hósdagur 24. september 2020síða 44

12 TEKSTUR ÁRNI GREGERSEN MYND: ÁLVUR HARALDSEN Stórar avbjóðingar at finna fólk við førleikum Valið var ímillum at brúka útlendska arbeiðsmegi ella at útbúgva fleiri føroyingar S tóra ferðin á føroyska búskapinum hevur gjørt, at stórir partar av vinnuni hevur mangla fólk við neyðugum førleikum. Serliga var eitt skifti torført at finna út­ bún­ar elektrikarar, tí teir fóru í hópatali til Noregs at arbeiða. Krónuvirðið á norsku krónuni var gott, lønin var góð, og arbeiðsviðurskiftini vóru serliga góð. Frítíðin var samanhangandi, tí teir arbeiddu langar dag­ar, meðan teir vóru í Noreg. - Tað var eitt skifti, har tað var rættuliga torført hjá okk­um at finna fólk, sigur Pauli Hofgaard, stjóri í LM Electric. Hann sigur, at tey í fyritøkuni kendu, at tey høvdu tveir kostir í at velja: annaðhvørt at royna at fáa hendur á út­lendskum elektrikarum – ella taka fleiri lærlingar inn og útbúgva teir í fakinum, sigur hann. Nógvar lærlingar Eftir at hava tugt eitt sindur uppá hetta, varð avgjørt at velja seinnu loysnina – altso at seta fleiri lærlingar og læra teir upp í føroysku skipanini. Fyritøkan hevur seinnu árini havt millum 25 og 30 lærlingar í senn. Í løtuni er meðalaldurin á teimum, sum standa í læru, 22 ár. -Tað spennir sjálvandi eitt sindur vítt, tí summi koma í læru sum 16-ára gomul, meðan onnur hava verið á ar­ beiðs­marknaðinum og gjørt annað í nøkur ár. Vit eru ómeta­liga glað fyri lærlingarnar, tí hesi halda eisini fyri­ tøk­una unga og ger at vit tilkomnu alla tíðina noyðast at halda okkum up-to-date, sigur Pauli Hofgaard. Í fyritøkuni verður stórur dentur lagdur á, at lær­ling­ar­ nir fáa eina upplærling, sum elektrikarar, fingu fyrr, har ein stórur partur av fakinum var at gera innleggingar í hús og fyritøkur, men nú telur so nógv annað við eisini. - Stýringar av ymiskum tólum telur ómetaliga nógv í dag og flestu nýinnleggingar hava stýringar í dag, sigur Pauli Hofgaard. Verður hugt eftir hvat hendir kring okkum, so hava so at siga allar nýinnlegginar í dag fleir stýriskipanir. - Alt í nýmótans heimum kann í dag stýrast við teldum og snildfonum og tað síggja vit alt meira av í Føroyum eisini, leggur hann afturat. ALIVINNAN OG UPPSJÓVAR­ VINNAN PARTUR AV VIRKSEM­ INUM HJÁ LM Fleiri virkisøkir komin í fyritøkuna við yvirtøku av tveimum smærri feløgum við serførleikum T á ið stórar verkætlanir eru í gongd í Føroyum, er LM so at siga altíð ein partur av hesum. Upprunaliga fevndi fyritøkan fyrst og fremst um el og elinn­legg­ ing­ar, men gjøgnum tey seinnu ár­ini er arbeiðsøkið víðakað. Fyritøkan keypti virkið hjá Meinhard Haldansen og kom tann vegin inn í elektronikvirksemi, sum nú er ein stórur partur av virkseminum. Eyðun Jespersen keypti fyritøkuna hjá Meinhard Haldansen. Seinni keypti Leif Mohr pf. fyritøkuna hjá Eyðuni Jespersen og kom tann vegin inn í virk­ semi, sum hevur við alivinnuna at gera. Í dag er ein stórur partur av virksminum tænasta til alivinnuna og til uppsjóvarvinnuna. Tá ið tað snýr seg um aling er tað serliga smolt­ al­ingin, hugsað verður um. Í smoltalingini er tað neyð­ugt at brúka ilt ella oxygen, og tey anleggini kann LM seta upp og veita tænastur til. Í uppsjóvarvinnuni er fyritøkan veitari við lut­ um og vørum innan el, elmekanikk og trýstluft. -Tað sigur seg sjálvt, at so hvørt hesar vinnunar hava ment seg, so hava vit ment okkum við, tí tað eru vit noydd at gera, skulu vit fylgja við, sigur Leivur Holm sum millum annað vísir á, at tey - alt­so Leif Mohr – millum annað hava verið veitarar til iltskipanina á smoltstøðini á Fútakletti. Fyriteiking og tilrættalegging Tasnn minni kendi parturin av fyritøkuni er tað arbeiðið, sum LM bjóðar sær at gera, áðrenn nógv arbeiðir fara í gongd. -Tað vil siga, at vit ofta gera verkætlanir, har vit tekna og projektera tað, sum hevur við el og stýr­ ingar at gera. Tað hoyra vit kanska ikki so nógv um, men vit hava fólk og førleikar til júst slíkt arbeiðið, sigur Pauli Hofgaard. Verður hugt eftir so sæst, at LM hevur verið ein stór­ur partur av teimum størru verkætlanum, sum eru gjørdar í Føroyum seinnu árini. Reportasja