týsdagur 13. oktober 2020síða 38

MIKUDAGUR 14. OKTOBER 2020 · NR. 72 Sosialurin 38 EYSTUROY Vilmund Jacobsen Seinastu árini hava fólk í Eiðis kommunu skipað fyri frálíka heystfagnaðinum, sum hevur verið eitt alment heysttiltak, ið hevur savnað nógv fólk. Hetta er tíðin á árinum, tá seyðaprát, fjallgongur og flett­ ing seta sín serstaka dám á, og seyðurin hevur undanfarin ár so sanniliga eisini sett sín dám á hetta heysttiltak. Á Eiði plaga tey at siga, at hetta er Føroya bygdasligasta tiltak - ella eitt rimmar heyst­ gildi, sum tey eisini taka til. Beinleiðis á Rás1 Men, í ár verður alt øðrvísi, og heystfagnaðurin á Eiði hevur í heyst einki alment tiltak, sum savn­ar fólk. Í staðin fyri almenna fagn­ að­in við nógvum áskoðarum, verð­ur tiltakið í ár sent bein­ leiðis á Rás1, og høvi verður so­leiðis at fylgja ymisku kapp­ ing­unum og tiltøkunum í sjón­ varpinum. Her verður kappast í eitt nú fletting, at vinda upp hespu, og her verða rullupylsu-og kjøtpylsukapping, umframt at nógv annað verður á skránni. Borgarstjórar fletta Jógvan í Skorini, borgarstjóri í Eiðis kommunu, sigur, at á heystfagnaðinum í ár, nú hann verður øðrvísi enn onn­ur ár, hava fyrireikararnir bjóð­að øllum borgarstjórum í Før­oy­ um til flettikapping. - Tað hevur verið trupult at fingið fólk at tilmelda seg til kappingina í ár, nú tiltakið verður sjónvarpað. Tískil hava vit gjørt av at bjóða øllum borgar­stjórum at kappast í flett­ing. Borgarstjórin, sum eisini er ein av stigtakarunum, dugir í løtuni ikki at siga, hvussu stór undirtøkan millum borgar­ stjórarnar verður, men hann veit, at tað eru fleiri, ið hava seyð og fáast við fletting. - Vit miðja eftir at fáa einar 8-10 borgarstjórar at luttaka, og vit síggja fram til eitt hugnaligt - og bygdasligt - sjónvarpstiltak, har borgarstjórar kappast um, hvør er skjótasti flettari, sigur Jógv­an í Skorini. Hann vísir á, at fyrst í hesi vikuni høvdu einir fimm borgar­stjórar boðað frá lut­ tøku. Luttekur sjálvur Spurdur, um hann sjálvur fer at luttaka, sigur Jógvan í Skorini, at tað noyðist hann sjálvandi. - Eg havi nakað av seyði, og mær dámar væl at fletta, men eg vænti, at tað eru fleiri, sum fletta skjótari enn eg, sigur hann brosandi. Tey, sum ynskja at síggja sjónvarpssendingina á Rás1 við serstaka heystfagnaðinum á Eiði, kunnu fylgja við á www. eidi.fo, eins og kunning um heystfagnaðin eisini er at finna á Facebook-síðuni hjá til­taki­ num. BORGARSTJÓRAR FARA AT KAPPAST Í FLETTING - Higartil hava einir fimm borgarstjórar boðað frá luttøku, men eg vóni, at vit fáa einar 8-10 at luttaka, sigur Jógvan í Skorini, sum sjálvur verður við í kappingini, ið verður send beinleiðis á Rás1 Tað hevur verið truplari at fingið fólk at møta upp til flettikapping í ár, nú tiltakið verður sjónvarpað Myndin er tikin á Heystfagnaði á Eiði, men soleiðis verður ikki í ár. Í staðin verður heystfagnaðurin eitt beinleiðis sjónvarpstiltak á Rás1