týsdagur 3. november 2020síða 30

KOMMUNUVAL 2020 MIKUDAGUR 4. NOVEMBER 2020 · NR. 77 Sosialurin 30 Í Hvalba verður sæð rættuliga ljóst uppá framtíðina, nú nýggjur tunnil kemur og havnin verður endurbygd Árni Gregersen Hvalba er ein av teimum meðal­stóru kommununum í Før­oy­um við á leið 690 fólkum, har umleið 80 teirra búgva í Sandvík, meðan restin býr í Hval­ba og í Nesi. Tunlarnir millum Trongis­ vág og Hvalba og millum Hval­ ba og Sandvík eru teir elstu í Føroyum og tí sjálvandi ikki serliga hóskandi til nútíðar ferðsluna. Serliga hava vit ofta hoyrt um, at tunnilin milllum Hvalba og Trongisvág er ein forðing fyri vinnulívið í Hvalba. -Tað mugu vit ásanna, at so er, men nú er loysnin fyri framman, sigur Janus Thom­ sen, borgarstjóri í kommununi. -Eg havi ikki enn fingið ein dato fyri nær nýggi tunnilin letur upp, men tað verður eina­ferð tíðliga í vár. Tað fer at broyta atkomuviðurskiftini til bygdina munandi og verður ein lætti og ein stórbroyting fyri vinnulívið í bygdini, sigur Janus Thomsen. Tað er byggifyritøkan Arti­ con, sum ger tunnilin millum Hvalba og Trongisvág. -Ikki bert verður farleiðin mill­um bygdirnar gjøgnum fjall­ið munandi betri, men vit sleppa eisini undan at fara so langt niðan. Tað merkis minni hálku og minni kava á vegnum, leggur hann afturat. Havnin Havnin í Hvalba fekk stóran skaða í uppgangi og ódnarveðri. Brim­verjan fór og endaði inni í sjálv­ari havnini. Tað var beinanvegin stað­ fest, at her var talan um so stóran skaða, at okkurt ser­ ligt mátti gerast fyri at endur­ buggja havnina. -Tíbetur eydnaðist okkum rættuliga skjótt at fáa grótið tikið uppaftur úr havnini. Arti­con var á staðnum og gjørdi arbeiðið, men sjálv endurbyggingin var eitt annað mál. Fyri tað fyrsta fór kom­ munan undir at gera kann­ing­ ar, so endurbyggingin verður gjørd á ein slíkan hátt, at hon fer at halda – eisini í nógvum brimi. Modellroyndir og simul­er­ ingar vóru gjørdar, so til bar at síggja, hvussu aldan ferðast og hvar brimgangurin er ógvuslig­ ast­ur. -Tað er gjørt og arbeiðið at gera havnina, verður boð­ið út fyrsta dagin, sigur borgar­ stjórin. Tað er Landsbyggifelagið, sum stendur fyri hesum. Men kommunan var í teirra støðu, at tá ið hon fer at byggja havn­ina uppaftur, so noyðist hon at læna pening, so skuldin í kommununi fer upp um eina álíkning, sum annars er mark­ ið fyrim, hvussu nógv ein kommuna kann skylda. -Men vit hava tosað við fíggjarmálaráðið og hava fingið loyvi til at fara uppum mark­ið, so nú er fíggingin eisini fingin uppá pláss, sigur Janus Thom­ sen. Barnagarðurin Ein nýggjur barnagarður var tikin í nýtslu í bygdini í 2017. -Tað kostaði kommununi einar 17 milljónir, men meira enn helvtin av tí íløguni eru aftur­goldin, sigur borgar­ stjórin. Fíggjarætlanin hjá kom­ mun­uni javnvigar við eini 27 milljón­um, Tað er eisini gjørdur eina báta­hylur. Han er gjørdur við av­lops­gróti úr tunlinum. -Ja, vit hildu at tað var rætt, at vit brúktu grótið sum var til taks til okkurt skilagott, heldur enn at leggja tað á goymslu ella tyrva tað. Uppá hendan mátan spardi kommunan einar sjey milljónir krónur, sigur Janus Thom­sen. Han leggur afturat, at tey eru liðug at gera spillvatnsskipan í Nesi og bert eitt sindur er eftir at gera í Hvalba. Hann vísir eisini á, at Bakka­frost er komin at ala á fjørðinum og hava eina land­ støð. Alt hetta er við til at skapa arbeiðspláss og geva fleiri undirveitarum ymiskt at gera. Hvalba ger eisini um seg á vinar­býarøkinum. Rollag vestanfyri Oslo í Noreg er vinarbýur við Hvalba - eitt vinarbýarsamstarv, sum borgar­tjórin væntar fer at geva íblást­ur í bygdini. Sjey fólk sita í bygdaráðnum í Hvalba. NÝGGJUR TUNNIL OG HAVNABYGGING BROYTA FORTREYTIRNAR Í HVALBA