hósdagur 24. september 2020síða 30

FRÍGGJADAGUR 25. SEPTEMBER 2020 SOSIALURIN 67 30 JÓANNES HANSEN/TRÓNDUR ARGE T að hava verið tríggir dystir í 21. umfari í Betri deildini hjá monnum mikudagin. Seint seinna partin vann NSÍ 1-0 í Trongisvági, har Jann Julin Benjaminsen skoraði av­gerandi málið. Á Skála var mál­rok og dramatikkur til langt inni í yvirtíðini, tá Jóhan Bergs­son Johansen javnaði til 4-4 og tryggjaði Sorini Anghel sítt annað stig sum venjari hjá Skála.Dysturin millum Víking og AB bleiv útsettur vegna sóttarhald, meðan KÍ og B36 eru í Evropa. Í Streymnesi vann HB 5-1 á EB/Streymi. Tann dysturin verður viðgjørdur aðrastaðni í blaðnum. NSÍ vann í Trongisvági NSÍ er komið norður við 1-0 sigri. Málið varð skorað fimm minuttir eftir steðgin, og málskjútti var Jann Benjaminsen, sum varð spæld­ur leysur í brotsteiginum og setti bóltin framvið nýggja TB mál­verjanum Mads Altschuler. Leygardagin endaði tað mál­ leyst, tá ið KÍ var í Trongis­vági. Tá vístu heima­menn­inir meiri ágangandi avrik, enn teir gjørdu mikudagin. NSÍ hevði alla tíðina yvirvág, og gestirnir spældu seg til fleiri góðar málmøguleikar. Tað var ikki fyrr enn síðstu løtuna, tá ið bæði Ken Fagerberg og Poul Inga­son vóru skiftir inn í TB álopið, at tað var eitt sindur av tyngd og broddi í, og tá ið tíðin var um at vera farin, var um reppið, at Poul Ingason javnaði, men Tórður Thomsen í NSÍ máli­num bjargaði. At TB spenti álopsbogan bar við sær, at tað eisini var opið í hinum endanum, har TB verjan bjargaði á strikuni. Úrslitið ber við sær, at NSÍ hevur 44 stig og er fýra stig aftanfyri KÍ, sum er á øðrum plássi. TB er á áttanda plássi við 14 stigum. Næsti dystur hjá TB verður sambært skránni sunnu­ dagin, tá ið Víkingur verður gestur við Stórá í Trongisvági. Næsti dystur hjá NSÍ verður sunnu­dagin, tá ið grannarnir á Skála koma at vitja í Runavík. Høvuðsvenjarin hjá TB, Michael L. Winther er glaður fyri hvussu væl hansara spælarar stríddust og vardu, men við­ gongur, at NSÍ hevði bestu mál­møgu­leikarnar. Michael L. Winther er vónríkur um, at sami hugburður aftur verður at síggja móti Víkingi við Stóra sunnu­dagin, og tað tá fer at føra við sær betri úrtøku. Høvuðsvenjarin hjá NSÍ, Glenn Ståhl greiðir frá, at NSÍ lat einki til tilfeldigheitirnar. Hópurin hjá NSÍ fór suður ígjár, og Glenn er sera fegin um leikliga av­rikið, har NSÍ fekk skapt teir flestu málmøguleikarnar, og megnaði eisini at taka trý stig við sær norður um Suðuroyarfjørð. Undirhald og spenningur á Skála Tað vóru skálamenn, sum fegn­ aðust um, at teir í nógva regni­ num vunnu eitt stig, og tað vóru fuglfirðingar, sum iðraðu seg um, at teir høvdu tapt tvey stig. Úrslitið var 4-4 og boðar frá, at talan var um undirhald og spenning til síðsta bríksl. Hálv­leiksstøðan var 2-2, og inn­ skifti Jóhan Bergsson Johan­ s­en javnaði til 4-4 í síðstu sekundunum. Hann varð skiftur inn, tá ið tað restaði eitt korter. 