hósdagur 17. desember 2020síða 20

FRÍGGJADAGUR 18. DESEMBER 2020 SOSIALURIN 90 20 - EITT ÁR, SUM VIT ONGANTÍÐ GLOYMA 2020 hevur verið eitt ár við avbjóðingum, men hetta verður eitt ár, sum vit fara at minnast. Einki er so ringt, at tað ikki er gott fyri okkurt, heldur Bárður á Steig, løgmaður, sum vónar, at vit taka tann lærdómin við okkum, sum 2020 hevur givið STEINAR PATURSSON –Í søguligum perspektivi fara vit at minnast aftur á 2020 sum nakað heilt serligt, og vónandi kunnu vit minnast aftur á árið sum eitt tíðarskeið, ið vit komu væl burturúr. Soleiðis sigur Bárður á Steig Nielsen, løg­ maður, tá vit spyrja hann um hetta serliga árið, sum nú skjótt er komið at enda. Árið hevur verið serligt upp á nógvar mát­ar, men fyri løgmann hevur tað ikki minst verið serligt, tí ikki hevði hann væntað, at fyrsta heila árið sum løgmaður fór at vera rakt av einari heimsfarsótt, eins og heimurin sá fyri 100 árum síðani, tá spanska sjúkan gjørdi um seg. – Hóast tú sum løgmaður kanst vænta tær nógv óvæntað, so má eg siga, at eg hevði ikki væntað eina so álvarsama hending sum eina heimsfarsótt upp á hendan mátan. Tað hevði eg ikki væntað at uppliva í mínum lívi, og eg vóni, at eg ikki upplivi tað aftur, sig­ur løgmaður. – Hetta árið hevur verið merkt av heilt, heilt serligum umstøðum; á politiska leik­ vøll­inum, í arbeiðslívinum, í familjulívi, í vina­skarðum, og ikki minst í samstarvinum mill­um lond, sigur løgmaður, sum kortini leggur dent á, at við koronufarsóttini hava vit lærdóm, ið vit kunnu taka við okkum í tíðina, sum er í væntu. – Samstundis sum hetta árið hevur verið merkt av avbjóðingum og øðrum, ið hev­ur verið minni gott, hevur tað eisini lært okk­ um, at vit kunnu væl stýra á ein øðrvísi hátt, enn vit hava gjørt áðrenn. Og tá vit koma burtur úr tí keðiliga, ið korona hevur havt við sær, fara vit at síggja, at vit hava lært nógv, ið vit kunnu taka við frameftir. – Vit klára at arbeiða skjótari, smidligari og smartari millum lond, og vit kunnu nýta tær nýggju samskiftisappurnar at spara um útlátið, soleiðis at vit fáa ein reinari og betri heim. Hetta hevur verið eitt avbjóðandi og læruríkt ár, og vónandi kunnu vit gera gagn av hesum, tá vit koma burtur úr hesari støð­ uni. 2021 verður øðrvísi Tá korona breyt út, var stór óvissa um, nær vit fóru at hava eina koppseting. Nú er kortini líkt til, at koppsetingin kemur fyrr heldur enn seinni, og við koppsetingini væntar løgmaður eisini, at 2021 fer at vera eitt øðrvísi ár enn koronuárið. – Eg vænti, at vit ganga einum heilt nýggjum ári á møti. Tá koppsetingin fer at hava tað árinið, ið hon skal hava, fyri at vit kunnu liva rímiliga vanligt aftur - tá fak­ kunnleikin metir, at nóg stórur partur av fólkinum er koppsettur - so verður tilveran vanlig aftur. – Eg vænti, at lívið aftaná koronu verður eins lívligt, og tað var áðrenn, men kanska vit fara at taka onkran lærdóm við í nýggja árið. Ferðamynstrini í sambandi við arbeiðs­ ferðir og líknandi fara at broytast, nú vit hava fingið sjón fyri søgn, at tað ber til at samskifta umvegis netið, heldur løg­mað­ur, sum kortini metir, at vanligu ferða­mynstr­ ini vera tey somu. – Tí vit hava merkt í hesari koronutíðini, at fólk eru øgiliga svang eftir at ferðast út í heim - og ikki minst til Føroyar. – Vit eru eitt fjarskotið land, har frá­støð­ an millum fólkini eru stór. Vit selja okkum sum eitt náttúruvakurt land, og á tann hátt trúgvi eg, at ivaleyst verður ikki talan um minking á ferðafólki orsakað av koronu, kanska heldur øvugt. Verður eitt ár at minnast Tað hevur verið tungt at vera so avbyrgdur so leingi, og serliga eru nógv ung, ið hava mist minnisverdar hátíðir og annað orsakað av koronutilmælunum. Men ístaðin hava tey ungu fingið nakað at minnast á í framtíðini. – Tað er eingin ivi um, at hetta árið verður nakað serligt hjá øllum. Eg royndi eisini fyrr í ár at siga við tey ungu, at tað er keðiligt, at eg skal vera tann, ið tekur húgvuveitslur og annað frá teimum. Men tá tey einaferð fara at minnast aftur á 2020, koma tey at minn­ast árið fyri nakað heilt serligt, sigur løg­maður. Onkur skal kortini hava ta ábyrgdina at seta tær avmarkingar, sum nú einaferð mugu setast, og tann ábyrgdin liggur nú eina­ferð hjá løgmanni. – Tað ábyrgdina havi eg so tikið á meg. Tað er sjálvandi við teimum kenslunum, sum tað nú einaferð inniber, sigur løgmaður og ásannar, at nógv annars høvdu glett seg til at farið út millum vinir og kenningar um jól­tíðir. Við koppsetingini er kortini eitt nýtt ár fyri framman, og gongur alt eftir ætlan, vera jólini í 2021 eins og tey altíð hava verið, held­ur Bárður á Steig Nielsen, løgmaður. – Eg vænti, at lívið aftaná koronu verður eins lívligt, og tað var áðrenn, men kanska vit fara at taka onkran lærdóm við í nýggja árið