týsdagur 29. september 2020síða 51

KOMMUNUVAL 2020 MIKUDAGUR 30. SEPTEMBER 2020 · NR. 68 Sosialurin 51 Vilmund Jacobsen Seinasti bygningurin, sum pláss er fyri á ídnaðarøkinum í Sørvágs kommunu, er nýggi bilverkstaðurin hjá Nielsi Natte­stad, sum eigur og rekur Carro Bilverkstaðin. Bygningurin, sum er á til­ samans 645 fermetrar, varð reist­ur í gjár, og hann stendur á ein­um grundøki, sum er umleið 4000 fermetrar stórt. Beinagrindin til nýggja verk­staðsbygningin er ein stál­konstruktión, klødd við elementum, sum er keypt frá veitara í Danmark og er leverað av Sandavágs Timburhandli. Tað er Heri Müller úr Kvívík, sum stendur fyri arbeiðnum. Tekni­stovan Westtech í Sør­ vági hevur teknað og projekt­ er­að, umframt at Niels Natte­ stad sjálvur hevur sett síni fingramerki á, hvussu verk­ staðurin er innrættaður. Brendi í 2017 Carro Bilverkstaður húsaðist annars í Sandavági, tá eldur kom í bygningin í 2017. Síðan hev­ur verkstaðurin hildið til í hølum hjá pápa Niels, Leivi Nattestad í Miðvági, ið arbeiddi sum vvs-maður í mong ár. Niels Nattestad vísir á, at tað hevur verið trongligt, síð­an verkstaðurin brendi, men við­ skift­a­fólkini hjá teimum hava verið sera trúgv hesa tíðina. - Eg havi hugsað um ymiskar møgu­leikar, síðan verkstaðurin brendi, og nógv hevur verið uppi og vent. Hetta bleiv so tað, og í gjár - týsdagin - varð nýggi verkstaðurin reistur á ídnað­ ar­økinum í Sørvági. Men, tað hevur verið langur vegur fram til henda dag, ásannar Niels Nattestad. Nútímans verkstaður Nýggi verkstaðurin verður í allar mátar ein nútímans bil­ verk­staður. - Hetta verður ein mekan­ isk­ur verkstaður, har vit um­ framt at taka okkum av øllum mekaniskum uppgávum, eisini fáa bestu umstøður til plátu­ arbeiði og lakkering. Verkstaðurin verður út­ gjørdur til at taka sær av øllum bilumvælingum, stórum sum smáum uppgávum. - Vit hava eisini verið á skeiðum, sum ger okkara fólk før fyri at veita tænastur til el- bilar, soleiðis at vit nú kunnu veita tænastur til allar bilar, sigur Niels Nattestad. Bestu umstøður Men, tað verður ikki bara á gólv­hæddini, at umstøðurnar verða framúr. Tað verða tær eisini í tí partinum av bygn­ inginum, sum verður í tveim­ um hæddum, og hetta er í enda­num, sum vendir oman­ eftir. - Í ovaru hæddini verður góð kantina, og her verða hølir til umsiting umframt wc-og brúsu fasilitetir. Carro Bilverkstaður ger eisini umsýn fyri Akstovuna, sum hevur sýnshøli á ídnaðar­økinum í Sørvági, og verkstaðurin kann eisini góð­ kenna bilar, sum hava verið til sýn. Haraftrat gera vit skaðar aftur fyri tryggingarfeløgini. - Vit leggja stóran dent á at hava eina góða kundatænastu, og nú vit fáa nýggjan, rúmligan og nútímans verkstað fyrst í komandi ári, verða um­støður­ nar at røkja okkara trúgva kunda­skara nógv betri enn nakran­tíð áður, sigur Niels Natte­stad. Lærdi hjá systkinabarni Niels Nattestad lærdi til bil­ mekanikara á bil­verk­stað­num hjá systkinabarni sínum, Nein­ birna Nattestad, sum framvegis hevur verkstað í Miðvági. Her byrjaði hann at læra í 1986 og fór at arbeiða sum sjálv­ støðugur bilmekanikari longu í 1992. - Vit vóru tveir í byrjanini, men seinni keypti eg makk­ aran út, sigur maðurin, sum nú ger eina stóra íløgu á ídnað­ar­ økinum í Sørvági. Hann vónar, at verkstaðurin fer at fáa so mikið nógv at gera, tá alt er komið upp at koyra, at brúk verður fyri eini 6-7 fólkum í føst­um starvi. CARRO BYGGIR NÝTT Í SØRVÁGI - Eg havi hugsað um ymiskar møguleikar, síðan verkstaðurin brendi, og nógv hevur verið uppi og vent. Hetta bleiv so tað, og í gjár varð nýggi verkstaðurin reistur. Men, tað hevur verið langur vegur fram til henda dag, ásannar Niels Nattestad Nýggi bilverkstaðurin hjá Carro á ídnaðarøkinum í Sørvági verður ætlandi liðugur fyrst í komandi ári Mynd: Álvur Haraldsen Soleiðis kemur verkstaðsbygningurin at síggja út, tá hann stendur liðugur Vilmund Jacobsen Nú nýggjur og stórur bil­ verkstaður verður bygdur á ídnað­arøkinum í Sørvági, er alt lendið bygt, sum Sørvágs kom­ muna ræður yvir. Tað eru nøkur ár síðan, at ídnaðarøkið varð gjørt klárt til bygg­ing. Frammanundan eru fýra bygn­ingar komnir upp á øki­ num, og nú er bara pláss fyri bil­verkstaðnum aftrat. Sørvágs kommuna hevur onkr­ar fyrispurningar um byggi­øki til vinnulív og ídnað, men nú vil kommunan fyrst hava greiði á, um grundarlag er fyri at veksa um økið, áðrenn møgu­liga verður lagt upp til keyp av meira lendi. Borgarstjórin í Sørvágs kom­munu, Aimé Jacobsen, heldur, at tað ber til at veksa um ídnaðarøkið, men so má jørð keypast frá haganum, sum ídnaðar­økið liggur uppat. - Ídnaðarøkið kann veksast, men so má jørð keypast frá haganum, sigur borgarstjórin Nú er alt bygt á ídnaðarøkinum