týsdagur 8. desember 2020síða 49

MIKUDAGUR 9. DESEMBER 2020 · NR. 87 Sosialurin 33 jól í havn Eingin trupulleiki við parkering Tá ið farið verður til handils í Havn og ikki minst í SMS, so kann tað um jóltíðir mangan verða trupult at fáa parkeringspláss. Útbyggingin í SMS í ár hevur eisini havt ávirkan á talið av parkeringsplássum, men har hava tey í SMS funnið eina loysn saman við Tórshavnar Kommunu. Vit samstarva við Tórshavnar Komm­unu um nakrar jólaligar skund­bussar. Tað eru skundbussar, sum frá komandi mánadegi fara at koyra millum stóru parkeringsøkini við Høllina á Hálsi og við vestara skýlið við ovara vøll í Gundadali og oman til SMS og oman í miðbýin. Bussarnir fara at koyra allatíðina frá klokkan 12 um dagin til klokkan 20 um kvøldið, og tað verða tveir buss­ ar, ið koyra allatíðina, so tað er stutt mill­um fráferðirnar, sigur Siri S. Han­sen frá SMS. Fólk frá SMS fara eisini at hjálpa til við at gera bussarnar serliga jóla­ ligar fram móti jólum, og tey eru ógvu­liga spent uppá, hvussu hetta fer at roynast við skundbussunum. Á hasum parkeringsplássunum er næstan altíð ein rúgva av tómum pláss­um, so tað skuldi verið laga­ manni at sett bilin har og tikið ein skundbuss seinasta teinin oman í SMS, sigur Siri S. Hansen. Talgildur parkeringskjallari Stóri parkeringskjallarin í SMS hev­ ur fingið eina dagføring, sum er næstan er komin á mál. Men tað mesta spennandi í sambandi við hesa dagføring er tó ikki sett í verk enn. Tað verður væntandi einaferð í kom­andi viku, tá ið ein talgild skipan verður tendrað, soleiðis at man á skíggj­um kann síggja, um nakað tøkt pláss er í parkeringskjallaranum. Nýtt gólv er eisini lagt á í park­er­ ings­kjallaranum, men hetta er eitt serligt gólv, og tað tolir ikki alla koyr­ing. Tí verður millum annað eis­ ini heitt á bilførarar, sum hava bilar við píkadekkum, um ikki at brúka parkeringskjallaran í teimum førum, har tey koyra við píkum. Handlar í nýggjum hami Tað hevur verið ein stór umbygging í gongd í SMS í rúma tíð, men hendan er um at vera liðug, og teir handlar, ið hava verið raktir av umbyggingini, hava allir latið uppaftur. Tað er fyrst og fremst á ovastu hæddini, at broytingar eru gjørdar. Summir handlar hava latið upp í nýggjum hami og í væl størri hølum. Harumframt er onkur nýggjur handil fluttur inn, so hjá tí, sum ikki hevur verið í SMS í eina tíð, kann tað vera ein heilt nýggj uppliving at støkka inn á gólvið nú til jóla. Nú verður opið leingi og hvønn dag Nú bert góðar tvær vikur eru til jóla­ aftan, fara tey í SMS eisini at hava longri opið um dagarnar, og somu­ leiðis verður opið teir báðar sunnu­ dagarnar í advent, sum eru eftir í ár. Tað verður nú leygardagin, at SMS fer undir at hava opið til klokk­ an 20 hvørt kvøld. Handlarnir lata dyrnar upp klokkan 10 á morgni, og so hava teir opið til klokkan 20 hvørt kvøld. Sunnudagarnar verður tó ikki latið upp fyrr enn klokkan 14. Seinasta dagin, ið opið er undan jólum, verða upplatingartíðirnar eitt lítið sindur broyttar. Tá er nevnliga opið frá klokkan 10 heilt til 22 á kvøldi. Øðrvísi keypsmynstur í ár Korona er uttan iva ein av orsøk­un­ um til, at tey í SMS síggja eitt heilt øðrvísi keypsmynstur í ár í mun til jólasøluna samanborið við undan­ farin ár. Vit síggja, at fólk eru nógv fyri úti og keypa jólagávurnar, enn tey plaga at vera. Men vit vita jú eisini, at orsaka av korona eru tað fleiri, sum vanliga keypa jólagávur uttanlands, sum keypa tær her heima í ár, og tað er kanska ein av orsøkunum til, at vit merkja ein øktan aktivitet í ár, sigur Siri S. Hansen frá SMS. Hon greiðir frá, at gávukortini, sum SMS selur til at brúka í øllum handlum, selja serliga væl í ár. Fólk keypa eisini nógv á netinum í ár, men tey skulu ikki stúra fyri at koma her í SMS at keypa jólagávurnar. Støðan í Føroyum viðvíkjandi korona er góð, og vit í SMS fylgja øllum tilmælum frá myndugleikunum, so at fólk kunnu kenna seg trygg við at koma á gátt hjá okkum, sigur hon. Gávurkortini hjá SMS kunnu keypast bæði á marknaðardeildini, sum heldur til á ovastu hæddini í SMS, men tey kunnu eisini keypast á www.sms.fo