týsdagur 13. oktober 2020síða 37

EYSTUROY MIKUDAGUR 14. OKTOBER 2020 · NR. 72 Sosialurin 37 - Ein verkætlan við íbúðum á Eiði liggur meira ella minni kár. Her verður sera gott útsýni, og hetta verður ein fantastiskur møguleiki hjá fólki, heldur borgarstjórin, Jógvan í Skorini Vilmund Jacobsen Enn eru nakrir dagar eftir, til listarnir til kommunuvalið skulu verða inni, men enn hev­ ur borgarstjórin í Eiðis kommu­ nu seinastu átta árini, Jógvan í Skorini, ikki tikið endaligu av­ gerðina um, hvørt hann skal lata seg stilla upp aftur ella ei. - Jú, tað er púra rætt, at eg havi verið í iva. Eg var rímiliga av­kláraður við, at eg skuldi gev­ast í kommununi nú, men nógvu áheitaninar um at lata meg stilla upp aftur hava fingið meg at ivast. Tað sigur Jógvan í Skorini, borgar­stjóri í Eiðis kommunu. Gongur sera væl Í Eiðis kommunu, sum hev­ur lægsta skattaprosent í mið­ staðar­økinum, er nógv gjørt sein­astu árini, men hóast stóru íløgur­nar í eitt nú fótbóltsvøll, ítróttar­hús og skúla, hevur kommunan lítla og onga skuld. - Eg vil siga, at tað stendur ógvu­liga væl til í kommununi fíggjarliga. Skuldin er einar seks miljónir krónur av einari álíkn­ing á umleið 30 miljónir ár­liga. Í so máta er tað stuttligt at reka kommununa, sigur Jóg­ van í Skorini. Hann vísir á, at stórur áhugi hev­ur verið fyri at seta búgv í kommununi, og hetta sæst eisini aftur í fólkatalinum, sum hevur verið í vøkstri. - Fyri átta árum síðan vóru vit 666 borgarar í Eiðis kom­ munu, sum eisini fevnir um Ljósá og Svínáir. Í dag eru vit 772. Tað merkir, sum eg onkun­ tíð havi víst á, at umleið áttandi hvør persónur, sum vit møta í kommununi í dag, búði ikki her fyri átta árum síðan, sigur borgarstjórin. Øktir sethúsaprísir Áhugin fyri at búgva í Eiðis kom­munu sæst eisini aftur í set­húsa­prísinum, tá eldri ella gomul hús verða seld. - Eini gomul hús við at kalla ongum grundstykki eru nýliga seld í kommununi fyri umleið hálva aðru miljón. Tað merkir, at húsaprísurin er farin nógv upp, nú eftirspurningurin er so nógv vaksin. Jógvan í Skorini heldur, at nýggjari hús, sum kanska eru bygd fyri eini 20-40 árum síðan, hava eitt søluvirði í kom­mun­ uni, sum liggur oman fyri tvær miljónir í dag. - Hetta eigur so eisini at hava týdning, tá fólk, sum vilja byggja nýtt, skulu fíggja sína íløgu hjá lánistovnunum, held­ ur borgarstjórin fyri. Íbúðarverkætlan Á Eiði er ein íbúðarverkætlan í um­búna, har eitt privat felag ætlar at byggja einar seks ella átta íbúðir, sum minna um íbúð­ir­nar, ið Bústaðir hava bygt eitt nú í Leirvík og á Strondum. - Talan er um eitt øki vestan fyri viðgerðarstovnin Frælsi á Eiði. Hetta er eitt gamalt kamp­ ing­øki, sum kommunan átti. Vit bjóðaðu økið út og felagið, sum keypti, hevur nú ætlanir um at byggja íbúðir á økinum. Borgarstjórin veit ikki við vissu, um talan verður um íbúð­ir til leigu ella til keyps. - Eg veit ikki, um hetta er enda­liga avgjørt enn, men sum kommuna dámar okkum sjálv­sagt best, um slíkar íbúðir verða leigaðar ella keyptar av familj­um, sum vilja búgva her. Jógvan í Skorini fegnast um, at bústaðarmynstrið í kom­ mun­uni broytist og fjøl­táttast. - Soleiðis, sum eg havi skilt, liggur verkætlanin við íbúð­ unum meira ella minni kár. Her verður sera gott útsýni, og hetta verður ein fantastiskur møgu­leiki hjá fólki, heldur borgar­stjórin. Aðrir møguleikar Á Eiði hevur kommunan nøkur tøk grundstykki við Gerðisveg, sum liggur frá ítróttarhøllini og út eftir, men borgarstjórin væntar, at neyðugt verður við einari størri útstykkingarætlan í komandi skeiði. - Fara vit nøkur ár aftur, er nógv bygt í Svínáum, og bygdin er vaksin nógv. Eg vænti, at vit skjótt - og kanska longu í hesum árinum - fáa nøkur nýggj grundstykki í Svínáum, har vegurin til grundstykkini er gjørdur, sigur Jógvan í Skor­ ini, borgarstjóri í Eiðis kom­ munu. BORGARSTJÓRIN Á EIÐI IKKI TIKIÐ ENDALIGA AVGERÐ - Tað stendur ógvuliga væl til fíggjarliga í Eiðis kommunu. Í so máta er tað stuttligt at reka kommununa, sigur Jógvan í Skorini, borgarstjóri Hóast Eiðis kommuna hevur gjørt íløgur í fótbóltsvøll, ítróttarhús og skúla, hevur kommunan lítla og onga skuld