hósdagur 17. desember 2020síða 39

FRÍGGJADAGUR 18. DESEMBER 2020 SOSIALURIN 90 39 eftir steypafinaluna, har hann ikki kom á vøllin, og skal hava tømt skápið í Víkingahúsinum eftir dystin. Hetta er áleið sama støða, sum var í HB, har tann ónøgdi var René Shaki Joensen. Helst leggur tað seg aftur. Bárður á Reynatrøð er komin aftur av Skála, har hann hevur verið útleigaður í eitt ár. Fleiri av ungu spælarunum hava longt sáttmála, og tað hevur liðskiparin, Atli Gregersen, eisini. Tað er pláss fyri tilgongd, men kósin hjá felagnum er greið. Nýggir spælarar skulu setast við, so helst verða flestu av loysninum lokalar. ÍF: Liðskiparin kemur aftur? ÍF byrjaði kappingarárið við einum ambitiøsum projekti, sum tó misti loftið, tá spælarar blivu óklárir og steðgaðu. Jan Ó. Ellingsgaard legði liðskiparabandið frá sær og steðgaði. Hann var leingi á veg til EB/Streym, men síðani hevur einki verið at hoyrt. Filip Djordjevic var hin. Hann spældi heldur ikki nakað serligt í seinasta triðinginum. Tað ljóðar, at ÍF arbeiðir við at fáa báðar spælararnar aftur í hópin til komandi kappingarár. Ari Ó. Ellingsgaard og Dánjal á Lakjuni eru givnir. Jens Joensen er millum teirra, sum hevur gjørt nýggjan sáttmála, meðan Steinbjørn Olsen og Ólavur Niclassen eru komnir úr KÍ. Uros Stojanov hevur langtíðarsáttmála og er ein týðandi spælari á liðnum. Sum skilst, so verður arbeitt við at fáa ein útlendskan miðverja, umframt at fáa Boga Reinert Petersen aftur í hópin. Hann hevur í ár spælt við Víkingi. EB/Streymur: Ongin broyting enn Sundalagsmenn kunnu fegnast um eitt gott kappingarár, sum gav eitt sjeynda pláss og 24 stig. Tað ljóðaði, at bæði Jan Ó. Ellingsgaard og Rógvi Egilstoft skuldu koma til liðið, men tað tykist nú minni sannlíkt, tí Jan Ó. Ellingsgaard helst verður verandi í ÍF, meðan Rógvi Egilstoft nú er vorðin borgarstjóri á Eiði. Tað krevur eisini nógva tíð. EB/Streymur hevur longt við spælarar sum Símun Sólheim og Hjalta K. Djurhuus, sum komu frá HB undan kapp­ ingar­árinum. Profilar sum Niklas Kruse og Andras Olsen halda eisini fram, meðan fleiri av yngru spælarunum hava fingið sáttmála. Kanska verður størsta styrkin hjá EB/Streymi, at hópurin verður tann sami. Bárður Olsen kom til í summar í ár, og tað riggaði væl. Kanska hann heldur fram í barn­dóms­ felagnum? TB: Fleiri broytingar við Stórá TB hevur eina heilt serliga støðu í føroyskum fótbólti, sum tað einasta felagið, har tað ikki er koyrandi til úr høvðus­ stað­num. Tað hevur givið TB nakrar serligar avbjóðar í samband við at fáa spælarar til felagið. Føroyskir spælarar hava ikki víst stóra áhuga at ferðast suður, meðan fleiri av lokalu spælarunum ikki fáa gerandisdagin at hanga saman, tá teir arbeiða norðanfyri. Hetta er millum annað galdandi fyri Poul Ingason, sum gevast í TB og við fótbólti á hægsta stigi. Av øðrum hava spælarar sum Sebastian Kroner, Rasmus Møller, Frederik Mehder og Filip Obadovic boðað frá, at teir ikki halda fram. Tilgongdin telur Nikola Stoisavljevic, sum er komin úr B68, og Simon S. Rasmussen, sum er komin úr Kjellerup. Michael Winther, venjari, hevur fleiri ferðir víst á, at TB hevur brúk fyri spælarum útifrá, fyri at fáa eitt gott venjingarumhvørvi, har teir ungu spælararnir í felagnum mennast. Í ár hava spælarar sum Einar Thorsteinsson, Jens Erik Bruhn, Nikolei Johannesen og Andreas Midjord gjørt stór framstig. Tað er harmligt fyri TB, at ein spælari sum Teitur Olsen ikki hevur fingið eina longri yrkisleið í barndómsfelagnum. 25 ára gamli miðverjin spældi bara tríggjar dystir í fjør. Hinvegin er tað gott at síggja Rógva Joensen aftur á miðvøllinum, meðan John Villi Leo hevur boðað frá, at hann spælir komandi kappingarár. Hann var ikki við í seinnu hálvu í ár. 07 Vestur: Vilstir synir eru aftur á Dungasandi Við 14 sigrum í teimum seinastu 15 dystunum vann 07 Vestur sær pláss í bestu deildini aftur. Heðin Askham tók við eftir nøkur umfør í ár, og eftir eitt sindur tillagan, fekk hann gongd á liðið. Tað skal tó eitt sindur meiri til, fyri at klára seg í bestu deildini. 