hósdagur 1. oktober 2020síða 22

FRÍGGJADAGUR 2. OKTOBER 2020 SOSIALURIN 68 22 TRÓNDUR ARGE – TÓRSVØLLUR T að er ísakalt millum venjara­toymini hjá B36 og HB. Jákup á Borg og Jens Berthel Askou hava verið í hornatøkum í loft­miðlunum fyrr í ár, og vant­ andi virðingin fyri hvørjum øðrum stendur við. Teir vóru eisini avbera ósamdir eftir dystin mánakvøldið, tá HB vann 2-1 á B36. Berthel ákærir B36 fyri skitið spæl Jens Berthel Askou fegnast um, at tað fyri fyrstu ferð nakran­tíð er eydnast HB at vinna allar tríggjar lands­kapp­ingar­dyst­ir­ nar móti grannunum úr B36 í sama ári. -Tað er eitt stórt úrslit. Hetta er fyrstu ferð, at HB vinnur allar tríggjar grannauppgerðirnar móti B36. Tað eisini flott, at vit halda høvdið kalt í dag og fáa løn fyri at halda fokus á spælinum. Tað eri eg eisini glaður fyri at dóm­ara­rnir sóu til seinast, sigur venjarin hjá HB, sum rósar Kára á Høvdanum fyri sítt avrik í hendingaríku og dramatisku granna­uppgerðini. - Kári á Høvdanum hevur ment seg nógv í ár. Hann var eitt sindur ótryggur at byrja við, men hann er blivin betri at skilja í millum hvat er hvat. Serliga tá dyst­urin nærkast endanum og teir búrka øll triks, sum ikki hava nakað við fótbólt at gera, fyri at koppa dystinum teirra veg. Tað hevur eydnast teimum fyrr. Tá heldur dómarin høvdið kalt og tað gera mínir spælarar eisini. Tað skulu teir hava rós, sigur venjarin hjá HB, og verður spurd­ur um júst hvat hann meinar við. -Tað er alt møguligt. Teir vilja fríspark, har tað ikki er í nær­nám­ ind at verða fríspark. Tú sær eisini teirra stóra áleypara, sum teir skifta inn. Hann ger ikki annað enn at renna inn í okkara spælarar og so tveita seg. Bæði tá tað er deyðbóltar og í vanligum spæli. Til seinast royndir Sebastian Pingel tað sama, tá hann rennur inn í Øss­ur Dalbúð og tveitur seg. Tað er teirra spælarar, sum søkja kontakt­ina og ikki umvent, sigur venjarin hjá HB. Her meinar hann við mest um­stríddu støðuna í dystinum, tá Sebastian Pingel fer umkoll í brotsteiginum í yvirtíðini, eftir at hann og Øssur Dalbúð renna saman.Á sjónbandaupptøkuni hjá Televarpinum er ilt at meta um støðuna, men har eru teki­ num, um at Øssur Dalbúð skump­ ar til áleyparan hjá B36. Hes­um er venjarin hjá HB ikki samdur í. Nei, tað er greitt at Sebastian Pin­gel hevur tikið avgerð um at tveita seg áðrenn, sum hann eisini plagar at gera, tá hann fer í tvídystirnar. Hann hevur tikið avgerð um at fara í nærdystin, fyri síðani at tveita seg. Tú mást gjarna brúka kroppin í fótbólti, men tú ikki hevur til endamáls at spæla bóltin, so skalt tú ikki lønast fyri tað, sigur Jens Bert­ hel Askou og leggur afturat: Tað eru eisini fleiri eftirtaklingar og skitin ting, sum Eli F. Nielsen ger í leypi av dysti­num. Tað hevur hann gjørt allar tríggjar dystirnar vit hava spælt móti teimum. Tað verður ikki lagt til merkis, tí tað ikki eru tígg­ju upptøkutól til dystin. Tað skuldu vit standa ímóti og tað vistu vit, sigur venjarin hjá HB. Hann viðgongur tó, at hetta