týsdagur 17. november 2020síða 16

Mikudagur 18. november 2020 · Nr. 81 16 Sosialurin Hugskot og viðmerkingar – send sms til 225000 GUNNAR YVIRHÁLAR SØLVA Sølvi Vatnhamar segði eftir dystin móti Litava, tá yngri bróðurin skoraði sítt fyrsta landsliðsmál, at Gunnar ikki er ein, ið reypar. Um tað er skrøgg ella ei skal verða ósagt, men Gunnar Vatnhamar kann nú reypa, tí hann hevur skorað tvey mál á landsliðnum, sum er eitt fleiri enn navnframi bróðurin Tróndur Arge Við einum framúr stútara tryggjaði leirvíkingurin, Gunn­ ar Vatnhamar, Føroyum eitt stig í Nations League lands­ dysti­num móti Lettlandi í Dau­gava. Lettland var á odda í tveir minuttir tíðliga í seinna hálvleiki, men so skallaði Gunnar Vatnhamar bóltin í málið annan dystin í upp slag. Hann skoraði fyrst í venj­ ingar­landsdystinum móti Litava. Tá var tað eftir eitt hegnis­ligt saksaspark frá Hilmari Leon Jakobsen, sum saman við Andreas Lava Ol­sen, er uppruna jokarnir á lands­ liðnum. Gunnar Vatnhamar, sum hevur spælt í miðverjuni hjá Víkingi í ár, hevur eisini vunn­ ið sær pláss í landsliðnum hópi­num. Hann hevur vunnið seg fram sum enn ein jokari, ið Håkan Ericson kann brúka, tá vit skulu órógva verjuna hjá mót­støðuliðnum. Tað hevur verið eitt ringt at sæð júst hvønn leiklut hann skal spæla. Hann hevur tveir lands­dystir á høgra bakki, men kom inn á miðvøllin móti Lettlandi á Tórsvølli. Hesa ferð spældi hann skiftivís á vinstra og høgra miðvøllinum. Tómrúmið eftir Halli Hans­ syni og Brandi Hendrikssyni á miðjuni er stórt, men bleiv loyst væl at millum annað Gunn­ari Vatnhamar og Rógva Baldvinsson. Teitur framum Gunnar Håkan Ericson valdi, at Teitur Matras Gestsson skuldi verja føroyska málið. Eingin ivast í, at Teitur var besti málverjin í føroysku kappingini í ár, og at hann átti stóran lut í, at HB vann FM. Tað merkisverda er, at hetta er fyrsta ferðin yvirhøvur, at málverjin hjá HB er tikin framum Gunnar Nielsen í kapp­ing­ar­dysti, tá ið báðir mál­verjarnir eru tøkir. Í fleiri ár hevur Gunnar Nielsen verið roknaður at vera fyrsta val. Teitur M. Gestsson hev­ur higartil spælt tíggju lands­ dystir, og hann hevur verið mál­verji í teimum fýra lands­ dyst­unum í heyst – í venj­ingar­ dystinum ímóti Danmark (0-4) og Nations League dystunum ímóti Andorra (1-0), Lettlandi (1-1) og Andorra (2-0). Gunnar Nielsen vardi málið í Nations League á heimavølli 3. september ímóti Malta (3- 2). Koronan er orsøkin til, at hann var noyddur at geva av­ boð til teir fýra dystirnar, sum síðani hava verið í heyst, og koronan er orsøk til, at hann ikki hevur spælt í íslendsku lands­kappingini síðani fjórða oktober. Hann vardi føroyska máið fyri 59. ferð í 2-1 tapinum ímóti Litava mikukvøldið. Fjórði javnleikurin á rað Hetta var fjórða ferðin á rað, at landsdystur millum Føroyar og Lettland endar við javnleiki. Hálv­ leiksstøðan var málleysur javn­leikur. Bæði málini vóru skorað eftir heilt lítlari løtu, tá ið ein tími var farin. Eftir fríspark úr høgru setti Lettland hol á. Bólturin endaði í vinstru, har Vladimirs Kamešs fluktaði inn við nærra stólpa. Før­oysku spælararnir vildu hava, at talan var um rangstøðu, men helst var Viljormur David­sen ein fót aftanfyri hinrar. Sekund­ vísarin hevði bara verið einaferð runt, so var støðan 1-1. Fínt álop endaði við, at Viljormur Davidsen, sum aftur var liðskipari, legði inn­fyri úr vinstru, og handan hand­ara stólpan stýrdi Gunnar Vatn­ hamar við høvdinum bóltin í bleytum boga omanfyri mál­ verjan og í handara síðunetið. Nógvir deyðbóltar Sum heild var talan um dyst við nógvum fríspørkum. Heima­liðið gjørdi 16 fríspørk, meðan okkara gjørdu 12. Hartil vóru nógvir deyðbóltar við hornaspørkum og innkøstum. Tað tók eina løtu hjá okkara monn­um, at byrjar at vinna luft­dystirnar í brotsteiginum hjá teimum, men sum dysturin gekk blivu okkara spælarar djar­vari og djarvari. Bæði mál­ini koma eftir støður við deyð­bóltum. Sonni Ragnar Nattestad sá gula kortið í seinna hálvleiki. Hetta var onnur ferðin í hesi kappingini, at Sonni Ragnar sá gula kortið, og harvið verður hann leikbannaður týskvøldið móti Malta. Longur fram á vøllin Sermerkt við fleiri av støð­ unum í dystinum móti Lett­ landi er, at føroyska liðið stendur langt frammi á vølli­ num, tá trýst verður lagt á uppspælið hjá Lettlandi. Mangan hevur luturin hjá før­oyska landsliðnum verið at verja egna hálvu og egnan b r o t s ­ teig, men við nýggja venjara­ toyminum er ein greið ætlan um, at føroyska liðið skal standa longur frammi á vølli­ num, tá vit vinna bóltin. Hetta riggaði avbera væl. Stórt rós til mið­vøllin, sum implementeraði nýggja spælistílin væl í verju­ støðum. Týskvøldið verða Brandur Hendriksson og Hall­ ur Hansson tøkir aftur, eftir at teir leygardagin vóru leik­bann­ aðir. Nú verður áhugavert at síggja, hvussu Håkan Ericson bland­ar kortini til dystin móti Malta týskvøldið. Hesin dyst­ urin prógvaði, at Rógvi Bald­ vinsson er klárur at spæla á landsliðnum og at Gunnar Vatnhamar er ein eins góður jokari, sum Andreas Lava Olsen og Hilmar Leon Jakobsen. trondur@sosialurin.fo Við tveimum málum í tveimum dystum, hevur Gunnar Vatnhamar víst seg sum nýggi jokarin á føroyska landsliðnum. Føroyar, sum vóru uttan fleiri av størstu profilunum, komu væl frá dystinum í Daugava, sum endaði 1-1 Fótbóltur Dysturin hesa vikuna... Lettland – Føroyar 1-1: GUNNAR GUNNAR ER ER NÝGGI JOKARIN NÝGGI JOKARIN