hósdagur 3. desember 2020síða 44

20 20 P/F Petur Larsen: EITT ØÐRVÍSI ÁR H já fyritøkuni Petur Larsen í Fuglafirði, sum fæst við at veita maskinur og tænastur til fiskivinnuna hevur 2020 verið eitt heldur øðrvísi ár, har virksemið ikki hevur verið sum vant. Fyrst og fremst tænastuveiting í ár Tað hevur verið eitt rættiliga serligt ár. Vit hava havt nógvar avbjóðingar, tí millum annað er ein stórur partur av okkara arbeiði uttanlands, men tað hava sum kunnugt verið stórar avmarkingar í møguleikanum at ferðast, og tí hevur tann parturin verið avmarkaður í ár, sigur Rógvi Róin, stjóri. Hann greiðir frá, at tann parturin av virkseminum, sum hevur verið harðast raktur, er sølan av maskinum og lutum. Tað steðgaði fullkomiliga upp, tí ongin vildi gera íløgur. Vit hava heldur ikki fingið gongd á søluna av nýggjum vørum av somu orsøk. Tí hevur árið hjá okkum fyrst og fremst verið myndað av, at vit hava veitt tænastur til skip og virkir, sigur Rógvi Róin. Løgdu stilt í ein mánað Tá ið korona breyt út í Føroyum í vár, gjørdu tey hjá Petur Larsen av at leggja stilt, men tað vardi bara umleið ein mánað, so var farið í gongd aftur. Vit byrjaðu aftur um hálvan apríl, men virksemið hevur verið øðrvísi síðani tá. Tað er ordiliga steðgað upp hjá kundum okkara við at gera íløgur, og tí hava vit ikki selt nakað av nýggjum vørum. Men hetta hevur tó gjørt, at vit hava fingið betri tíð til arbeiða við at menna nýggj produktir, sum koma út í næstum, sigur Rógvi Róin. Hann sigur, at tað er greitt, at fyritøkan kemur at hava eitt tap í ár, men óvist er, hvussu stórt tað verður. Men vit hava góðar vónir til komandi ár. Vit eru nokk so jalig av lyndi, men tað kann vera ein avbjóðing at fáa viðskiftafólk okkara at gera nýíløgur. Vanliga eru íløgur í maskinur og aðra útgerð, sum vit selja, umleið ein fjórðingur av umsetninginum hjá okkum, og vit vænta, at við teimum nýggju vørum, ið vit hava á veg á marknaðin, so verður áhugi fyri at gera íløgur, og tí gita vit, at 2021 fer at líkjast einum vanligum ári hjá Petur Larsen, sigur Rógvi Róin at enda. Sandavágs Timburhandil: LÍKIST ÁRINUM Í FJØR H já Sandavágs Timburhandli sær árið í ár út til at líkjast 2019 rættiliga nógv. Tað sigur stjórin, Albert Ari Thomassen, sum er nøgdur við árið. Vit síggja út til at enda á sama støði sum í fjør, og tað eru vit vælnøgdir við, sigur hann. Selt meira til privatfólk Korona hevur sjálvsagt ávirkað árið hjá Sandavágs Timburhandli, eins og tað hevur hjá øllum øðrum. Vit hava upplivað ein øking í søluni til privatfólk, meðan tað hevur verið ein minking í søluni til verkætlanir. Men tilsamans gongur tað upp, so tað er bara býtið av søluni, ið hevur forskotið seg eitt sindur í ár, sigur Albert Ari Thomassen. Hann greiðir frá, at Sandavágs Timburhandil er ein fyritøka, sum í øgiliga stóran mun leggur seg eftir sølu til verkætlanir. Vit leggja okkum nógv eftir sølu til verkætlanir, men tað merkir tó ikki, at vit ikki eisini selja til privatkundar. Vit hava hóast alt eini 4.000 fermetrar av vørugoymslu, sum er ætlað privatkundum, hóast vit ikki hava nakra byggibúð og til dømis ikki selja máling, sigur Albert Ari Thomassen. Góðar vónir til komandi ár Spurdur, hvørjar vónir hann hevur til komandi ár, sigur stjórin í Sandavágs Timburhandli, at hann hevur góðar vónir. Vit síggja bjart uppá 2021. Vit vænta ikki nakra kreppu, men man kann altíð vænta, at tað koma onkur sein árin av korona. Men samanumtikið hava vit góðar vónir fyri komandi ár, sigur stjórin í Sandavágs Timburhandli. SOLEIÐIS GEKK 2020 SOLEIÐIS GEKK 2020