hósdagur 17. desember 2020síða 38

FRÍGGJADAGUR 18. DESEMBER 2020 SOSIALURIN 90 38 TRÓNDUR ARGE T að er vetrarsteðgur í føroyskum fótbólti. Tað merkir at tað eru fleiri spælaraflytingar, og nógvar leysasøgur um spælaraflytingar. Feløgini eru blivin betri til at fyrireika seg tíðliga til komandi kappingarár, men tað eru altíð feløg, sum koma í nýggjar støður, og tí skulu hava nýggjar spælarar. Tað er røringur í B36, sum hevur fingið nýggjan venjara til komandi kappingarár. Dan Brimsvík verður tó uttan tveir av framrættaðu profilunum í ár. Árni Frederiksberg er farin til KÍ, og í vikuni skifti Michal Przybylski til HB. 07 Vestur og B68 eru nýggj í bestu deildini og skulu fyrireika seg til harðari mótstøðu komandi kappingarár. Tey hava eisini fingið nakað av tilgongd. Vit hyggja nærri at spælaraflytingunum higartil. HB: Fleiri ósvaraðir spurningar HB hevur í vikuni kunngjørt, at felagið hevur gjørt sáttmála við Michal Przybylski. Hann skiftir frá B36, har hann hevur verið ein profilur í ár. – Tað er fyrst og fremst tað ítróttarliga ið telur. Eg vildi fegin hava eina nýggja ítróttarliga avbjóðing, og tað er neyvan nøkur størri avbjóðing her í landinum, enn at royna at vinna sær pláss á liðnum hjá greipuvinnarunum. Og so er tað sjálvandi tann professionella tilgongdin í HB, sum hugtekur meg, sigur Michal við heimasíðuna hjá HB. HB hevur havt frágongd av Mikkel Frankoch og Mathias Nygaard. Seinnnevndi bleiv valdur til ársins miðvallara í føroyskum fótbólti í ár. Tað er á hansara plássi, tað sum á fótbóltsmáli eitur ein 8’ari, at Michal Przybylski skal royna at vinna sær pláss. – Fyrsta avbjóðingin er at royna at vinna mær pláss á tí sterkasta liðnum í 2020. Ja, kanska tað sterkasta í fleiri ár. Málið er at spæla so nógv sum gjørligt, og at mennast sum spælari. Eg vil gera mun við mínum dygdum, og vónandi vera við til at vinna. Eg vil eisini sleppa at smakka gull, leggur hann brosandi afturat. Enn er ógreitt hvussu endaligi hópurin kemur at síggja út, tí tað er óvissa við bæði Tróndi Jensen, ið ikki hevur sáttmála við HB komandi ár, og René Shaki Joensen, ið hevur sáttmála, men hevur verið ónøgdur síðani hann bleiv valdur frá til steypafinaluna. Mathias Nygaard, Mikkel Frankoch og Øssur Dalbúð halda ikki fram í HB, meðan Jógvan Rói Davidsen er givin. Bjarti V. Mørk er komin til úr AB og skal verða eykamálverji. NSÍ: Jann farin av landinum Tað var nakað rokaligt móti endaum av kappingarárinum í NSÍ, tá Allan K. Jepsen tók við sum venjari eftir Glenn Ståhl. Úrslitini vóru góð móti kappingarenda, og NSÍ vann sær pláss í Europa League til komandi kappingarár. Síðani hevur ikki verið so nógv at hoyrt til NSÍ. Toppskjúttin, Klæmint A. Olsen, og Petur Knudsen, sum er kosin til ársins spælara farna kappingarár, hava báðar boða frá at teir halda fram. Tað ger eitt nú Tórður Thomsen eisini. Higartil er stóra frágongdin Jann J. Benjaminsen, sum er farin til norska triðjudeildarfelagið, Hødd IL. - Nú Jann Benjaminsen hevur tikið av møguleikanum at spæla fótbólt í Norra, har hann skal spæla við Hødd, so vilja vit í NSÍ takka Jann fyri tíðina í NSÍ. Jann hevur verið í felaginum síðan 2013, tað vil siga í 7 ár. Jann hevur spælt 105 dystir í bestu deildini, umframt steypakapping og 10 evropa leage dystir. NSÍ takkar Jann fyri tíðina í NSÍ, og vit ynskja Jann Benjaminsen bestu eydnu í Norra. Um longsulin til Føroyar gerst ov stórur, so ert tú altíð vælkomin heim aftur til NSÍ, skrivaði heimasíðan hjá NSÍ. Jann Benjaminsen spældi allar 27 dystirnar fyri NSÍ í ár. Hann byrjaði á vinstra vongbakkinum, men bleiv seinni fluttur yvir á høgra vongbakkin. NSÍ hevur í Bárði J. Hansen ein avloysara, men hann hevur trupulleikar í knøunum. Tí hevur hann bara spælt 12 dystir. Rógvi Egilstoft kom undan kappingarárinum frá EB/ Streymi. Hann hevur klárað seg væl sum vinstri miðverji av trimum, men tað ljóðar at nýggi borgarstjórin á Eiði fer aftur til EB/Streym. Spurningurin er bara um borgarstjórin fær stundir at spæla á besta liðnum. Tað hevur ljóðað, at NSÍ gjørdi eina roynd at fáa Árna Frederiksberg aftur í barndómsfelagið, tá hann skifti frá B36 til KÍ. Tað ljóðar eisini, at NSÍ er millum feløgini, ið vilja hava Stefan Radosavljevic. Hann er uttan sáttmála og heldur helst ikki fram í B36. Tað hava verið nógvir danskir spælarar í føroyskum fótbólti