hósdagur 22. oktober 2020síða 7

FRÍGGJADAGUR 23. OKTOBER 2020 SOSIALURIN 74 7 ÁRNI GREGERSEN F erðavinnan er hart rakt av koronakreppuni og tað sama er við flutn­ ings­feløgunum. Atlants­flog hevur bert flogið til Danmarkar tað mesta av hesum árinum og talið av ferða­ fólkið er minkað niður í nøkur fá prosent. Tey viðurskiftini gera, at pengar fossa úr felagnum, með­ ani inntøkurnar eru farnar nið­ ur í ein brotpart av tí, sum tær annars vanliga eru. Mikudagin var ein munnligur fyrispurningur í tinginum um støðuna hjá føroyska tjóð­ar­ flog­felagnum. Kristina Há­foss úr Tjóðveldið spurdi lands­ stýrismannin, sum hevur al­ mennu partafelaøgini undir sær, Jørgen Niclasen, um nær Atlants­flog fer at tørva pening. Landsstýrismaðurin svaraði, at hann fer at koma við einum upp­skotið um peningahjálp til flog­felagið ein av komandi døgun­um, men vildi ikki siga, hvussu stórur peningatørvurin er. -Men eg kann bara siga her, at vit fara at lata neyðugu hjálpina. Atlantsflog fer ongan veg, legði hann afturat. Stórur tørvur Tá ið koronakreppan rakti og flúgvingin meir ella minni steðgaði var flogfelaagið væl fyri og hevði eitt sera gott gjald­ føri. Tað var tá millum 140 og 150 millojónir krónur. Men tíðin síðani hevur drenað gjald­føri. Føstu útreiðslurnar eru tær somu stórt sæð, men inn­tøkurnar eru farnar niður í lítið og onki. Hallið fyri í ár fer at liggja um einar 120 milljónir krónur, hóast leiðsl­an í felagnum hevur roynt at tillaga útreiðslurnar. Ein partur av starvsfólkunum eru søgd úr starvi, men flestu teirra hava eina langa upp­sagn­ ar­tíð, so uppsagnirnar muna lítið og onki fyrr enn næsta ár. Landsstýrismaðurin hevur boð­að frá, at hann fer at koma við einum uppskotið, sum fer at geva flogfelagnum eitt kapiltal­inn­skot. Okkara keldur siga, at hetta innskotið fer at liggja á leið 100 milljónir krónur. Metingarnar nú siga, at hetta er nóg mikið, men alt hongur sjálv­andi saman við, hvussu leingi og hart koronakreppan fer at herja. Við í metingunum er, at kopp­ing­arevnir eru ávegis og at tey helst fara at gera, at ferð­ ing­in fer at taka seg uppafur meira ella minni, men hetta er sjálvandi met­ingar. Eitt annað sum sjálvandi eisi­ ni hendir, er at felagið í løtuni fer ígjøgnum eina effektivisering, so raksturin gerst bíligari, tá ið ferð kemur á aftur flúgvingina. Landsstýrismaðurin hevur lagt eitt uppskot fyri tingið um at flogstarvsfólkini hjá Atlants­ flog skulu fáa eina FAS-líkn­andi skipan, so felagið fær part av skattinum afturbornan. Hetta skal gera, at Atlantsflog er kappingarført, tá ið flúgvingin av álvara tekur seg uppaftur. Vága floghavn Tá ið Atlantsflog ikki flýgur nakað serligt og onnur flogfør heldur ikki lenda í Vágum, so gong­ur tað sjálvandi útyvir inn­ tøkurnar hjá Vága Floghavn. Har eru fólk eisini send til hús, men tað er ikki nóg mikið. Landið eigur floghavnina og tí er eisini avgjørt at gera eitt kapi­tal­innskot har. Okkara keld­ur siga, at tann avtalan er, at flog­havnin fær 20 milljónir í inn­skoti. Tað er landsstýrismaðurin við fíggjarmálum, sum hevur mál­ini um hendur. Tað er ikki eydnast at fáa fatur á honum, áðrenn blaðið fór til prentingar. Ein avtala er gjørd millum politisku flokkarnar, at allir flokkar standa aftanfyri upp­ skotini um at veita bæði flog­ felag­num og floghavnini pengar. 100 MILLJÓNIR TIL AT BJARGA TÍ FØROYSKA TJÓÐARFLOGFELAGNUM Landsstýrið kemur ein av døgunum við uppskoti at játta 100 milljónir til Atlantsflog og 20 milljónir til Vága Floghavn Jørgen Niclasen, landsstýrismaður, arbeiðir við einum uppskoti Atlantsflog fær ein hjálparpakka uppá einar 100 milljónir krónur