27 ára gamli Jóhan Bergsson Johan­sen er ikki so ofta millum mál­skjúttarnar í bestu deildini. Hann hevur skorað eitt mál í bestu deildini áður. Tað var í 2014 ella fyri seks árum síðani. Gestirnir løgdu ógvuliga bragd­liga fyri, og miðskeiðis í fyrra hálvleiki var ÍF framman­fyri 2-0. Filip Djordjevic skoraði til 1-0 í 20. minutti, og tríggjar minuttir seinni økti hann um munin til 2-0. Skála hevði í fyrra hálvleiki væl fleiri royndir ímóti málinum enn ÍF hevði, og tað eydnaðist eftir lítlari løtu at skora tvey mál. Tað fyrra skoraði miðverjin Kristian Martin Jakobsen, eftir at Niels Pauli Danielsen við horna legði innfyri. Tað seinna skoraði Andreas Egeberg Jacobsen eftir innlegg frá vong­verjanum í vinstru Hjalta Strøm­ sten. Ronni Møller Iversen legði Skála framum 3-2, tá ið hann eftir langa sending frá Poul Kalls­ berg og fram í vinstru sneiddi seg leysan og setti bóltin framvið ÍF málverjanum. Tá var ein lítil tími farin. So spenti ÍF álopsbogan, og eftir lítlari løtu svaraði ÍF aftur og skoraði tvey mál. Tað fyrra skoraði Filip Djordjevic, sum harvið gjørdi hattrikk. Eftir innlegg úr høgru sneiddi Gund­ ur E. Petersen seg leysan og sendi bóltin í handara stólpa, og so var Filip Djordjevic fyrstur á retur­bóltinum. Uros Stojanov legði seg ovast á máltindin, tá ið hann við høvdinum og úr stuttari fjar­ støðu smekkaði bóltin í nettakið úr stuttari fjarstøðu. Uppleggið úr høgru átti Hans Jákup Lervig. Tá restaðu 23 minuttir, og síðstu løtuna var tað sera undirhaldandi, tá ið bólturin ferð­aðist úr brotsteigi og í brots­ teig. Og so var tað, at Niels Pauli Daniel­sen royndi seg við skoti, bólt­urin varð blokeraður og stakk til innskifta Jóhan Bergs­ son Johansen, sum skoraði. Tað endaði 4-4. Skála hevur ongan­ tíð fyrr í ár skorað fýra mál, og javnleikurin ber við sær, at mótið um, at tað skal eydnast at sleppa undan niðurflytingini, ikki er burtur. Eftir dystin var Hans Jørgen Djurhuus, annar av venjarnum hjá ÍF, í øðini um seinasta málið hjá Skála. -Eg plagi ikki at snakka um dómaran, men hatta var eitt elend­igt avrik frá honum. Hatta er ikki gott nokk. Hann tekur bóltin við hondini og skorar í yvirtíðini, har vit missa tvey stig. Hann førir bóltin framvið einum spælara hjá okkum, men tað er heldur ikki gott nokk, sum vit gera í verjustøðu, sigur Hans Jørgen Djurhuus. Grannauppgerðin er flutt Dysturin millum B36 og HB, sum skuldi verða sunnudagin er fluttur til mánakvøldið. Hetta so B36 fær fýra hvílidagar frá dystinum í Bulgaria móti CSKA Sofia. Annars verður 22. umfar sum ætlað sunnudagin. KÍ fær á heimavølli vitjan av argja­ monnum, sum hava tað óvanliga torført í løtuni. KÍ spælir hóskvøldið í hesi vikuni móti Dinamo Tbilisi úr Georgia, og Samanum 21. umfar: NSÍ STÓÐ ROYNDINA NSÍ STÓÐ ROYNDINA – SKÁLA STÓÐ FYRI – SKÁLA STÓÐ FYRI SPENNINGI SPENNINGI Betrideildin menn 21. umfar: NSÍ stóð royndina uttan Klæmint A. Olsen, tá runavíkingar vunnu 1-0 í Trongisvági. Á Skála var spenningur til seinasta bríksl, tá skálamenn javnaðu til 4-4 í yvirtíðini