týsdagur 6. oktober 2020síða 62

22 – Eg eri spentur upp á at eiga í onkrum sjálvur. Tað havi eg ynskt leingi. Nú havi eg arbeitt fyri onnur í so nógv ár, sigur Hendrik Egholm, sum seinastu 13 árini hevur arbeitt fyri oljufelagið Magn, har hann hevur verið stjóri, eins og hann eisini í tvey ár var stjóri hjá íslendska móður­ felagnum hjá Magn, Skeljungi. Hendrik Egholm hevur saman við Christian Nagata keypt Bilasøluna í Hoyvík, sum umboðar merkini Audi, VW, Skoda og Mazda. – Skalt tú arbeiða fyri teg sjálvan, so mást tú heldur ikki vera ov gamal, tá tú fert undir tað, leggur hann afturat. Christian Nagata vísir á, at bilavinnan er í eini broyt­ ingar­tíð, og fyri framman stendur ein sonn kollvelting, tá bilar­nir fara at gerast grønir og fara frá bensin og diesel til at verða el-riknir og fara at hava minni av mekanikki og meira av tøkni, sigur hann. Nýggju eigararnir viðganga báðir, at hendan vinnan er púra nýggj fyri teir. Tað vanliga hevur verið í Føroyum, at tað eru roynd fólk í bilavinnuni, sum eiga bilasølurnar. Men nýgg­ ju eigararnir í Bilasøluni hava als onga bakgrund í hesi vinnu. Teir hava ikki dálkað fingrarnar við olju ella billakki – tvørtur ímóti hava teir báðir gingið á Handils­ há­skúla­num í Keypmannahavn, har teir hava lært um tøl og tikið hvør sína cand.merc. útbúgving. Men teir fara undir uppgávuni í góðum treysti. Av handils­ háskúla í bilavinnuna Hendrik Egholm og Christian Nagata hava ikki dálkað fingrarnar í olju ella billakki. Teir hav lisið Cand.merc á Handilsháskúlunum – og teir eru royndir vinnulívsmenn. Nú hava teir lagt á heilt annan bógv og hava keypt Bilasøluna í Hoyvík, sum umboðar merkini Audi, VW, Skoda og Mazda TEKSTUR: EIRIKUR LINDENSKOV