týsdagur 17. november 2020síða 26

SOSIALURIN NOVEMBER 2020 6 KVEIK Vilmund Jacobsen - Lýsingagrein - Tað er stórur munur á, at nógv fleiri mála við litum í dag. Hetta hevur rættiliga vundið upp á seg. Tað er ikki bara í barnakømrum, at vit síggja litir og ymiskt pynt á veggi­ num. Nú síggja vit oftari, at onkur veggur í stovuni ella í baðirúminum hevur ein lit sum brýtur av. Tað eru eisini tey, sum eru farin at mála og seta litir á møblar og stólar, soleiðis at alt ikki bara er hvítt longur. Tað sigur Janus úr Dímun, sum stívliga trý ár hevur starvast á málingadeildini hjá Balslev, sum eisini er hansara ábyrgd­arøki í stóru fyritøkuni í Hoyvík. MEIRA LJÓS Nógv av teimum nýggju ella dagførdu húsunum hava aftur stór vindeygu, og hetta gevur sjálvandi eisini meira ljós inn í rúmini og kanska serliga inn í stovuna. - Tá fólk seta litir á, síggja vit ofta, at grønt, blátt, turkis og heitir brúnir litir ganga aftur. Vit kunnu siga, at hetta eru frið­arligir litir, og partvís eisini jarðlitir. Janus úr Dímun heldur fyri, at føroyingar sjáldan leypa fram av, tá ræður um at seta litir á, men nú sæst so ein veru­lig broyting, tí tað er ikki alt líka hvítt longur, sum tað hevur verið í fleiri ár. - Eg vil meta, at eini 60-70 av rúmunum í einum húsum eru ljós, og síðan síggja vit aðrar mattar og bleytar litir sum stillisliga bróta av, sigur hann. MATT OG GOTT Janus úr Dímun vísir á, at ofta hevur verið sagt um matta mál­ing, at hon er verri at vaska, og dálkast verri enn máling, sum hevur hægri glans. - Men, soleiðis er tað ikki longur. Nú er máling framleidd soleiðis tøkniliga, at hon leggur seg slættari og á ein heilt ann­an hátt, og hon tolir væl vasking. Vit selja Dyrup-máling, ið er donsk og mest selda máling í Danmark, og Dyrup eigur eisini Gori, ið serliga er kent fyri sína uttanduramáling. Janus úr Dímun vísir á, at á heimasíðuni hjá Dyrup ligg­ ur forrit, har fólk kunnu seta myndina av egnum rúmi inn, og síðan kunnu fólk síggja, hvat tey halda riggar best. NÚ SÆST EIN VERULIG BROYTING - Ofta hevur verið sagt um matta máling, at hon er verri at vaska, og dálkast verri enn máling, sum hevur hægri glans. Men, soleiðis er tað ikki longur, sigur Janus úr Dímun á málingadeildini hjá Balslev