týsdagur 3. november 2020síða 28

KOMMUNUVAL 2020 MIKUDAGUR 4. NOVEMBER 2020 · NR. 77 Sosialurin 28 Vilmund Jacobsen Tað eru tveir listar til kom­ munuvalið í Porkeri. Á lista A eru sjey valevni, fýra menn og tríggjar kvinnur, og á lista B eru seks valevni, fýra menn og tvær kvinnur. Borgarstjórin seinastu tríggj­ar seturnar, Mikkjal Søren­sen, hevur gjørt av, at hann stillar ikki upp aftur á kom­munuvalinum hesa­ferð. Tað ger ein annar bygd­ar­ráðs­ lim­ur, Sveinur Bech, heldur ikki. 54 ára gamla, Emely Poulsen, sum eisini sat í bygdarráðum, doyði av ólekiligari sjúku í síðsta mánaði, og hon hevði sein­astu tíðina eykamann sit­ andi fyri seg í bygdarráðnum. Ingi G. Olsen, sum var upp­ stillaður seinast og var eyka­ maður í bygdarráðnum, tók sessin hjá Emely Poulsen í august, og hann stillar eisini upp aftur á kommunuvalinum hesa­ferð. Ikki nýggj avgerð Mikkjal Sørensen sigur, at tað eru eini tvey ár síðan, at hann fór at hugsa tankan um ikki at stilla uppaftur hesaferð. Men, tað er formelt ikki fyrr enn nú, listarnir eru latnir inn, at støðan er endalig. - Eg føldi, at eg skuldi gevast nú, so eg angri ikki mína avgerð. Nú gleði eg meg til at gerast leysur. Hetta hava verið nøkur fantastisk ár, og mær hevur dámt ógvuliga væl at verið her. Eg vóni og vænti, at tað eru góð fólk, sum koma at taka eftir, og eg vóni virkuliga, at tað fer at gangast kommununi væl fram­ eftir. Borgarstjórin vísir á, at á kommunuvalinum í 2016 fekk listin, sum hann var á, fýra um­ boð, og síðan fekk hin listin eitt umboð, sum var Emely Poul­ sen, sála. - Eg haldi, at vit øll hava havt eitt gott samstarvi hesi árini, sigur Mikkjal Sørensen. Tá hann verður spurdur, hvat hann fegnast mest um hesi árini, hann hevur verið borgarstjóri, sigur hann soleiðis: - Eg fegnist um alt tað, sum fólk eru glað fyri. Nýtt frítíðarskúlatilboð Í skúlanum í Porkeri ganga næmingar úr 1. flokki til og við 7. flokk, og her eru einir 30-35 skúlanæmingar. Talið av næmingum hevur verið rími­ liga støðugt hesi seinnu árini, onkun­tíð nakað minni, og síðan er talið vaksið aftur. - Vit hava eisini eina dagrøkt við dagrøktarmammum í bygd­ ini, og hesar hava eisini høvi at vera saman við øðrum dag­ røktar­mammum og børnum í ein­um húsum, sum kommunan eig­ur. Upprunaliga er hetta ein gamal banki. Mikkjal Sørensen vísir á, at í dagrøktarskipanini eru um­leið 25 børn, og tí eru dag­røkt­ar­ mamm­ur og børn líka sum býtt upp í tvey, soleiðis at øll ikki eru í húsunum í senn. Helvtin av børnunum er tveir dagar um vikuna - og hin helvtin er so aðrar tveir dagar. - Hetta hevur riggað rímiliga væl, heldur borgarstjórin. Eftir summarfrítíðina í ár byrjaði Porkeris kom­mu­ na eisini eitt nýtt frí­tíðar­ skúla­tilboð í húsum, sum kom­mun­an hevur leigað, og borgar­stjórin fegnast um, at undir­tøkan fyri tilboðnum hevur verið rættiliga góð. - Vit hava merkt, at tørvur var á einum slíkum tilboði. Í fleiri førum arbeiða foreldrini aðra­staðni, og