hósdagur 15. oktober 2020síða 28

FRÍGGJADAGUR 16. OKTOBER 2020 SOSIALURIN 73 28 TRÓNDUR ARGE – TÓRSVØLLUR T að er lítil gleði, tá dómarin bríkslar av. Nakrir spælarar takka hvørjum øðrum fyri dystin, meðan aðrir als ikki hyggja upp á gestirnar í gulum. Brádliga verður ein bólt­ur tveittur eftir Brandi Hendriks­ syni, men nú er ov seint at provokera skálvíkingin. Dyst­ urin er liðugur og hann gongur bara móti føroyska bonkinum, har teir føroysku áskoðararnir eisini halda til. Andorra tapti dystin á vølli­ num, og teir vunnu sær held­ ur ongar vinir ella góðvilja við sínum skita og til tíðir skammi­ liga atburði. Í mun til 1-0 sigurin í Andorra, so hoppaðu vit hesa ferð í felluna. Tað kostaði nøkur gul kort og leikbann til Hall Hans­son og Brand Hendriksson Vit fingu sigurin, stigini og eru nú vit fimm stig fremst í bólkinum. Meinhard fekk kjansin Tað eru tvær broytingar á liðnum frá dystinum móti Lettlandi. Jóan­nes K. Danielsen sær plássið aftur frá Gilla Rólantssyni, meðan Meinhard E. Olsen fær kjansin í álopinum saman við Klæminti A. Olsen. Meinhard E. Olsen hevur ikki fingið minuttir í undanfarnu dystunum, meðan ritu­víkingurin er klárur at koyra á føðideildina, tí konan, Eyð Leitistein, skal eiga hvørja løtu. Ein stórur partur av upp­takt­ ini er sálarliga fyrireikingin til at spæla móti Andorra. Tað er ikki ókent, at ónollurnar eru nógvar, tá ið Andorra er annað liðið, og soleiðis var tað eisini hesaferð. Talan var um eina rúgvu av frí­ spørkum, gula kortið var ofta á lofti, og tað var í heilum, at spælarar lógu á vøllinum. Fýra føroyskir spælarar sóu gula kortið, og tveir av teim­um hava nú tvey gul kort á kontu­ ni. Tað ber við sær, at teir vera leikbannaðir, tá ið Føroyar skulu spæla á útivølli í Lettlandi. Tað kemur sera illa við, tí talan er um lyklaspælararnar, lið­for­ mann­in Hallur Hansson, og spæl­skiparan Brandur H. Olsen. -Eg eri nøgdur við avrikið, hóast spælið ikki heilt gekk so­ leiðis, sum vit høvdu vónað. Gulu kortini, sum Hallur og Brandur fingu tíðliga í dystinum, skilti eg ikki. Eg eri glaður um, at okkara spælarar ikki sóu gult fyri at lata seg provokera. Undan dystinum, bæði í kvøld og tá vit spældu ímóti teimum á útivølli, lótu vit okk­um ikki provokera, og tað eri eg fegin um, sigur venjarin Håkan Ericson, sum leggur aftrat: -Tað kemur illa við, at so týdn­ing­ar­miklir spælarar sum Hallur og Brandur vera leikbannaðir í Lettlandi, men tað mugu vit fyri­halda okkum til og seta mið­vøllin av nýggjum, sigur Håkan Ericson. Metmaðurin skorar aftur á landsliðnum Klæmint A. Olsen hevur rund­ að tey 30 árini, men hann er júst byrjaður at skora á A-lands­liðnum. Hann hevur nú skorað fýra av sínum fimm landsliðsmálum undir Håkani Eric­son og nýggja venjara­toymi­ num. Hesa ferð bleiv tað til tvey mál Bæði málini vórðu skorað í fyrra hálvleiki, og í báðum førum var tað toppskjúttin í føroyskum fót­bólti yvirhøvur, Klæmint A. Ol­sen, sum var málskjútti. Hann hevur nú skorað fimm mál á lands­liðnum. Í fyrra førinum var hann fyrst­ur á við nærra stólpa eftir inn­legg frá Meinhardi E. Olsen, tá ið hann sera hegnisliga beindi bóltin í handaru síðu av máli­ num. Í seinna førinum stýrdi hann við høvdinum frá­gera væl bólt­in í handaru síðu av máli­num, eftir at Hallur Hans­son legði innfyri. Hallur Hansson var av álvara verið í andglettinum. Hann sá gula kortið, hann legði upp til mál, og so hevði hann í fyrra hálvleiki gyltan møgu­leika at økja um leiðsluna til 3-0, men málverjin bjargaði brots­sparki­num. Tað var Meinhard E. Olsen, sum vann Føroyum brots­sparkið. Rótutur seinni hálvleikur Fyrstu løtuna eftir steðgin var onkra ferðina um reppið, at An­dorra skoraði fyrsta málið nakran­tíð ímóti Føroyum. Sum seinni hálvleikur leið, royndu gest­irnir at spenna álopsbogan, og tað bar við sær, at Føroyar høvdu fleiri góðar møguleikar at økja um leiðsluna. Jóan Símun Edmundsson kom á vøllin og royndi at seta eitt sindur ferð á spælið, men enda­málið hjá gestunum var einki annað enn at broyta allar rútmur í dystinum. Sjálvt aftan­ fyri við fáum minuttum eftir drálaðu teir. Hetta er ikki til at skilja, men tað var atburðurin hjá teimum heldur ikki. Teir grenjaðu eisini um alt og royndi enn­tá at vísa sína ónøgd við døm­ingar eftir dystin. Ótrúligt! TRONDUR@SOSIALURIN.FO Nations League: Annan dystin á rað móti Andorra er Klæmint A. Olsen munurin. Við tveimum málum í rokmikla dystinum á Tórsvølli týskvøldið tryggjaði hann føroyska liðnum sigurin. Føroyar hava nú tíggju stig, sum er met í altjóða kapping fyri føroysk lið. Håkan Ericson kann takka Klæminti fyri seks av teimum Fótbóltur Dysturin hesa vikuna... Føroyar – Andorra 2-0: KLÆMINT ER KLÆMINT ER MARRAN MARRAN HJÁ HJÁ ANDORRA ANDORRA KLÆMINT: GLAÐUR FYRI ALLAR MINUTTIRNAR EG FÁI Eg veit ikki, um eg eri í mínum lívsformi. Um tú hyggur eftir landskappingini, so eri eg ikki tað, men hyggur tú eftir landsliðnum, so eri eg kanska tað. Nú eri eg bara glaður fyri allar minuttirnar, sum eg kann fáa á landsliðnum, og at eg kann gera mun. Tað er ein góð kensla, sigur Klæmint A. Olsen.