07 Vestur hevur onkuntíð satsað nógv við spælarum útifrá, men tað hevur miseydnast. Nú er málið fyrst at fáa sínar egnu spælarar heim. Bæði Silas Eyðsteinsson og Asbjørn Heðinsson hava spælt við AB í ár, men verða komandi kappingarár at finna á Dungasandi aftur. Arbeitt verður við at fáa Høgna Egilstoft kláran aftur, men tað er ósannlíkt at Rógvi Egilstoft og Eli F. Nielsen venda nøsina aftur til 07 Vestur. Janus S. Samuelsen er ein annar. Hann gavst í AB í fjør og er eitt gott boð. Spurningurin er so um 07 Vestur fær fatur á onkrum spælarum, sum ikki sleppa upp í part aðrastaðni, ella um teir eisini fara at leita uttanfyri landoddarnar. Jesper van der Heyden kundi verið ein møguleiki. Hann hevur slitið sáttmálan við AB. Har renna eisini onkrir spælarar, sum til hetta kappingarárið skiftu frá HB til AB, fyri at spæla í bestu deildini. B68: Óvæntaði uppflytarin Á Toftum hava tey nógvar roynd­ir í bestu deildini, men tað kom eitt sindur óvart á, at liðið flutti upp í ár. Tað hendi við at vinna 3-2 á AB í upp- og niðurflytingardystinum. Lið­ið er nakað ungt og ein av roynd­ astu spælarunum, Óli H. Olsen, boðaði eisini frá, at hann gevst við fótbóltinum á hægsa stigi. Nýggjur á Toftum er Lukasz Cieslewicz, sum í ár hevur spælt við Víkingi. Hann er fluttur til Toftir at búgva og kemur at hava aðrar uppgávur eisini. Higartil er hann einasta tilgongdin. Undan farna kappingarári segði formaðurin í felagnum, Jóhannus Martin Olsen, at nú skuldi felagið aftur hava eina grundstammu av Toftum, men við uppflytingini verður helst neyðugt at leggja okkurt afturat. Málverjin, Nikola Stoisavljevic, er farin til TB. B68 er eisini í nýggjari støðu, nú tunnilin letur upp. Helst fer tað eisini at kasta eitt sindur av sær. Enn hoyrist tó lítið. Jasper van der Heyden er nevndur, men tað er kanska tað tí tað er upplagt. S kjótisamband Før­ oya hevur nú fing­ ið limaskap í Inter­ national Shoot­ing Sport Federation. Føroysk ítróttafólk innan skjót­ing kunnu sostatt vera við í altjóða kappingum undir før­oyskum flaggi. Skjótisambandið hev­ ur fingið limaskap í Inter­ national Shooting Sport Federa­tion, ISSF, eftir at ser­ sam­bandið fyrstu ferð søkti um limaskap í august 2019. Føroysk ítróttafólk innan skjót­ing kunnu sostatt eisini vera við í kappingum, sum Evropeiska Olympiska Nevnd­in, EOC, skipar fyri. EOC staðfesti endaliga í 2019, at Føroyar sleppa at luttaka undir føroyskum flaggi í EOC- kappingum í teimum ítrótta­ greinum, har Føroyar hava altjóða limaskap. – Hetta eru frálík tíðindi – serstakliga fyri menningina av føroyskum skjótiítrótti. Vit eru sera takksom fyri, at ISSF hevur bjóðað okk­um vælkomnum upp í felags­ skapin. Limaskapurin fer ikki einans at geva okkara ítrótta­ fólkum íblástur, hann fer eisini at geva okkum royndir á hægsta stigi. Vit eru so sera takksom fyri hesi góðu tíð­ indi, sigur Esmar Joensen, for­maður í Skjótisambandi Føroya. ÍSF fegnast um al­tjóða limaskapin hjá Skjóti­sam­ bandi­num. Jon Hestoy, vara­forseti í ÍSF, sigur, at limaskapurin er enn ein týð­ andi varði á leiðini at fáa før­ oyskum ítrótti alsamt fleiri altjóða viðurkenningar. – Hetta eru stórtíðindi, tá talan er um at menna før­ oyska skjótiítróttin í komandi ár­um, og hetta passar sum fót­ur í hosu við, at vit gera nýggja skjótibreyt, sigur Jon Hest­oy. Hann fegnast um, at alsamt fleiri føroysk ítróttafólk hava fing­ið høvið at kappast á al­ tjóða stigi undir føroyskum flaggi seinnu árini. Føroyar hava nú altjóða limaskap í 12 ítróttagreinum: bogaskjóting, bad­minton, dart, fótbólti, hond­bólti, parasport, judo, skjót­ing, svimjing, borðtennis, tae­k­wondo og flogbólti. Skjótisambandið fingið altjóða limaskap