týsdagur 17. november 2020síða 6

Mikudagur 18. november 2020 · Nr. 81 6 Sosialurin Hugskot og viðmerkingar – send sms til 225000 TÍÐINDI Steinar Patursson Tórshavnar kommuna hevur í ár avrátt at leggja skoytubreytina í Vágs­ botni. Seinastu árini hev­ur skoytubreytin hild­ið til í gamla kom­munu­skúla­ garðinum uttan fyri býráðshúsið, men í sam­ bandi við menn­ing­ar­til­ gongdina í miðbýnum er gjørt av, at Vágsbotnur skal royndarkoyrast sum stað­seting fyri skoytu­ breytini í ár. Sum avleiðing av, at skoyti­breytin verður løgd í Vágsbotn, verður ferðslan í økinum eisini nógv avmarkað, og at síggja til fer hetta at vera til stóran ampa hjá bil­ førarum. Sambært ferðslu­ ætlan­unum hjá Tórs­ havn­ar kommunu verður ferðslu­forðing sett upp við trappuna í Vágsbotni, so eingin ferðsla verður millum Vágsbotn og mið­ býin. Ferðslan verður eins­rættað frá Tórsgøtu niðan eftir Mylnugøtu á Vaglið, og ferðslan eft­ ir Vágsbotni og út und­ ir Bryggjubakka verður bert fyri vøru­koyr­ ing og teirra, ið hava parkeringsloyvi. Eftir ætlan verður koyr­ing­in út undir Bryggju­bakka skip­að við bumm­skipan, sum skal virka við skrá­ settum tele­fon­numr­um. Eisini verður ferðslu­ forðing á Bryggjubakka, sum kortini ikki ger stór­an mun fyri vanligu ferðslu­na, tí vanliga ferðsl­an sleppur ikki út har frammanundan. Íbúgv­ar á Reyni verða tí noyddir at koyra eftir Húsa­gøtu, ynskja teir at sleppa heim við bilinum. Sum dømi kann nevn­ ast, at kemur tú koyrandi eftir Kongabrúnni og skalt yvir á P-økið á Skála­trøð, verður tú noydd­ur at koyra nið­an á Sverris­gøtu eftir Ting­ hús­vegnum, síðan allan vegin eftir Sverrisgøtu til Doktara Jacobsensgøtu, við endan á Doktara Jacbsens­gøtu mást tú sneiða 180 stig oman eftir Gríms Kambansgøtu, út á Bøgøtu og oman á Skála­ trøð. Heldur fram í góðar átta vikur Hóast arbeiðið at seta upp skoytubreytina er farið í gongd, er ikki heilt greitt, nær skoytubreytin skal lata upp, og hvussu leingi hon skal standa opin. Í sam­bandi við ferðsluna hevur upplatingin ikki so nógv at siga; fyri­bils­ ferðsluætlanin, sum er galdandi fyri tíðarskeiðið, har skoytubreytin skal setast upp, er longu gald­ andi, og hon er so at siga tann sama, sum ferðslu­ ætlan­in fyri tíðarskeiðið, meðan skoytubreytin er opin. Sigurð Ólason Vang, menta­málaleiðari í Tórs­ havnar kommunu, sigur, at tað er ikki heilt greitt, nær skoytubreytin letur aftur aftur, men roknað verður við í seinnu helvt í januar. Eftir ætlan skal skoytubreytin hava opið í um átta vikur. Stórur ferðslu­ trupulleiki í Havn Samstundis sum at ferðslan verður broytt í Vágs­botni, eru framvegis nógvar aðrar vegagerðir í gongd í Havn. Arbeiðið upp á vegin við Blómubrekku er enn ikki komið á mál, ar­beitt verður upp á at gera inn­komuvegin í sam­ bandi við nýggja Skúlan á Fløtum, og Fjar­hita­ felagið er farið undir at grava Landavegin upp frá rundkoyringini á Frælsi­ num oman móti býnum - eitt arbeiðið, sum verður gjørt í fleiri stigum og sum skal halda fram til ársenda komandi ár. Rani Wardum, sum situr í ferðslunevndini í Tórs­havnar kommunu fyri løgregluna, ásannar, at ferðslubroytingarnar í Vágsbotni koma illa við, meðan ferðslan í Havnini sum heild er, sum hon er. Skal skoytibreytin hin­ vegin vera í Vágsbotni, sum kommunan vil hava, er neyðugt at steðga ferðslu­ni har, ger Rani Wardum greitt. – Ein skoytubreyt virk­ ar ikki saman við ferðslu. Bilar skulu ikki koyra beint framvið, har børn­ ini eru. Tað er mitt um vet­urin, og tað er myrkt. – Tað var so kravið frá okk­um og løgregluni, at tað mátti vera so, sigur Rani Wardum. Rani Wardum leggur tó aftrat, at hann eisini kravdi, at loysnin við ferðslu­steðginum skuldi takast upp til eftirmeting, tá skoytubreytin hevur latið aftur, tí hann vænt­ ar, at loysnin í Vágs­botni kann fáa ov stórar av­leið­ ingar fyri ferðsluna. Enn fleiri ferðslu­ forðingar í Havn Í ár verður skoytubreytin í Havn flutt oman í Vágsbotn, og av tí sama verður eingin ferðsla úr Vágsbotni niðan á Vaglið. Frammanundan er ferðslan í Havn illa sperd, tí dagføringar og ábøtur verða framdar á vegir fleiristaðni í býnum