var tann torførasta av teimum trim­um grannauppgerðunum. Móti endanum av dystinum skifti hann eisini Hørð Askham inn og fór at spæla við trimum í verjuni, tí trýstið frá B36 bleiv so stórt. -Vit eru ikki nóg neyvir í spæli­num hjá okkum og teir trýsta okkum. Tí velja vit at skifta spælaskipan, men teir skulu hava kredit fyri at trýsta okk­um upp á teirra máta. Tað duga teir væl og tað hevur riggað væl hjá teimum í Evropa eisini, sigur Jens Berthel Askou, sum ikki vil tosa um stigatalvuna. -Eg havi ikki hugt eftir henni, men tað er givið at tað sær betri tá vit vinna fótóltsdystir. Nú fara vit at fyrireika okkum til ein dyst móti Skála, sum tíbetur verð­ur í Havn, tí á Skála er ikki lætt at spæla, sigur Jens Berthel Askou at enda. Jákup á Borg: Vit eiga tvey brotsspørk Venjarin hjá B36 er als ikki samdur í útleggingini hjá Jens Berthel Askou um brotsspørkini. Eitt er umtalaða støðan móti dystar­enda, men tað er eisini ein støða í fyrra hálvleiki, har Heðin Hansen hevur hendurnar á Sebastian Pingel, sum fer um­ koll í brotsteiginum. -Eg spurdi Sebastian Pingel um tað fyrra, og vit síggja øll, at hann sleppur framvið og hin hevur tvær hendur í rygginum á honum. Hann fellur kanska nakað lætt, men tá hann so ikki dømir tað næsta. Tá er slett yvirhøvur ongin ivi. Øss­ ur hyggur ikki eina ferð eftir bóltinum. Hann hyggur bara eftir Pingel. Og tú sær at krossar beinini hjá Pingel og teir detta, og tú sær aftaná at tað er ein hond inn á kroppin hjá Pingel, tá hann dettur. Tað havi eg sæð eftir dystin og tað er djúpt frustrerandi. Dómarin og linjuverjin hava allar møgu­ leikar at síggja støðuna, tí tað er ein langur bóltur, sum verður sparkaður fram. Hatta er bara ikki gott nokk, sigur Jákup á Borg, ið eisini vísur sína ónøgd við dómaran, Kára á Høvdanum. -Tað vísur seg, at tá hann dømir okkum, so eru tað for nógv­ar avgerandi støður, sum vit koma at svíða fyri. Í dag er ongin ivi um, at tað eru tvey klokkuklár brotsspørk. Eitt er brotsspørkini, men eitt annað er støðurnar við longu innkøstunum hjá okkum, har vit vanliga eru vandamikilir, men bara tað allarminsta var, so bríkslar hann. Eg haldi tað eru eini fýra, fimm ella seks frí­spørk hann dømir ímóti okk­um. Serliga móti endanum, tá Ragnar Samuelsen verður skump­aður aftur og fram. Hann burdi fingið brotsspark, men tá velur dómarin at steðga spæli­ num og dempa menn. So skjótt sum tað er kastað inn, so er tað Ragnar, ið hevur gjørt fríspark móti onkrum HB ara. Eg haldi enn eina ferð, at hann ikki kem­ ur væl frá tí, sigur Jákup á Borg, sum viðurkennur at FM er farið á hesum sinni. -Møguleikin var lítið áðrenn, og hann er minni nú, men tá tú spælir við B36, so er tað nokk hjá okkum og tað fara vit eftir. Tað var umráðandi hjá okkum at fáa trý stig í dag, men tá vit nú hava serliga tvey sterk lið framman­ fyri okkum í HB og KÍ, so fara tey ikki at seta so nógv stig til at vit kunnu innheinta tey. So hetta er dekan og tíðliga at vera úr FM-stríðnum, men vit hava eitt