hósdagur 19. november 2020síða 30

FRÍGGJADAGUR 20. NOVEMBER 2020 SOSIALURIN 82 30 NÆSTHÆGSTA STIGATAL Føroyska U21-landsliðið kláraði at fáa níggju stig í hesi EM-undankappingini. Øll komu í 2020. Tað er næstmest fyri eitt U21-landslið. Metið eigur U21-landsliðið frá 2011, sum við millum annað sigri á Russlandi megnaði at fáa 11 stig. TRÓNDYUR ARGE F øroyska U21-landsliðið hevur sett eitt flott punkt­um fyri EM 2021 undan­kappingina. Tað bleiv gjørt við einum 3-2 sigri á Kasakstan. Føroyska liðið var eitt skifti á odda 3-0 við málum frá Stefani Radosavlejvic, Peturi Knudsen og Jonn Johannesen. Sigurin merkir, at vit yvirhála Montenegro á stigatalvuni. Føroyar hava undir leiðslu av Sámal Eriki Hentze fingið níggju stig í seks dystum sum U21- lands­liðsvenjari. Føroyar hava vunnið á Ísrael, Montenegro og Kasakstan. Sermerkt fyri Kasakstan, sum hevur tíggju stig í bólkinum, er at teir hava fingið øll stigini á útivølli. Føroyska liðið hevur vunnið tveir heima og ein úti. Kalt í Kasakstan Tað vóru tvey kuldastig, tá ser­ biski dómarin, Lazar Lukic, bríks­laði U21-landsdystin millum Kasakstan og Føroyar í gongd á Kazhimukan Munayt­ pasov leikvøllinum í Shymkent. Sjálvur vøllurin sá meiri út sum ein sandvøllur, enn ein gras­ vøllur, men tað ávirkaði ikki gestirnar úr Føroyum. Sámal Erik Hentze hevði valt Róa M. Hentze í mál. Ari Olsen, Samuel J. Chukwudi, Andrias Edmundsson og Daniel Johansen í verjuni. Á miðjuni var Jákup B. Andreasen verjukendur, meðan Stefan Radosavljevic var meiri málsøkjandi við sínum renn­ ingum. Pætur Petersen og Lukas Giessing vóru á síðunum, meðan Petur Knudsen og Jonn Johannesen byrjaðu í álopinum. U21 landsliðið stóð seg væl frá byrjan, har okkara ungu menn høvdu gott tamarhald á álops­partinum hjá Kasakstan. Eyð­kent hevur verið fyri liðið undir Sámal Eriki Hentze, at tað er væl skipað og tað verður arbeitt hart frá fremsta manni og aftur. Tá sást eisini hesaferð. Føroyar á odda 3-0! Kasakstan hevði torført við at koma til málmøguleikar, meðan okkara vóru snidlir, dugnaligir og sinnaðir at bjóða av við bólti. Tí kom føroyska liðið í nakrar góðar álopsstøður. Tað var eftir eina av teimum, at Stefan Radosavlejvic eftir tjúgu minuttir kundi leggja Føroyar á odda 1-0, eftir uppsæl í vinstru. Kasakstan er nakrar ferðir í okkara brotsteigi, men helst er før­oyska liðið nærri at økja fyri hálv­leik. Bæði Petur Knudsen og Lukas Giessing koma í góðar støður, har fyrrvendi kom til skot, sum fór dygst uppum. Seinni hálvleikur var bara fimm minuttir gamal, tá lið­ skiparin á liðnum, Petur Knud­ sen, økti til 2-0. Tað var dribb­ ling frá Jonn Johannesen, har runavíkingurin tók yvir, tá klaksvíkingurin var um at blíva fang­aður. Petur Knudsen bleiv púra leysur og sendi bóltin í málið til 2-0. Tá 64 minuttir vóru spældir bleiv tað eisini til 3-0 við máli, sum Jonn Johannesen skoraði. Hann rak seg fyrst leysan og royndi seg við skoti, men mál­ verjin bjargaði. Síðani royndi Ari Olsen seg við skoti útifrá. Aftur bjargaði málverjin, men hesa ferð beint fyri føturnar á Jonn Johannesen, sum skoraði til 3-0. Kasakstan svarar aftur Nú sá gott út, men sjálvt um Kasak­stan hevði trupult við at koma til stórar málmøguleikar, so fingu teir tvey mál. Bæði hava eitt feril av hepni og mistøkum frá føroyskari síðu. Ramazan Kari­mov minkaði um munin, tá Rói M. Hentze og Samuel J. Chuk­wudi rendu saman. Tá var lætt hjá Ramazan Karimov at skora. Løtu seinni fekk Kasakstan eitt avbera bíligt brotsspark, sum Oralkhan Omirtayev um­ setti til mál Móti dystarenda komu Ragnar Samuelsen, Hjalti K. Djur­huus, Hanus Sørensen og Arn­bjørn Svensson á vøllin. Tað var onkur spent støða, men Jákup B. Andreasen var eisini nær við at økja til 4-2. Við sigrinum hevur Føroyar yvir­hálað Montenegro á stiga­ talvuni. Føroyar hevur níggju stig á fimta plássi, meðan Monte­negro endar á sætta plássi við sjey stigum. TRONDUR@SOSIALURIN.FO Við málum frá Stefani Radosavlejvic, Peturi Knudsen og Jonn Johannesen yvirhálaðu Føroyar Montenegro í seinasta svinginum í EM-undankappingini. Føroyar eitt skifti á odda 3-0, men tað endaði við 3-2, eftir tvey bíligt mál Fótbóltur Dysturin hesa vikuna... Kasakstan – Føroyar 2-3: U21 SETTI U21 SETTI PUNKTUM PUNKTUM VIÐ VIÐ SIGRI Í KASAKSTAN SIGRI Í KASAKSTAN Dysturin í tølum: Kasakstan-Føroyar Mál: 2-3 Skot: 18-13 Skot á mál: 7-9 Horna: 4-3 Rangstøður: 1-1 Gjørd fríspørk: 12-13 Gul kort: 2-3 EM-undankappingin: Føroyar í tølum Mál: 11 Skot: 79 Skot á mál: 37 Skot við síðuna av: 24 Skot blokeraði: 18 Hornaspørk: 23 Málmansbjargingar: 38 Gjørd fríspørk: 120 Vunnin fríspørk: 98 Gul kort: 18 Reyð kort: 0 Bólkur 6: 1: Spania 28 2: Norðurmakedonia 18 3: Ísrael 13 4: Kasakstan 10 5: Føroyar 9 6: Montenegro 7