týsdagur 28. desember 2004síða 9

Nr. 249 - 29. desember 2004 9 Hóast fleiri av hennara starvsfeløg- um í hárfríðkanar- yrkinum eru ørg um kodapengarnar, hev- ur eigarin av Salong Viviann, Viviann Slyne, ikki stórvegis trupulleikar av kravinum frá Koda. -Verða kodapengarnir umsitnir rætt og fara til tey røttu fólkini, gjaldi eg fegin, tí pengarnir fara til eitt gott endamál, sum er at stuðla føroyskum tónleikarum, sigur Viviann Slyne KODAPENGAR Páll Holm Johannesen pall@sosialurin.fo Seinasta árið hava fleiri hárfríðkanarstovur í høv- uðsstaðnum verið í opnum stríði við felagsskapin Koda, sum umsitir upp- havsrættindi hjá tón-lista- fólki. Koda hevur kravt av hárfríðkanarstovunum, at tær rinda kodapengar fyri at lata viðskiftafólk lurta eftir útvarpinum, meðan tey fáa hárið gjørt. Hetta krav hev- ur elvt til stóra misnøgd millum hárfríðkanarstov- urnar. Tað eru kortini ikki allar hárfríðkanarstovur í høv- uðsstaðnum, sum halda at kravið frá Koda er órímul- igt. Ein teirra er Viviann Slyne, sum eigur Salong Viviann. Seinastu fýrá árini hevur hon á hvørjum ári latið Koda 3000 krónur fyri at hava útvarpið standandi frá í salongini. Stuðlar tónleikinum Tað eru eftirhondini nøkur ár síðan, at Koda gjørdi Viviann Slyne greitt, at hon átti at rinda kodapengar fyri at hava útvarpið frá í salongini. – Av tilvild klipti eg einum advokati um tað mundi, og eg bað tí hann kanna málið fyri meg. Hansara niðurstøða var, at lógin um upphavsrætt fevndi eisini um meg, og tí gjørdi eg av at gjalda alt fyri eitt, greiðir Viviann Slyne frá. Hóast fleiri av hennara starvsfelagum í hárfríðkan- aryrkinum eru ørg um krav- ið frá Koda, hevur Viviann ikki stórvegis trupulleikar av gjaldinum. – Í lógini stendur greitt, at vit skulu rinda pengarn- ar, og tá er lítið at gera. Verða kodapengarnir um- sitnir rætt og fara til tey røttu fólkini, gjaldi eg fegin, tí teir pengarnir fara til eitt gott endamál, sum er at stuðla føroyskum tón- leikarum, ið frammanund- an hava ring kor í Føroyum, vísir Viviann Slyne á. Hugna um Kjarnan í trætuni millum Koda og hárfríðkanarstov- urnar í høvuðsstaðnum hevur verið, hvørt hárfríðk- anarstovurnar nýta tónleik- in í útvarpinum sum undir- hald hjá viðskiftafólkunum ella um útvarpið stendur frá sum bakgrundsljóð, sum á flest øllum øðrum arbeiðs- plássum í Føroyum. Viviann Slyne er sann- førd um, at tónleikurin, sum antin er at hoyra úr fløguspælaranum ella út- varpinum, fyrst og fremst verður spældur fyri at hugna um í hárfríðkanar- stovunum, og tí skal tón- leikurin bólkast sum undir- hald hjá kundanum. Gav skarvin yvir Í Útvarpi Føroya kom í gjár undan kavi, at Hárfríðkan- arfelagið hevur givið skarvin yvir í stríðnum móti Koda. Seinasta árið hava tríggj- ar hárfríðkanarstovur í Havn fingið vitjan av um- boðsmonnum hjá Koda, sum vildu hava tær at gjalda kodapengar fyri at lata viðskiftafólk lurta eftir Útvarpi Føroya. Allar tríggjar hildu, at kravið var órímuligt, men tvær teirra gjørdu kortini av at rinda pening til Koda. Tann tríðja, Tóta Søren- sen, sum eisini er forkvinna í Hárfríðkanarfelagnum, tvíhelt kortini um, at hon ikki ætlaði at rinda pen- ingin, sum Koda kravdi. Tóta varð tí stevnd, og hon var til reiðar at fara í rættin fyri at halda upp á sítt. Eftir ætlan skuldi hon í rættin í morgin, men eftir ráðum