hósdagur 8. oktober 2020síða 28

FRÍGGJADAGUR 9. OKTOBER 2020 SOSIALURIN 71 28 TEITUR: HATTA FARI EG AT HAVA MARRUNA UM Tað sigur Teitur M. Gestsson um brotssparkið, sum Christian Eriksen skoraði uppá. - Hatta fari eg at hava marruna um leingi. Tað hevði verið gott at havt á mínum CV, at hava bjargað brotssparki hjá honum, sigur Teitur M. Gestsson, sum hevur spælt ungdómsfótbólt saman við danska stjørnuspælaranum í OB í síni tíð. TRÓNDUR ARGE T að byrjaði við úttøkuni og innskiftingini av Andreasi Lava Ol­ sen, og stutt seinni dreymasparkinum hjá Brandi Hendrikssyni móti Malta á Tórsvølli, tá Føroyar vunnu í yvirtíðini. Síðani kom full­ fíggjaða avrikið í Andorra í 1-0 sigri­num, sum eisini bleiv ein hevnd fyri málleysa javnleikin í kuldanum í mars mánaði í 2017. Hesa ferð var einki dreyma­ skot, ongin dreyma-innskifting og avrikið var ikki fullfíggjað. Eftir eitt korter við góðum trýsti og einum framsøknum før­oysk­um spælistíli, brast hol á dreymabyrjanina hjá Håkani Ericson og nýggja venjara­ toyminum. Danmark vann 4-0, sum eisini var støðan í hálvleikinum. Før­ oyska liðið bleiv trýst í botn alla seinnu hálvu av fyrra hálv­leiki. Tað avstemmaði ikki millum verju, miðvøll og álop, og tað avstemmaði heldur ikki, tá danska liðið skifti síðu við skjótum spæli. Fyri triðju ferð í fýra lands­ dystum móti Danmark lata vit fýra mál inn. Fyri fjórðu ferð út av fýra hava vit tapt móti Danmark. Vit høvdu tveir góð­ar møguleikar at skora, men enn stendur Allan Mørkøre sum einasti føroyingurin, ið hevur skorað móti Danmark. Leygar­dagin eru tað júst 30 ár síðani, at hann fekk bóltin framvið Peter Schmeichel. Hesa ferð stóð sonurin, Kasper Schmeichel, í mál. Lava frá byrjan Håkan Ericson gjørdi bara eina broyting frá liðnum, sum vann 1-0 í Andorra. Andreas Lava Olsen byrjaði inni fyri Klæmint A. Olsen, sum ikki var við á ferð­ ini, tí konan skal eiga. Føroyska liðið legði bragdliga fyri, og fyrsta stóra korterið vóru tað spentar støður í og kring danska brotsteigin, men so legði Danmark, við Christian Erik­sen úr Inter Milan og Martin Braithwaite úr FC Barcelona, trýst á. Kanska var debutanturin í høgru, Andreas Skov Olsen, ið var vandamiklast. Tá ið hálvleikurin var um at vera hálvrunnin, eydnaðist tað loksins Danmark at fáa hol á. Talan var um óheppið mál skilt á tann hátt, at tað var eftir danskt horna, at tað eftir danskt lang­skot endaði við, at bólturin um­vegis beinini á føroyskum spælara snýtti Teit Matras Gests­son og endaði í málinum. Mál­skjútti var Andreas Skov Olsen. Fimm minuttir seinni gjør­di Sonni Ragnar Nattestad kloss­ ut brotsspark, eftir at Jóan­ nes Bjartalíð var óansin við av­levering til verjuspælaran. Christian Eriksen umsetti til mál, men tað var líka við, at Teitur M. Gests­son bjargaði. Hann valdi røttu síðu, men bólturin fór undir hann málverjan hjá HB. -Hatta fari eg at hava marruna um leingi. Tað hevði verið gott at havt á mínum CV, at hava bjargað brotssparki hjá honum, sigur Teitur M. Gestsson, sum hevur spælt ungdómsfótbólt saman við danska stjørnuspælaranum í OB í síni tíð. Tað gingu bara fýra minuttir, so økti Danmark til 3-0. Ein av nýggju monnunum, Joakim Mæhle, skoraði eftir sending frá Barcelona spælaranum Martin Braith­waite. T r í g g j a r minuttir undan steðgi­num fekk føroyska liðið størsta møguleikan, tá ið Andreas Lava Olsen eftir gott upp­spælt átti at havt minkað um mun­in, men Kasper Schmeichel bjarg­aði. Nøkur sekund seinni stór­bjargaði Teitur Matras Gests­son í føroyska málinum, men dygst undan steðginum stútaði Andreas Cornelius fyri opn­um máli til 4-0, eftir innlegg úr høgru. Her var alt ov lætt hjá danska liðnum at spæla gjøgnum føroyska verjuspælið. Steðgaðu bløðingini Í hálvleikinum róðu teir í donsku miðlunum framundir, at hetta kundi fara at vísa seg at verða kvøld­ið, tá ið Danmark fór at vinna størsta sigurin í nógv ár. Soleiðis tók tað seg ikki upp. Eftir steðgin hekk tað væl saman í føroyska verjuspælinum, og danir vóru als ikki so ofta í føroyska brotsteiginum, sum teir vóru tað í fyrra hálvleiki. Før­oy­ingarnir vístu eisini størri sjálvs­álit í saman­spæli­num, enn teir h ø v d u g jørt í fyrra hálv­ leiki. B æ ð i liðini gjørdu nógvar broyt­ ingar í seinna hálvleiki. Fyri føroyska liðið komu Jóan Símun Edmundsson, Gilli Rólants­son, Odmar Færø, Gunn­ar Vatnhamar, Heðin Hansen og Dan í Soylu inn. Føroyska liðið vardi væl, meðan danska liðið tók tað meiri róligt í álopsspælinum. Tað endaði við 4-0 sigri til Danmark, sum eisini var uppiborin. Føroyska liðið megnaði ikki at standa ímóti, tá danska liðið legði trýst á í fyrra hálvleiki. Hetta minti nóg um ósigarnar fyri Svøríki í fjør, og móti Norra í Olso. Tað manglar botnur í og tað er ov lætt at koppa upp­gerð­ unum móti Føroyum. Tó skal føroyska liðið fáa rós, fyri at royna at vinna bóltin á hálvuni hjá Danmark. Tá er stutt til málið og einar tríggjar ferðir var um reppið, at tað bleiv umsett til mál ella góðar møgu­leikar. Hetta er nakað, sum før­oyska venjaratoymið kann brúka til nakað í framtíðini. Nú skal føroyska landsliðið fyrireika seg til Nations League lands­dystirnar móti Lettlandi og Andorra, sum verða ávikavist leygardagin og týskvøldið á Tórsvølli. TRONDUR@SOSIALURIN.FO Føroyska manslandsliðið tapti 4-0 í fjórðu royndini móti Danmark. Hetta var fyrsta stóra royndin hjá Håkani Ericson, men hon bleiv ein fusari. Fýra ferðir skoraðu vertirnir, eins og teir gjørdi í Parkini í 1990, og í Landskrona í 1991 Fótbóltur Dysturin hesa vikuna... Danmark-Føroyar 4-0: FJÓRÐA TAPIÐ FJÓRÐA TAPIÐ VAR EIN FUSARI VAR EIN FUSARI