hósdagur 24. september 2020síða 49

17 skjótt yvir, leggur Beinta Rasmussen síðani aftrat. – Tað er pláss fyri, at vit fýsa at hvørji aðrari viðhvørt. Tað er í lagi, at vit ikki altíð eru samdar, tí vit hava onga fas­adu yvirfyri hvørju aðrari. Vit duga eisini at taka hvørja aðra, eru tær báðar á einum máli um. Korona ein smeitur Ferðavinnan er hart rakt av koronu, og hóast ferðafólk eru komin aftur til landið, er talið á gistingum á Havgrím undir helvtina av tí, sum tað var í fjør. – Í ferðavinnuni hevur jú verið tosað um, at 2020 fór at verða árið, har umsetningurin fór at fara upp um milliard­ ina, siga tær báðar. – Tað hevur ávirkað meg, at eg havi sitið við avlýsingum omaná avlýsingum í fleiri mánaðir. Tað ger eitt ella annað við psykuna, sigur Beinta Rasmussen. Avlýsingarnar byrjaðu spakuliga í februar, tá avlýsigar komu úr londum í Asia. Síðani vant tað upp á seg. – Til endans var tómt, sigur hon. Tær fylgja tí væl við hvønn hósdag, tá danska uttan­ríkis­ ráðið boðar frá, hvørji lond nú verða reyð øki, hvørji lata upp og hvussu tað møguliga ávirkar Havgrím. Árið hevur ávirkað fíggjarliga, og hóast Havgrím neyvan hevur yvirskot, tá árið er av, eru tær tó bjartskygdar um fram­tíðina. Kaffihúsið koyrir sum vant, hóast ferðafólkini eisini mangla har, men Havgrím hevur veruliga fingið ein smeit hesar mánaðirnar, síðani koronufarsóttin fór at gera um seg. – Vit hava gjørt okkum nakrar tankar, og ætlanin er at seta saman ymisk tilboð til føroyingar í vetur. Eisini er ein hita­pottur ávegis, sigur Lis Ekholm. – Men tað er eingin loyna, at hotellið livur av ferðafólki, sig­ur Beinta Rasmussen. – Eg hugsi longu um næsta ár, og okkurt dato næsta ár er longu útselt. Eg rokni ikki við, at næsta ár verður líka ringt, sum árið í ár hevur verið, men tað verður ikki líka gott sum í fjør. Tað ganga nøkur ár, áðrenn vit koma á sama støði. Vit vóna eisini, at beinleiðis ferðaleið aft­ur verður til Amerika úr eitt nú Íslandi, sigur Beinta Ras­mus­sen. Nógvir gestir úr Amerika Korona hevur eisini ávirkað, hvørjir gestir nú vitja á Hav­ grím, tí fyri koronu vóru tað nógv flest amerikanarar, ið gistu á hotellinum. Nú um dagarnar eru alsamt fleiri dan­ir, sum vitja. – Vit hava havt heilt ómetaliga nógvar amerikanarnar, siga tær. Hetta er ikki nakað, sum tær báðar beinleiðis hava lagt seg eftir, men Havgrím appllerar til amerkanarar, greiða tær frá. – Teimum dáma, at tað er lítið, forkunnugt og at út­sýnið er vakurt. Hetta eru múgvandi fólk, og tey leggja minni í, at gistingarhúsið er í dýrara endanum, siga tær. – Vit fáa eisini nógv vitjandi úr Sveis og úr Fjareystri, siga tær frá. Áðrenn korona kom og órógvaði virkesmi, sóu tær báð­ar týðiliga, at sesongin við ferðafólk í Føroyum er longd. Fyri nøkrum árum síðani komu ferðafólkini í mai og fóru av­stað aftur í september. – Nú er hon nógv longd og endar ikki fyrr enn hálvan nov­ember, sigur Beinta Rasmussen vónrík, og hon greiðir frá, at tær vænta at í 2024 er virksemið normalt aftur. – Men eg kundi ikki hugsað mær nakað annað arbeiði. Eg elski tað sum eg geri. Og so fer tíðin at vísa, um vit fara at koma víðari við dreymunum og ætlanunum, sum vit hava fyri Havgrím, sigur Lis Eklund. – Ja, nú eru vit øll í hesi vinnuni í sama báti. Vit fáa einki annað gjørt júst nú enn at bíða, leggur Beinta Ras­ mus­sen aftrat. BEINTA UM LIS – Beinta dugir ómetaliga væl at skipa fyri og er sera effektiv, røsk, klók og arbeiðssom. Tá vit til dømis hava stórar fundir ella veitslur, stýrir hon øllum, hevur gott yvirlit og sær skjótt, um okkurt er áfatt. Beinta dugir eisini nógv betur at fáast við sosialu miðlarnar, og tá hugflogið er gott kemur nógv spennandi burturúr. Hon er øgiliga skjót at spotta nýggjar trendir bæði innan mat og upplivingar. Og so er hon stuttlig og festlig, sigur Lis um dóttur sína Beintu. LIS UM BEINTU – Mamma dugur sera væl við starvsfólkunum, tí hon er meir empatisk enn eg. Skal okkurt sigast við starvsfólki, verður tað betri móttikið, tá tað kemur frá henni. Hon dugir væl við myndugleikasamskifti, tí fíggjarliga, rokningum og hagtølum. Henni dámar eisini væl, at alt er í lagi, hon sær smálutir, sum eg ikki leggi merki til, so sum eitt borð, ið stendur skeivt ella ein turran urtapott. Eg eri meir yvirskipað, meðan hon sær detaljurnar, sigur Beinta um mammu sína Lis. NAVN: Lis Eklund ALDUR: 59 ÚTBÚGVING: Marknaðarøkonom MAKI: Johan í Niðristovu BØRN: Beinta 36 ár, Petur 31 ár, Bára 23 ár og Eiri 16 ár NAVN: Beinta Rasmussen ALDUR: 36 ÚTBÚGVING: Tænari MAKI: Chris Ørvarodd BØRN: Óluva 17 ár og Silja 7 ár FAKTA Samrøða