hósdagur 29. oktober 2020síða 36

FRÍGGJADAGUR 30. OKTOBER 2020 SOSIALURIN 76 36 HB VANN VINNA FM SUNNUDAGIN Eitt stig er ríkiligt hjá HB í FM-stríðnum. Nú kann HB vinna FM við at vinna á TB á Tórsvølli sunnudagin. Hinvegin, so kann HB ikki longur tangera metið, sum teir settu í 2018. Tá fekk liðið 73 stig. Um HB vann á NSÍ, og síðani seinastu tveir dystirnar, hevði liðið komi upp á 73 stig. HB hevur sett met fyri flest skoraði mál við sínum 76 málum higartil. TRÓNDUR ARGE – TÓRSVØLLUR T að er ein ella annar lætti at hóma millum spæl­ar­arnar, tá Jóhan Hend­rik Ellefsen bríksl­ar fyri seinastu ferð. Tað eru lagdir sjey minuttir afturat, men liðini finna ikki ordiliga útav, um tey eru nøgd ella ikki. NSÍ hevur álop, men drálar sam­ stundis. Í hinum endanum brúk­ ar Teitur M. Gestsson eitt sindur longri tíð enn vanligt, tá HB fær málspark. Eftir 97 minuttir við ferð­ mikl­um, og til tíðir góðum spæli, fýra málum og annars skiftandi trýsti, endar tað við javnleiki. Tað er samstundis javnleikur í Sarpu­gerði, har seinni hálvleikur júst er byrjaður. Hvørgan part­ur­ in hevur tapt og tað stigið kann ongin taka frá teimum, men tað er enn óvist um HB vinnur FM hetta regnkenda mikukvøldið, ella um havnarfólk mugu bíða til sunnudagin, tá TB kemur á vitjan. Runavíkingar hava verið í Ev­ ropa seinastu nógvu árini, men í ár eru treytirnar øðrvísi. Vit hava bara trý pláss til komandi kappingarár. Tí er trongt í toppinum, har NSÍ, B36 ella um illa vil, KÍ, ikki sleppur við. Her kemur eitt stig væl við hjá NSÍ. Nýggjur venjari - sama spæl NSÍ setti um vikuskiftið Allan K. Jepsen sum nýggjan venjara. Hann tekur við eftir Glenn Ståhl, sum hevur innspælt eina 3-5-2 spælskipan, har liðið hev­ur vart væl og spælt upp á mót­álop við Peturi Knudsen sum snún­ ings­punkt. Allan K. Jepsen hevði bara havt nakrar fáar dagar saman við nýggja hópinum, tá teir fóru á vøllin mikudagin klokkan 17. Tí var tað eisini skilagott, at nýggi danski venjarin helt fast í spælskipanini hjá undanfarna venjaranum. Seinast HB fekk vitjan av NSÍ valdi Jens Berthel Askou, venjari hjá HB, at skifta til somu spæl­skipan sum mótstøðuliðið. Hesa ferð helt hann fast í 4-3-3 við Mikkel Dahl á vinstra vongi og Adriani Justinussen á høgra vongi. HB best frá byrjan – NSÍ skorar Undan dystinum er HB favoritt­ ur og tað liva teir reyðu og svørtu eisini upp til. Teir trýsta NSÍ aftur á egna hálvu, og spæla til tíðir skjótan og góðan fótbólt. Ser­liga riggar væl at vinna bóltin aftur, tá runavíkingar eina ferð koma í vegin, men Tórður Thom­ sen er sjáldan til arbeiðis. Brádliga kemur NSÍ til sín fyrsta málmøguleika. Tað er Pæt­ur Skipanes á vinstra vongi, sum meddar til. Løtu seinni, tá 36 minuttir eru spældir, kemur 20 ára gamli Pætur Skipanes aftur í skotstøðu, eftir at Petur Knud­sen hevur lagt til skot og velur at spæla bóltin aftur um seg. Hesa ferð meddar