tað er sjálvsagt ein tryggleiki hjá foreldrunum at vita, at børnini, sum ganga í yngstu flokkunum, hava eitt slíkt tilboð, til foreldrini eru heima aftur út á seinnapartin. Nú vita foreldrini, at starvsfólk heinta børnini í skúlanum, og at børnini eru í tryggleika, meðan arbeiðsdagur er, sigur hann. Nýggj grundstykki Tað er langt ímillum, at nøkur sethús verða bygd í Porkeris kom­munu, men herfyri skriv­ aði kommunan út eitt nýtt byggiloyvi til fólk, sum fara at byggja. - Vit eiga nøkur fá grund­ stykki eftir, sum liggja í einari út­stykking, sum er nøkur ára gomul, men nú verður so eisini arbeitt við einari nýggjari ætlan, har pláss verður fyri eini 6-8 nýggjum grundstykkjum. Tey verandi grundstykkini og tey nýggju, sum nú kunnu fáast aftrat, liggja á hvør sín­ um plássi í bygdini. Men, tað verður so nýggja bygdarráðið, sum kemur at fremja nýggju út­stykk­ingina í verki. Mikkjal Sørensen vísir á, at projekteringin av vegnum til nýggja økið, sum kommunan hevur átt í fleiri ár, er komin undir land. - Tað hava verið fáir fyri­ spurn­ingar um bygging seinnu ár­ini, men seinastu tíðina hevur tað víst seg, at ein ávísur áhugi er aftur, sigur hann. Væl fyri fíggjarliga Nú borgarstjórin skjótt fer at lata stafettina víðari til onnur, veit hann at siga, at fólkatalið í kommununi hevur verið rími­ liga støðugt seinnu árini, og í dag búgva millum 315 og 320 fólk í Porkeri. - Fíggjarliga er kommunan væl fyri, og her er lutfalsliga lítil nettoskuld. Vit hava roynt at goldið niður á skuld, og eg haldi, at hetta hevur eydnast okk­um væl. Tað skuldi so eisini verið ein fyrimunur fyri tey, sum koma at taka eftir, at kom­ munan ikki er tyngd av skuld. Mikkjal Sørensen vísir á, at Porkeris kommuna hevur fingið nýtt og vælskipað rusk­ pláss, og kommunan hevur eisini brúkt nógvan pening til um­væling av skúlanum. - Vit hava gjørt nógv við kloakkirnar í hesum valskeiði, og nú byrja vit at síggja ein enda á hesum arbeiði, sum skal gerast, men sum annars ikki sæst í kommununi. Eg fegnist um, at spillivatnsætlanin nú nærk­ast endanum. Her hevur verið nógv um at farið, og hetta hevur verið drúgt, sigur hann. Bankamaður í fleri ár Mikkjal Sørensen býr í Porkeri, men í sínari tíð, tá hann lærdi í Sjóvinnubankanum miðskeiðis í sjeytiárunum, búði hann í Havn í nøkur ár. Hann byrjaði bankaleiðina á Tvøroyri hin 1. sep­tember í 1973 og fór síðan til Havnar í 1974. Hann flutti suður aftur, tá bankin læt upp í Vági í 1978. Mikkjal Sørensen starvaðist eisini 19 ár í Suðuroyar Spari­ kassa, har hann var stjóri í fleiri ár. GLEÐIR SEG TIL AT GERAST LEYSUR AFTUR - Hetta hava verið nøkur fantastisk ár, og mær hevur dámt ógvuliga væl at verið her, sigur Mikkjal Sørensen Tað stendur væl til fíggjarliga í Porkeri, og kommunan hevur lítla nettoskuld. – Eg fegnist um alt, sum fólk eru glað fyri, sigur borgarstjórin Mikkjal Sørensen, sum hevur verið borgarstjóri seinastu tríggjar seturnar, gevur nú stafettina frá sær