seinasta árið. Tí er ikki óhugsandi, at Allan K. Jepsen, venjari, hevur eyguni eftir onkrum í Danmark eisini. KÍ: Árni inn – Ole út Tað hevur verið nakað um­ skiftiligt við spælara­hópinum hjá KÍ í ár. Ætlanin var at bygg­ ja víðari á meistaraheitið í 2019 við tilgongd av spælarum sum Alessio Hyseni, Abubakar Ibrahim Aliyu og Sebastian Avanzini, men ongin teirra tók av. Sebastian Avanzini var skjótur av landinum aftur, meðan Abubakar Ibrahim Aliyu fyrst kom vegin fram í summar. Samstarvið endaði skjótt, eftir at hann bleiv sendur heim í tvær vikur eftir eina innanhýsis støðu í hópinum. Alessio Hyseni spældi fram til í sammar, men avrikini vóru ikki góð. Tá hevur føroyska tilgongdin roynst væl. Bæði Odmar Færø, sum kom til undan kappingarárið, og Heini Vatnsdal, sum kom til í summar, hava spælt væl. Av teimum útlendsku hevur Ole Erik Midtskogen verið tann besti. Tíverri fyri KÍ hevur tað ikki eydnast at halda fast í sterka norðmanninum, sum nú er farin til Dundalk í Írlandi. Tað er liðið, sum vann seg í bólkaspælið í Europa League, eftir ein 3-1 sigur á KÍ. Tað málið skoraði Ole Erik Midtskogen. Eina løtu í vetur sá hópurin hjá KÍ nakað tunnur út, eftir at spælarar sum Steinbjørn Olsen (ÍF), Ólavur Niclassen (ÍF), David Skrbec (av landinum) og Lukasz Jarosinski (av landinum) eru farnir, meðan Meinhard P. Joensen er givin. Hartil eru fleiri lyklaspælarar uttan sáttmála. Fyrsta stóra undirskriftin kom, tá Árni Frederiksberg stóð á KÍ-loftinum. Hann er fluttur til Klaksvíkar og verður nú partur av KÍ-hópinum. Síðani longdu spælarar sum Jákup B. Andreasen og Páll A. Klettskarð. Eisini er nýggjur málverjin komin til úr Esbjerg, Mathias Rosenørn. Mikkjal K. Thomassen, venjari, segði í stuttari viðmekring til Fótbóltsgalla 2020, at tað verða helst fleiri undirskriftir á KÍ-loftinum undan komandi kappingarári. KÍ hevur eisini fingið sær nýggja video-skipan kring vøllin við Djúpumýru. Hetta kann brúkast til taktiskar venjingar, men við hesum ber eisini til hjá venjaratoyminum, at síggja endurtøkur eitt nú í hálvleikinum av einum dysti. B36: Stór óvissa í árstalsfelagnum Av fimm teimum stóru feløg­ un­u­m í føroyskum fótbólti, so valdar størst óvissa í B36. Michal Przybylski er farin til HB, og Árni Frederiksberg er farin til KÍ. Stefan Radosavljevic er uttan sáttmála, og søgurnar siga at hann helst endar í HB ella NSÍ. Tað hevur eisin ljóðað, at hann hevur møguleikar í Svøríki. Erling Dávidsson, Rói M. Hentze og Sebastian Pingel hava ikki longt, meðan tað er óvist hvussu nógv Andrias H. Eriksen, Hugin Samuelsen og Eli F. Nielsen fáa spælt komandi ár vegna skaðar. Tað ljóðar nú, at Sebastian Pingel fer at halda fram. Hann hevur umhugsað at flyta av landinum. Tilgongdin telur Bjarka Nielsen úr AB. - Eitt skifti til júst B36 hevur verið í huganum í eina tíð hjá mær. Felagsskapurin kring liðið tykist góður, og eg gleði meg at verða partur av hópinum. Persónliga vóni eg, at eg megni at bíta meg fastan í hópin og fáa nógva spælitíð, og so er ætlanin avgjørt eisini, at vit í 2021 aftur vinna okkum rættin til europiskan fótbólt, sigur Bjarki C. Nielsen við B36 á Facebook, tá skiftið bleiv kunngjørt. B36 hevði eisini sáttmála kláran til Ronnie Møller-Iversen, men tað bleiv ikki til nakað hóast alt. So er spurningurin hvussu nógvir leingja sáttmálan av teimum, sum ikki hava sáttmála. Hvussu nógv fáa spælarar sum Andrias H. Eriksen, Hugin Samuelsen og Eli F. Nielsen spælt komandi ár. Og til seinast er spurningurin hvørjar spælarar fær B36 til hópin. Dan Brimsvík hevur verið venjari hjá U15-dreingjaliðnum í Lyngby, sum er eitt av sterkastu feløgunum í Danmark til at uppala spælarar. Helst hevur hann gott samband til Danmarkar, sum hevur verið gott mið fyri spælarar farna kappingarár. Víkingur: Ættarliðsskiftið heldur fram Tað er ikki nógv at hoyra til spælaraskifti í Víkingi. Tað ljóðar at Ísak Simonsen er á veg frá KÍ, meðan Bogi Reinert Petersen skal verða upp á tal í barndómsfelagnum ÍF. Andreas Lava Olsen var í øðini Flytingar í føroyskum fótbólti: MICHAL VELUR MICHAL VELUR GRANNAR­ GRANNAR­ NAR FYRI NORÐAN NAR FYRI NORÐAN Tað er stór frágongd í B36, meðan HB enn hevur fleiri ósvaraðar spurningar. KÍ skal finna avloysara fyri Ole Erik Midtskogen, TB leggur afturat hópinum, og 07 Vestur hevur fingið tveir vilstar synir heimaftur