týsdagur 8. desember 2020síða 42

jól í havn MIKUDAGUR 9. DESEMBER 2020 · NR. 87 Sosialurin 26 Goymda perlan í hjartanum í Havn - Eg eri púrasta ovfarin av, at so mong vitja Events og keypa okkara frálíku klædnavørur. Vit leggja dent á at vera fremst við mótanum, og vit leggja dent á at hava tað nýggjasta innan litir og snið, sigur Halla Gullfoss, sum eigur og rekur mótahandilin Events í hjartanum í Havn VILMUND JACOBSEN Í C. Pløyensgøtu 4 í Havn, har eitt nú handilin hjá Marjun Heimá var í fleiri ár, liggur ein goymd perla. Her húsast nevni­liga forvitnisligi handilin Ev­ents hjá Hallu Gullfoss við mótaklæðum til kvinnur. Events, sum hevur røtur aft­ ur til 2003, tá handilin av fyrst­ an tíð læt upp á Áarvegi 14 í Havn, hevur eisini havt sítt virksemi í SMS í 16 ár. Eftir at hava verið í SMS øll hesi ár, søgdu hjúnini, Halla og Gutti Gull­foss, sáttmálan upp og fluttu oman aftur í býin. Gutti Gullfoss, sum er timb­ ur­maður, setti hølini í C. Pløy­ ensgøtu í góðan stand, og í fyrru hálvu av september í fjør læt handilin upp. Púrasta ovfarin Miðbýurin í Havn er so nógv broyttur seinnu árini, at hóast Events liggur sum ein goymd perla oman fyri Havnar Klubba, Toscana og Dóm­ara­ skriv­stovuna, hava Halla Gull­ foss og hennara fólk í handl­in­ um havt úr at gera. - Eg eri púrasta ovfarin av, at so mong vitja okkum. Vit leggja dent á at vera fremst við mótanum, og vit leggja dent á at hava tað nýggjasta inn­an litir og snið. Vit hava klæðir til ungu kvinnuna, og vit hava klæðir til hina til­ komnu. Halla Gullfoss sigur, at Ev­ ents-kvinnan er ógvuliga til­ vitað um sín egna stíl. Hon vil hava móta, sum ikki tømir hennara mappu. - Events leggur seg ikki upp at øðrum handlum. Vit hava í flestu førum klædnamerki, sum eingin annar hevur - ja, vit kunnu siga, at okkara klædna­vørur eru “handpicked” til okkara viðskiftafólk burt­ur­ av. Klædnamerkini hjá Events eru eitt nú NA-KD, Ken­dall +Kylie, mbyM, Global Funk, DRYLAKE, FILA, Noisy May og Sisters Point. - Allar vørur hjá okkum hava danskar prísir, og soleiðis er handilin ikki ein dýrur klædna­handil, tó at tað er eitt sindur ymiskt, hvat merkini kosta, sigur hon. Stórur nethandil Halla Gullfoss vísir á, at um­ framt at Events hevur nógv vitjandi, hevur handilin eisini søluheimasíðuna - shopping.fo - sum er ein nethandil, og her hava tey eisini rættiliga nógv at gera. - Nú koronu-farsóttin hevur herjað, er ordiliga komin gongd á netsøluna, og sølan á net­in­ um bara veksur. Halla Gullfoss sigur, at aftr­ at starvsfólkunum, hon hevur í handlinum, er maður henn­ ara, Gutti Gullfoss, henni eisini ein stór hjálp. - Tá nógv verður selt, kemur eisini nógv nýggj vøra heim alla tíðina. Býurin nógv broyttur Halla Gullfoss sigur, at Havnar býur er ómetaliga nógv broytt­ ur, síðan hon byrjaði at handla á Áarvegnum í 2003 og flutti niðan í SMS í 2006. - Býurin er ikki til at kenna aftur. Tá eg flutti úr býnum, vóru at kalla ongar kafé’ir og fáir handlar. Nú hevur býurin eini 50 mat­arstøð og fleiri enn 50 handlar, sum selja alt millum himmal og jørð. Harumframt eru fleiri barrir, kafé’ir og frisørar. Tú gongur ikki langt úr Steina­ túni, áðrenn tú kemur til ein hóp av tænastum, sum tú kanst keypa, og alt hetta hevur sett miðbýin í Havn í eitt heilt annað ljós enn tað, sum var, tá eg fór úr býnum við mínum handli. Halla Gullfoss ásannar, at konseptið, sum hon í sínari tíð byrjaði við á Áarvegnum, eftir at familjan var komin heim aft­ur úr Danmark, ikki bar á mál. - Eg legði meg eftir brúð­ar­ klæðum, klæðum til kon­fir­ mant­ar, veitsluklæðum og vón­arklæðum, og so hevði eg eis­ini ymiskt borðprýði og annað til slík høvi. Hon sigur, at tað var longu, meðan hon hevði handilin á Áarvegnum, at hon saðlaði um og fór at selja kvinnuklæði, tí markn­aðurin fyri veitslu-og vón­arklæðum var ov lítil. Handilin er størri Events-handilin í C. Pløyens­ gøtu 4 húsast á 125 fermetrum, meðan handilin í SMS var umleið 100 fermetrar. - Hóast vit hava betri pláss her, kundu vit saktans havt enn meira pláss, men hetta er tað, vit hava, og tað er her, vit vilja veita okkara bestu kunda­ tænastu. Vit eru sera glað fyri hølini - og ikki minst fyri stað­ setingina her mitt í býnum. Vit høvdu ein góðan handil í SMS, og vit hava ein sera góðan handil her í C. Pløyensgøtu. Halla Gullfoss sigur, at tað eru tríggjar, sum arbeiða fulla tíð í Events, og haraftrat eru tvær til hjálpar um viku­skift­ ini. Mótahandilin hevur opið allar yrkadagar frá klokkan 11- 17.30, og leygardag er opið frá klokkan 11-16. - Events-kvinnan er ógvuliga tilvitað um sín egna stíl. Hon vil hava móta, sum ikki tømir hennara mappu, sigur Halla Gullfoss, sum eigur og rekur Events í C. Pløyensgøtu 4 í Havn