vinstri vongbakkurin bóltin í málið. Gestirnir eru nú omaná og koma til fleiri møguleikar enn vertirnir. HB svarar aftur – og tó Venjarin hjá HB hevur óiva sagt nøkur borgarlig orð í hálv­ leiki­num, tí heimaliðið er klárt omaná frá byrjan í sein­na hálv­ leiki. Bara tríggjar minuttir inn í seinna hálvleik svarar HB aftur, tá Adrian Justinussen smekkar til frá brotsteigarmarkinum, eftir at NSÍ verjan hevur roynt at rudda vekk eftir langt inn­ kast. Gleðin er stokkut, tí bara tríggjar minuttir seinni fer NSÍ í skjót­álop. Í verjuni glíður Bartal Wardum. Adrian Justinussen sær vandan og rennur heim at verja. Hann tveitur seg í eina glíð­andi takling, men er óheppin, tí bólturin endar fyri føturnar á Klæ­minti A. Olsen, sum lættliga kann skora til 2-1. Nú skal HB aftur renna aftaná. HB javnar – NSÍ betri Tólv minuttir fyri tíð javnar HB. Spælið er ikki sannførandi og møgu­leikarnir eru fáir, men upp á deyðbóltar hóttir heimaliðið. -Vit skifta millum annað út, fyri at fáa stórar menn inn. NSÍ verjur langt afturi á vøllinum og tað er einki millumrúm til Dan í Soylu at spæla í. Tí senda vit Heðin Hansen og Øssur Dalbúð á vøllin, sigur Jens Berthel As­ kou, venjari hjá HB. Tað er Daniel Johansen, sum legg­ur eitt hornaspark innfyri, sum Delphin Tshiembe stútar upp á tvørs av málinum. Har stend­ur Bartal Wardum og skall­ ar bóltin í mál. Nú er lagt upp til, at HB skal leggja trýst á NSÍ, men sann­ leikin er at NSÍ var vandamiklari enn HB seianstu løtuna, sum ann­ars var merkt av fleiri steðgum. Dómarin legði sjey minutt­ir afturat. HB fekk bóltin í málið hjá NSÍ ta einu ferðina, men tá var talan um rangstøðu. Gera ov nógv mistøk Venjarin hjá HB ásannar, at NSÍ var vandamiklari seinastu løtu­na, men heldur eisini at HB skuldi havt verið á odda í fyrra hálv­leiki. -Vit spæla væl í tjúgu minuttir og fáa nakar kjansir, sum vit skulu skora uppá. Síðani gera vit nøkur mistøk, sum seta seg í spæl­ar­arnar. Vit tora ikki at taka ból­t­in til okkum og vit megna ikki at steðga umstillingunum hjá teimum. NSÍ ger tað gott og teir eru sterkasta liðið í landi­ num til at spæla upp á mótálop, sig­ur Jens Berthel Askou, venjari hjá HB. Megnar NSÍ at gera reint borð sein­astu tveir dystirnar, og KÍ eitt nú eisini missur stig í seinasta um­farinum, so er ein møguleiki fyri silvurheiðursmerki. Tað gevur atgongd til Europa League kom­andi kappingarár. Eitt triðja pláss er bara nokk, um HB vinn­ ur Løgmanssteypið. Annars verður tað FM-vinnarin, ið fer í Champions League, nummar tvey og steypavinarin enda í Europa League. HB er á gáttini at vinna FM, meðan NSÍ hevur nógv brúk fyri einum stigi í stríðnum, um at koma í Evropa. Í so máta kundu bæði liðini liva við javnleikinum á Tórsvølli mikudagin, har gestirnir úr NSÍ vóru nærri sigrinum Fótbóltur Dysturin hesa vikuna... HB-NSÍ 1-1: ONGIN ONGIN TAPARI TAPARI Á Á TÓRSVØLLI TÓRSVØLLI