hósdagur 10. desember 2020síða 22

FRÍGGJADAGUR 11. DESEMBER 2020 SOSIALURIN 88 22 TRÓNDUR ARGE – HOTEL BRANDAN M ikukvøldið var F ó t ­b ó l t s ­g a l l a 2020, sum FM1 og Miðla­húsið skipa fyri í samstarvi við Fót­bólts­ sam­bandum. Tiltakið var á Hotel Brandan við útsikt yvir Gunda­dal og Tórsvøll. Tað vóru fleiri nýggir vinnarar í fleiri av bólk­unum, og tað vóru eisini fleiri spennandi søgur. Eitt nú, tá møggurnar, Ragna og Jórun Patawary, komu á ársins lið. Bæði Evy á Lakjuni og Petur Knudsen vunnu heiðurin sum árins spælari á fyrsta sinni, meðan aðrir spælarar gingu aftur í øðrum bólkum. Eitt nú fekk Klæmint A. Olsen gull­ skógvin á sætta sinni, meðan Teitur M. Gestsson er valdur til ársins málverja á fjórða sinni. Fair Play og toppskjúttar Kvøldið byrjaði við at Christian F. Andreasen, forseti í Fót­bólts­ sam­bandinum, handaði Fair Play steypið til KÍ. Mikkjal Thomas­ sen, venjari, kom at taka ímóti. Hann segði millum annað, at tað er tekin um gott fótbóltsspæl, at eitt lið ikki nýtist at gera so nógv frí­spørk. Hann lat tó ongan iva verða um, at hann ætlaði sær okkurt annað steyp enn Fair Play steypið, men tað er so málið fyri 2021. Hann vildi ikki avdúka hvørjir spælarar eru á veg, men váttaði at arbeitt verður við at styrkja hópin hjá KÍ til komandi kappingarár. Síðani bleiv gullskógvurin hand­aður. Hjá kvinnum bleiv Evy á Lakjuni úr KÍ toppskjútti við 17 málum. Hjá monnum skor­ aðu tveir mans 17 mál. Teir eru Klæmint A. Olsen úr NSÍ, og Uros Stoja­nov úr ÍF. Rituvíkingurin, sum nú eigur seks gullskógvar, segði at nú mátti hann skjótt til at umskipað plássið í skápinum, um tað skal verða pláss fyri øllum. Uros Stojanov er farin av landinum. Magnus Jørmunds­ son, nevndarlimur hjá ÍF, tók ímóti. Hann segði millum annað, at upprunaliga var ætlanin at fáa ein annan áleypara til ÍF, men tá hesin ikki kundi taka eina endaliga avgerð, so fall valið á Uros Stojanov. Tað var eitt gott val. KÍ er einaráðandi Kvinnurnar hjá KÍ vunnu í ár greipuna fyri 15. ferð í søguni. Hetta var eisini meistaraheitið numm­ar 20. KÍ hevur í nógv ár havt ein kjarna av spælarum, sum hava verið eyðsýndar bæði á vøllinum, men so sanniliga eisini til Fótbóltsgalla tiltøkini gjøgnum árini, men tað eru ábend­ingar um ein skilagott ættar­liðsskiftið. 21 ára gamla Evy á Lakjuni bleiv kosin til ársins miðvallara og ársins spælara. 18 ára gamla Birita Ryan bleiv kosin til ársins ungi spælari og ársins verju­ spælari, og 18 ára gamla Óluvá A. Joensen bleiv kosin til ársins málverja. Eisini bleiv venjarin, Aleksandar Djordjevic, valdur til ársins venjara. Ímyndin av ættar­liðs­skifti­ num kom, tá ársins lið bleiv sett. Her komu móður og dóttir, Ragna og Jórun Patawary, á ársins lið. Jórun Patawary er bara 15 ára gomul, men hevur longu vunnið sær pláss á besta lið­num hjá KÍ. Felagsliðið ÍF/Vìkingur/B68, stytt ÍVB, fer nú í søguna, tí Víkingur gongur egnar leið­ir kom­andi kappingarár. Felags­ lið­ið kann tó seta punktum við at eiga ársins áleypara í Hannu Isaksen Højgaard, og ársins lands­liðsspælara í Jacobu Lang­ gaard. Báðar boðaðu frá, at tær fara at