at seta fólk í nýggj føst størv. Regin Winther Poulsen fekk kortini eitt prát við fleiri stórar miðlar, og hjá Al Jazeera bar á mál. – Eg kom til samrøðu, og tað gekk øgiliga væl. Eg hevði ikki havt nakran kjans, hevði eg ikki havt eina tílíka útbúgving, sig­ ur Regin Winther Poulsen og sipar til, at hann sat til samrøðu umvegis Columbia School of Journalism. – Men eg havi eisini lisið arabiskt í Jordan í eitt hálvt ár, og eg búði har í eitt gott ár. Eg havi búð í Íslandi, so eg tosi íslendskt. Og føroyingar geva sær ikki far um, at sum føroyingur tosar tú før­oyskt, danskt og enskt, og tú skil­ir svenskt og norskt. Og eg rokni við, at málførleikarnir var ein av orsøkunum til, at eg fekk starvið - út yvir journalistisku egin­leikarnar og royndirnar. Av tí at eisini Al Jazeera hevði setanar­steðg, gjørdist talan um ein freelance sáttmála á tríggjar mán­aðir, ið sendingin, har Regin Winther Poulsen arbeiðir fyri, kundi gjalda úr egnum budgetti. Tann sáttmálin er nú eisini longdur fram til nýggjárs. Hevur ikki møtt sínum starvsfeløgum Regin Winther Poulsen fór í starv hjá Al Jazeera í summar - mitt í koronutíð. Tað hevur eisini sett sín dám á arbeiðið, tí New York hevur stundum verið so at siga afturlatin vegna smittuna. Har­um­framt er høvuðssætið hjá Al Jazeera í Washington verið afturlatið, og Regin Winther Poulsen hevur tí ikki møtt øllum starvs­feløgunum. – Eg havi møtt onkrum, sum býr her í New York. Men tey flestu eru í Washington, tí har er høvuðssætið. So eru nógv, sum hava búð í Washington, Vit kunnu ikki møtast. Al Jazeera hevur stongt - eingin sleppur inn.