frá sakførara sínum hevur hon gjørt av skarvin yvir, tí útlitini fyri at vinna sakarmálið vóru lítil og eingi. Ein av »the grand old men« í føroyska tónleikalívinum, Gissur Patursson, heldur at mót- støðan av Koda í Føroyum kemur av vantandi upplýsing og vantandi virðing fyri tónleiki millum føroyskar fyritøkur KODAPENGAR Páll Holm Johannesen pall@sosialurin.fo – Tað hevði ongantíð komið fyri, at ein hár- fríðkanarstova ella svimjihøllin høvdu biðið Jóanis Nielsen lisið yrk- ingar upp, uttan at hann fekk pengar afturfyri. Gissur Patursson hevur seinastu mongu árini havt fingurin á pulsinum, hvat føroyskum tónleika- lívi viðvíkur. Hann er av teirra greiðu áskoðan, at vantandi virðingin hjá føroyskum fyritøkum mótvegis tónleikarum er orsøkin til, at tvídráttur hevur tikið seg upp mill- um Koda og føroyskan vinnulív. – Eg kenni tað í ávís- um førum so, at føroysk- ar fyritøkur nassa upp á tónleikarnar. Tað er gam- aní hjá fyritøkunum akt- ivt at nýta tónleik fyri at viðskiftafólkini skulu kenna seg betur, men fyritøkurnar vilja kortini ikki rinda fyri tónleikin, og tað kann ikki vera rætt, sigur Gissur Paturs- son. Hann heldur tað er ógvuliga harmiligt, at hugburðurin hjá føroysk- um fyritøkum hevur ver- ið, at »kodagjaldið er ein rokning, sum eg vil sleppa undan at gjalda«, sum hann málber seg. – Hatta er ein ótrúliga keðiligur hugburður. Vilt tú hava tónleik, so mást eisini rinda fyri hann. Í øllum øðrum Norðan- londum er tað ein sjálv- fylgja, at fyritøkur, sum spæla tónleik gjalda pengar til koda, men hesin hugburður hevur ikki í nóg stóran mun vunnið frama í Føroyum, vísur Gissur Patursson á. Vantandi upplýsing Gissur Patursson vísir kortini á, at Koda í Før- oyum eisini er noytt til at taka í egnan barm, hvat upplýsing viðvíkur. Vantandi upplýsingin er ein orsøk til, at Koda hevur so nógv mótstøðu- fólk millum føroyskar fyritøkur – Vit mugu ásanna, at upplýsingin um Koda ikki er á so høgum støði í Føroyum sum aðra- staðni. Vit mangla snøgt sagt upplýsing, tí vant- andi upplýsingin hevur við sær, at vanligi brúk- arin, sum er vanur við at rinda fyri telefon ella streym, ikki vil rinda fyri tónleikin, sum verður spældur, hóast tað í roynd og veru átti at ver- ið ein útreiðslu á sama stigi sum reingerð, streym og telefon hjá fyritøkunum, sigur Giss- ur Patursson. Hann leggur afturat, at hóast langt er á mál er hugburðurin mótvegis Koda batnaður seinnu árini. – Átøkini í svimjihyl- inum og hárfríðkanar- stovunum er stig rætta vegin. Eg vóni vit koma enn longri í komandi ár, og vónandi verður tað ein sjálvfylgja um nøkur ár, at fyritøkur rinda fyri at spæla tónleik fyri viðskiftafólkunum, greiðir Gissur Patursson frá. Viviann rindar fegin Neyðugt at broyta hugburð – Eg kenni tað í ávísum førum so, at føroyskar fyritøkur nassa upp á tón- leikarnar. Tað er gamaní hjá fyritøkunum aktivt at nýta tónleik fyri at viðskiftafólkini skulu kenna seg betur, men fyritøkurnar vilja kortini ikki rinda fyri tónleikin, og tað kann ikki vera rætt, sigur Gissur Patursson Mynd: Savnsmynd Verða kodapengarnir umsitnir rætt og fara til tey røttu fólkini, gjaldi eg fegin, tí teir pengarnir fara til eitt gott endamál, sum er at stuðla føroyskum tónleikarum, ið frammanundan hava ring kor í Føroyum, vísir Viviann Slyne á Mynd: Jens Kristian Vang