hósdagur 24. september 2020síða 43

11 Samrøða ARBEIÐIR KRING ALT LANDIÐ S jálvdan eru stór arbeiðir í gongd í Føroyum, uttan at LM er millum arbeiðstakararnar. Tey hava ikki altíð alt elarbeiðið, men tað er ómetaliga sjáldan, at tær størstu verk­ætl­ an­irnar verða fraamdar uttan, at fyri­tøkan við Hoyvíksvegin í Havn, er ein partur av arbeiðn­um. Leif Mohr er í tveimum pørtum, men feløgini eru undir somu lon og arbeiða tætt saman. P/f Leif Mohr hevur handlarnar í Havn og í Kambsdali, eigur allar bygningarnar og stendur fyri allari fyrisiting hjá báð­um feløgunum. LM Electric stendur fyri handverkarapartinum, men ger eisini verkætlanir og leggur til rættis, tá ið talan er um størri verkætlanir. - Vit kennast frá lestrartíðini í Keypmannahavn, sigur Leivur Holm, stjóri í Leif Mohr. - Pauli Hofgaard hevði ætlanir um at flyta heim til Før­ oyar um aldarskifið, men vildi fegin byrja fyri seg sjálvan uppá onkran máta. Tað var grundin til, at vit settu LM Electric á stovn, sum Pauli Hofgaard eigur 50 prosent av og Leif Mohr hini 50 prosentini, sigur Leivur Holm. Breið fyritøka Tey flestu kenna helst best fyritøkuna gjøgnum handlarnar, men ein ómetaliga stórur partur av virk­ seminum gongur fyri seg gjøgnum LM Electric. - Ja vit eru sum oftast partur av stórum verkætlanum, men vit leggja eisini streym inn í nýggj hús, sigur Pauli Hof­gaard. Hann sigur, at fyritøkan broytist, tí ein so stórur partur av nýggjum verkætlanum eru nýmótans og har tøkni spælir ein alt størri leiklut. - Tað ger, at okkara fólk eru noydd at fylgja við og menna seg á fleiri økjum, men tað haldi eg eisini vit hava megnað at gera, leggur hann afturat. Avbjóðinganar í vinnuni eru vorðnar meira breiðar. Vitan telur ómetaliga nógv, tí tøknin mennist so skjótt. - Í dag er ein elektrikari ikki bara ein elektrikari. Hann er sjálvandi upplærdur í at duga gamla handverkið, men í dag skal hann vita so ómetaliga nógv afturat fyri at kunna ganga í fremstu røð, sigur Pauli Hofgaard. Hendan gongdin hevur við sær, at neyðugt er at dagføra vitanina hjá starvsfólkum ofta við eftirútbúgving av ymisk­um slag. - Í Danmark er tað soleiðis, at innanfyri okkara fak eru fýra útbúgvingar, meðan vit Sher í Føroyum hava eina útbúgving. - Hinvegin er hon sett soleiðis saman, at okkara fólk fáa eina breiðari útbúgving. So tey duga eitt sindur av hvørj­um. So ger áhugin og evnini, at tey velja at menna seg í ser­ligum pørtum í fakinum, Hetta ger, at vit hava ein starvs­fólkahóp við nógvum fólki við servitan, hvør á sínum øki, sigur Pauli Hofgaard. Leivur Holm, stjóri í Leif Mohr