týsdagur 27. oktober 2020síða 14

TÓRSHAVNAR KOMMUNA MIKUDAGUR 28. OKTOBER 2020 · NR. 75 Sosialurin 14 Vilmund Jacobsen Tað sigur Annika Olsen, borgar­ stjóri í Tórshavnar kommunu, sum er fús til at taka eitt skeið aftrat í býráðnum, nú kom­ mu­nuval er beint hinu megin hornið. Hon vísir á, at stóri fólkavøksturin sjálv­andi hev­ ur lagt eitt stórt trýst á dags­ tovnaøkið, skúlar og eldra­ økið - ja, á allar grund­leggjandi tænastur úr vøggu í grøv. Annika Olsen sigur, at tá sitandi býráðssamgonga tók við, høvdu 4000 havn­ar­ borgarar ongan kom­munu­læk­ na, men nú hevur kommunan nýggj kommunulæknahøli við fimm læknum í Hoyvík. - Tað var neyðugt at fara grund­leggjandi til verka og fáa skipað tær tænastur, sum ikki vóru í lagi, og haraftrat kom so stóri fólkavøksturin. Ein av stóru avbjóðingunum hev­ur verið eftirspurningurin eftir bústøðum, men í hesum tíðar­skeiði hevur tað eydnast at fáa 730 nýggjar bústaðir í kommununi í einum fjøl­tátt­ aðum bústaðarmynstri við sethúsum, íbúðum og leigu­bú­ støð­um, sum eru komnir og eru áveg­is. Borgarstjórin ásannar, at enn er kommunan nakað aftur­út, tá ræður um hjá kom­ mun­uni og privatum at út­vega ávikavist grundstykki og bú­ staðir, og hon væntar, at bú­ staðar­mál koma at fylla nógv tey næstu fýra árini eisini. - Endamálið verður at trygg­ ja, at fólkavøksturin í kom­mu­ nuni kann halda fram, soleiðis at vit ikki koma at uppliva eina stagnatión. Tískil er eingin ivi um, at bústaðarmál verður ein av fremstu uppgávunum, sum skulu loysast. Stórar íløgur Borgarstjórin vísir á, at ein spennandi heildarætlan fyri Stóru­tjørn er gjørd, og her hevur sum kunnugt eisini verið arki­tektakapping. Kommunan fer nú at keypa lendið, og her verður, sum tíðin gongur, pláss fyri umleið 2000 borgarum aftr­at. - Ætlanin er, at útstykkingin í stóran mun skal fíggja seg sjálva, soleiðis at hesin parturin av verkætlanini at kalla verð­ur útreiðsluneutralur. Kom­mun­ an skal sjálvandi keypa lend­ ið, planleggja og syrgja fyri grund­leggjandi veitingunum. Síðan verða tað tey, sum fara at byggja her, ið rinda fyri grundstykkini. Annika Olsen sigur, at hesi fýra árini hevur Tórshavnar kom­muna gjørt íløgur fyri eina heila miljard, harav 560 miljónir krónur eru goldnar kontant til skúla­økið, Musikkskúlan og Skúlan á Fløtum. - Vit hava eisini gjørt stórar íløg­ur í eldraøkið, har fleiri enn 100 miljónir krónur eru far­nar til umlættingar-og re­ha­bi­li­ ter­ingsdepilin í Hoyvík og til nýggjan demensdepli á Tjarna­ garði. Hon ásannar, at útbyggingin av eldraøkinum fyllir nógv, og nú er kommunan í gongd við at byggja nýtt ellisheim við 64 búplássum og 16 røktar­ íbúðum, sum verða eitt slag av lutaíbúðum. Byggingin, sum er samtykt í býráðnum, verð­ur projekterað í løtuni, og vón­ andi kann byggingin byrja í kom­andi ári. - Hetta er eitt nýtt konsept, har røktaríbúðir liggja tætt upp­at ellisheiminum. Annika Olsen fegnast eisini um, at býráðið hósdagin fer at sam­tykkja at byggja ein eldra­ depil í Kollafirði við 24 stutt-og langtíðarplássum. - Eldraøkið hevur ein serligan týdning fyri meg, tí tað var eg, sum landsstýriskvinna í almannamálum, sum legði økið út til kommunurnar at umsita í 2025. At tað so eisini var eg sum borgarstjóri, ið loftaði økinum í Tórshavnar kommunu, ger, at eldraøkið er nakað serligt. Í dag eri eg erri