pláss í Evropa at spæla um, sigur venjari og leggur afturat: -Eg eri stoltur av mínum monn­um í dag og vit gera nokk til í minsta lagi ein javnleik, men tað eru aðrir dystir, har vit eisini hava tveitt stig vekk. Millum annað hinar báðar granna­upp­ gerð­ir­nar, tá hava vit ikki verið nóg nógv til staðar. Vit missa eisini stig á heimavølli móti NSÍ, har vit spæla sum einglar og missa trý stig aftur her. Tað, sum er til felags, er at tað er sami maður, ið hevur floytuna, sigur Jákup á Borg, sum eisini er ónøgd­ur við at Kári á Høvdanum kvitt­ar við at geva honum gult kort eftir dystin. -Tað er eisini frustrerandi, at dóm­arin aftaná dystin goymir seg aftanfyri eitt gult kort, tá eg fari yvir og sigi nøkur borgarlig orð. Ja, tað var kanska uppiborið, men hann má skilja støðuna vit eru í. Hetta er katastrofa fyri okk­um og vit eru úti av FM. At hann ikki dugur at seta okkum í støðu­na hjá okkum, men heldur spæl­ir arrogantur og setur seg sjálvan í fokus, tað er bara mangul upp á menniskjaligheit, sigur ein vónbrotin Jákup á Borg. Løgdu trýst á HB Jákup á Borg iðrar seg um, at B36 ikki fekk stig burturúr grannauppgerðini. Teir eru við allan dystin og tað er um repp­ið, at teir fáa løn fyri stríðið. Írokn­ að ferðina úr Bulgaria so seint sum fríggjadagin, og at spælarar sum Andrias H. Eriksen og Magn­us H. Jacobsen ikki eru við vegna skaða, so kemur B36 væl betri frá uppgávuni hesa ferð, tá tær undanfarnu granna­upp­ gerð­ir­nar, ið HB vann 4-2 og 2-0. -Eg irði meg eitt sindur, tí vit leggja eitt gott trýst á HB, men vit mangla at koma til teir stóru málmøguleikarnar. Stefan Radosavljevic hevur ein stóran møguleikan, men skjýtur upp­ um. Stórt rós til mínar menn, tí teir royna veruliga. Serliga í seinna hálvleiki. Vit leggja eitt so gott trýst á teir, at sjálvt hendan vælsmurda HB-maskin­ an fekk tað torført. Tað sigur eitt sindur og teir enda við at skifta spælskipan. Tá fingu teir betri tak á. Tað iðrar meg eisini, at Teitur M. Getssson kann leggja upp til eitt mál. Har skulu vit avklára hatta betri. Vit eru ov royndir til at lata slíkt henda, sigur venjarin hjá B36, sum nú vón­ar at vinna sær Ev­ropa- lut­tøku aftur komandi kapp­ ingar­ár. Hann viðgongur at B36 innheintar ikki bæði HB og KÍ. -Málsetningurin er at vita, um vit ikki kunnu yvirhála eitt av hesum liðnum, men eg vænti ikki bæði raka ein aldurdal. Vit fara eisini eftir tiðjaplássinum, tí tað kann geva pláss í Evropa. Vit skulu eisini gera okkum klárar til steypakappingina. Vit røkka ikki sama stigatali sum í fjør, men vit vilja gjarna enda væl, sig­ur Jákup á Borg. TRONDUR@SOSIALURIN.FO Jens Berthel Askou, venjari hjá HB, heldur at B36 spælir skitið spæl, meðan venjarin hjá B36, Jákup á Borg, fúkandi ónøgdur við avgerandi dømingarnar. Venjari hjá HB vil ikki tosa um FM, meðan venjarin hjá B36 viðurkennur, at tað slagið er tapt Jens Berthel Askou - Jákup á Borg: RÚKANDI ÓSAMDIR RÚKANDI ÓSAMDIR VENJARAR VENJARAR EFTIR EFTIR GRANNAUPPGERÐINA GRANNAUPPGERÐINA