týsdagur 10. november 2020síða 40

Mikudagur 12. november 2020 24 Sosialurin Bókajól HVØRJAR BØKUR LESA FÓLK? SOSIALURIN HEVUR SPURT NØKUR FÓLK, HVØRJAR BØKUR TEY LESA, UM TEY YNSKJA SÆR BØKUR Í JÓLAGÁVU, OG SO HAVA VIT EISINI SPURT, UM TEY HAVA NAKRA MEINING UM DYGDINA Í FØROYSKUM BÓKUM LESUR TÚ NÓGV, FØROYSKT ELLA ÚTLENDSKT? - Fyri tíðina lesi eg ikki so nógv, tí stundir eru ikki til tess. Men, mær dám­ ar sera væl at lesa. Lesi bæði føroyskar og útlendskar bøkur - yrkisbøkur, ævi­ søgur, skaldsøgur, stuttsøgur og yrk­ing­ ar. Serliga væl dámar mær yrkingarnar hjá J.H.O. Djurhuus. Pápi mín bað meg lesa bøkur hjá Stefan Zweig, men enn eri eg ikki farin í holt við tær bøkurnar. Johannes Møllehave dámar mær sera væl. HVØRJA BÓK LESUR TÚ JÚST NÚ? - Júst nú lesi eg tvær bøkur, Åsne Seier­ stad: “En av os”, sum er um Anders Behring Breivik, og so lesi eg eisini, Gracia Burnham: ”To fly again” um Gracia og Martin Burnham (Trú­boð­ara­ par), ið vórðu tikin til gíslar í Filipin­un­ um í eitt heilt ár, og hann varð dripin. Hvørja bók ynskir tú tær í jólagávu? - Bókina hjá Sólrun Michelsen: “Ein tátt­ur er silvur”, og so ynski eg mær eisini “Ditte menneskebarn” hjá Martin Ander­sen Nexø, ið eg las sum ung. HEVUR TÚ NAKRA MEINING UM DYGDINA Í FØROYSKUM BÓKUM? - Eg lesi ikki allar bøkurnar, sum koma út á føroyskum, men tað hevur alstóran týdn­ing, at bøkur koma út á okkara móður­máli. Sum fólkaskúlalærari plagi eg at minna næmingarnar á at lesa nógv á før­oyskum, so tey ogna sær eitt gott og ríkt mál. OG KATRIN DAGBJARTSDÓTTIR SIGUR VÍÐARI: - Annars dámar mær sera væl bókina hjá Oddfríði Rasmussen, “Ikki fyrr enn tá”. Slepti ikki bókini, fyrrenn hon var liðug. Sama var við bókini, “Glasgentan”, sum Karen Dyhr og Marianne Holmen hava skrivað og sum Malan Háberg hev­ ur umsett so sera væl. At lesa um trupul evni á egnum máli er so gevandi, og eg gleðist stórliga um, at nógvar bøkur koma út á okkara egna máli, sigur hon. LESUR TÚ NÓGV, FØROYSKT ELLA ÚTLENDSKT? - Eg lesi nógv, serliga føroyskt, men eisini útlendskt. HVØRJA BÓK LESUR TÚ JÚST NÚ? - Beint nú lesi eg “Den skjulte vestkyst”, sum Stine Troldtoft Andersen hevur skrivað. HVØRJA BÓK YNSKIR TÚ TÆR Í JÓLAGÁVU? - Eg ynski mær bókina, sum Jóan Pauli Joensen hevur skrivað, “Í stovuni sofu, í køki komfýr”. Bókin lýsir, hvussu vit hava búð og búleikast í Føroyum frá miðøld til 1960, har serligur dentur verður lagdur á tíðarskeiðið millum 1800 og 1960. HEVUR TÚ NAKRA MEINING UM DYGDINA Í FØROYSKUM BÓKUM? - Eg haldi, at dygdin í føroyskum bókum er góð, sigur Jóhanna Petersen. LESUR TÚ NÓGV, FØROYSKT ELLA ÚTLENDSKT? - Eitt sindur av báðum. HVØRJA BÓK LESUR TÚ BEINT NÚ? - Yrkingasavnið eftir Jóanesi Nielsen, “Rakkaljóð”. HVØRJA BÓK YNSKIR TÚ TÆR Í JÓLAGÁVU? - “Ikki fyrr enn tá” eftir Oddfríða Rasmussen. HEVUR TÚ NAKRA MEINING UM DYGDINA Í FØROYSKUM BÓKUM? - Eg hugsi, at vit halda eina góða kós, sigur Jógvan Tróndarson. LESUR TÚ NÓGV, FØROYSKT ELLA ÚTLENDSKT? - Eg lesi bæði føroyskt og útlendskt. HVØRJA BÓK LESUR TÚ JÚST NÚ? - Eg lesi bókina, “Fra Naturens spis­ kammer”. Hetta er norsk bók við Nina Dreyer, Jim Hensley og Anne Mæhlum. Bókin snýr seg um at fara út í náttúruna og brúka av tí, sum náttúran hevur. HVØRJA BÓK YNSKIR TÚ TÆR Í JÓLAGÁVU? - Tá Sundaberg sakk. HEVUR TÚ NAKRA MEINING UM DYGDINA Í FØROYSKUM BÓKUM? - Tað er nógv gott skrivað á føroyskum. Vit eru jú bert 52.000 sálir, sigur Disa Christiansen. KATRIN DAGBJARTSDÓTTIR: JÓHANNA PETERSEN: JÓGVAN TRÓNDARSON: DISA CHRISTIANSEN: Myndina av Katrini Dagbjartsdóttir eigur Símun á Høvdanum