av, at vit í kom­ mununi hava megnað at flutt økið fram á leið. Olympiskur langhylur - Vit hava eisini gjørt stórar íløg­ur í ítróttarøkið á Tórsvølli, eins og langhylur við stórum væl­veruøki, bæði inni og úti, er projekteraður. Tilboðini eru komin inni upp á verkætlanina, sum fer at kosta einar 148 miljón­ir krónur, og her er ætlan býráðsins at arbeiða, til verk­ætlanin stendur liðug. Um eini tvey ár fer Tórshavnar kommu­na soleiðis at eiga ein olymp­iskan langhyl, ið verður heilar 25 metrar breiður og fer at hava tíggju geirar, umframt stóra vælveruøkið. - Eg fegnist eisini um, at vit nú hava fingið ein nýggjan dag­ stovn Vesturi á Flat við vøggu­ stovu og barnagarði, sum letur upp fyrsta dagin, leggur hon aftrat. Borgarstjórin heldur tað vera fantastiskt, at Tórs­havn­ ar kommuna í hesum fýra­ára­ skeiði hevur megnað at gjørt íløgur fyri eina heila miljard, sam­stundis sum tað hevur eydnast at goldið skuldina niður. - Í dag kunnu vit siga, at kom­munan nærmast er skulda­frí, tá sæð verður burtur frá íløgun­um í Tórshavnar havn, ið verður rikin fyri seg. Tórs­havn­ar havn hevur sín egna rokn­skap og inntøkurnar, sum havn­in hevur, verða í fyrsta lagi brúktar til at fíggja tann partin av virkseminum í kommununi, sigur hon. Tað er mín visjón Annika Olsen sigur, at Tórs­ havn sum høvuðsstaður hevur eina stóra atdráttrarmegi kring um okkum og úti í heimi ann­ ars. - Høvuðsstaðurin hevur alt, sum ein høvuðsstaður eigur at hava, og tað hevur ver­ið mín visjón frá fyrsta degi sum borgarstjóri, at lyfta Tórs­ havnar kommunu á eitt hægri stað í hesum høpi. Tórs­havn eigur pláss millum høvuðs­ staðir sum Reykjavík, Keyp­ mannahavn og Oslo, og tað er næstan ikki dagur, at vit ikki verða boðin út til okkara granna­høvuðsstaðin í ymisk­ um sambandi. Annika Olsen heldur, at okkara høvuðsstaður átti at verið brúktur meira strategiskt - øllum Føroyum at frama. - Tað er eingin ivi um, at Før­oyar kundu fingið enn meira burtur úr ferðavinnu og útlendskum vinnulívi, um vit vóru meira úti um okk­um sum høvuðsstaður, tí áhug­in uttanlands fyri okkara høvuðs­ staði og landi skortar ikki. Annika til reiðar Borgarstjórin heldur, at sam­ starvið í bý­ráðs­sam­gongu­n­i í kommununi hetta valskeiðið, sum nú nærkast endanum, hevur verið ógvuliga gott. - Eg haldi, at tað hevur verið okkara styrki, at vit hava megnað at loyst tær ósemjur, sum hava verið. Politikkur snýr seg um broytingar og at gera tingini betur - ja, onkur hevur so beinrakið sagt, at politikkur er møguleikans kynstur at gera tað, tú droymir um. Spurd, um hon er til reiðar at taka eitt tørn aftrat sum borgar­stjóri í Tórshavnar kom­ munu, um høvið býðst, sigur Annika Olsen, at tað hevði hon ógvu­liga gjarna vilja. - Vit hava havt eitt so mik­ ið gott samstarv hesi árini, og eg haldi, at vit hava fingið nógv burtur úr. Tí hevði eitt framhald av tí, sum hevur verið hesi árini, verið fan­tast­iskt, sigur borgarstjórin í Tórs­havn­ ar kommunu. ANNIKA ER TIL REIÐAR - Hesi fýra árini sum borgarstjóri hava verið ógvuliga lærurík, spennandi og avbjóðandi. Vit hava havt størsta vøkstur nakrantíð, bæði í inntøku og fólki. Vit eru 1400 borgarar fleiri í Tórshavnar kommunu í dag, enn vit vóru fyri fýra árum síðan. Tað svarar umleið til fólkatalið í mínari heimbygd, Vági Annika Olsen, borgarstjóri í Tórshavnar kommunu