spæla við Víkingi kom­ andi kappingarár. Petur Knudsen og HB HB vann greipuna fyri 13. ferð í ár. Hetta er 24. meistaraheitið og 28. steypasigurin í søguni hjá felagnum. Spælararnir hjá HB máttu tó deila pallin til Fót­ bóltsgalla 2020 við Petur Knud­ sen úr NSÍ. Fótfimi áleyparin bleiv nevniliga kosin til ársins áleypara, ársins unga spælara og ársins spælara. Hann var skjótur at leggja afturat, at hetta bara bar til við góð­um liðfeløgum. Hann hevur í ár spælt í álopi­num hjá NSÍ saman við Klæ­minti A. Olsen, ið vann gull­ skógvin fyri sættu ferð. -Hetta er fyrstu ferð, at eg spæli í álopinum í bestu deild­ini. Eg havi roynt at lært frá Klæ­minti, sigur Petur Knudsen. Síðani stóð HB á restini. Teitur M. Gests­son er fyri fjórðu ferð kosin til ársins mál­ verja. Hann hevur vunnið heiðurin í 2013, 2014, 2018 og nú í 2020. Dám­ligi málverjin hevur havt fleiri týðandi bjargingar í ár, men størst fyri hann hevur verið møguleikin at verja málið hjá A-landsliðnum. Daniel Johansen bleiv kosin til ársins verjuspælara. Hann hevur havt eitt avbera gott kapp­ ingarár á vinstra bakkinum hjá HB, har hann hevur lagt upp til 21 mál sambært uppteljingini hjá bolt.fo. -Í januar helt eg, at eg skuldi spæla á miðjuni, emn so kon venj­arin og bjóðaði mær at spæla á vinstra bakki. Eg haldi tað hevur gingið so væl, sum tað kann, sigur Daniel Johansen. HB átti tríggjar av teimum fýra, ið fingu flest atkvøður í bolki­num ársins miðvallari. Flestar atkvøður fekk danski mið­vallarin, Mathis Nygaard. Hann er fegin um heiðurin, men hevur boðað frá, at hann ikki heldur fram í føroyskum fótbólti komandi kappingarár. Og til seinast fekk Jens Bert­ hel Askou eisini heiðurin sum ársins venjari. Hann hevur vunn­ið greipuna, men segði í sam­røðu, at tað er pláss fyri at gera tað uppaftur betri til kom­ andi kappingarár. Millum annað kom HB, sum tað einasta liðið í Føroyum, ikki víðari í Evropa. Tað ynskir venjarin hjá HB at broyta til komandi kappingarár. Ársins lið Til seinast bleiv ársins lið sett. Hjá monnum komu heilir seks spælar­ar hjá HB á liðið. Teitur M. Gests­son, Bartal Wardum, Daniel Johan­sen, Dan í Soylu, Mathias Nygaard og Heðin Hansen. Síðani hevði KÍ tveir. Jóannes Kalsø Danielsen og Odmar Færø. Aftur­at teimum komu Sølvi Vatn­hamar (Víkingur), Uros Stoja­nov (ÍF) og Petur Knudsen (NSÍ). Hjá kvinnunum var eisini stór yvir­vág av av greipuvinnarum. KÍ hevði seks spælarar á ársins liði. Óluva A. Joensen, Birita Ryan, Ragna Patawary, Jórun Pata­wary, Evy á Lakjuni og Sanna Svarvadal. Hinar á lið­ num eru Jacoba Langgaard, Hanna Højgaard og Mona Ras­ mus­sen allar úr ÍVB, og Monika Samuel­sen og Heidi Sevdal úr NSÍ. TRONDUR@SOSIALURIN.FO FÓTBÓLTSGALLA 2020 Fótbóltsgalla 2020: EVY OG PETUR EVY OG PETUR ERU ERU ÁRSINS SPÆLARAR ÁRSINS SPÆLARAR Evy á Lakjuni úr KÍ bleiv vald til ársins spælara hjá kvinnum, og Petur Knudsen úr NSÍ bleiv valdur til ársins spælara hjá monnum. KÍ fór við tí mesta hjá kvinnunum, meðan HB og Petur Knudsen deildust heiðrarnar hjá monnum. Eisini hendi tað sjálvsama, at móðir og dóttir, Ragna og Jórun Patawary, komu á ársins lið